Titi 2:2 - IBAYIBOLO 2024

² Ubamanyisye abanavuli abachasongo ukuti batakakolwanje, babanje bantu abamahala na bakwilema; babanje bantu abamaka mulwitiko, na balughano, sona na bololo.

Ulufingo Ulupya

² Ubamanyizye abanavuli abachasongo ukuti batakakolwanje, babanje bantu abamahala na bakwilema; babanje bantu abamaka mulwitiko, na balughano, sona na bololo.

Titi 2:2 Iomraidhean Croise

Yobu 12:12

Naloli abaghosi bo babo bali na mahala, sona abantu abavula intazi, bo babo bakwivwisya ivintu.

Masalimo 92:14

Napapo bangaghosipa, pope bulo bakwiza pakwela ivikomwa, ghakwiza pakuba mabisi sona ghamaka.

Ivyili 16:31

Ivwi yo mpumpu iya buchindamu, sona gho muvwalo uwa muntu umugholosu.

Yesaya 65:20

“Mutakwiza pakubamo sona umwana umunandi, uwakwikala bulo amasiku amanandi, pamo usongo yuyo atakwanisizye amaka ghache, umwana akwiza pakufwa nanti ali namaka 100, po umubomba mbibi amaka 100, ghakwiza pakuba chighune.

Aba Levi 19:32

“ ‘Mubapanje umuchizi abantu abavwi, sona mubachindikaye abantu abaghosi. Mumunyilaye u Chala winyu. Ane ne Mwene.

Maliko 5:15

Bo biza kwa Yesu bakamwennya umuntu yuyo akaba ni chilundilo icha mizimu imibibi. Akikalagha palapala, akavwala amenda, inyinong'ono zyache zikanyokelamo sona bosi bakanyila nkani.

Luka 8:35

Abantu bakabuka pakwennya chicho chikabombiwa, po bo biza kwa Yesu, bakamwagha umuntu yuyo imizimu imibibi yikepamo mumwache ikaye munyayo izya Yesu, bo avwalite, sona inyinong'ono zyache zikanyokelamo, po ubogha bukabalema bosi.

Imbombo 24:25

Bo u Pabuli akunena nizya bugholosu, nizya kwilema, sona nizya Isiku lilyo u Chala akwiza pakubalonga abantu, u Felikisi akaba nubogha nukumubuzya ukuti, “Ungabuka losi ulu. Nkwiza pakukwitizya sona nanti nakagha akabalilo.”

Aba Loma 12:3

Pachifukwa icha chisa chicho u Chala ampiye ukwendela muchisa chache, nkunena namwe mwebosi ukuti, mutakipimaye mwebene pakuba bapamwanya nkani ukuchila namumo mubeleye. Loli mubanje bakwiyisya amoyo ghinyu ukuyana ni chipimilo icha lwitiko lwinyu, lulo u Chala abapiye.

1 Aba Kolinti 15:34

Nyokelamo munyinong'ono zyinyu, sona muleke pakubomba imbibi, pachifukwa ichakuti balimo bamo mumwinyu babo batamumenye u Chala. Nkunena zinizi ukuti zibakozye isoni.

1 Aba Kolinti 9:25

Umuntu wesi yuyo ali panyangalo iyakuchimbila, akwikanizya muvintu vyosi, umwakuti apokele inkata iya maluba yiyo yikufoka, loli aswe tukulonda pakupokela inkata yiyo yitakufokapo nalumo.

2 Aba Kolinti 5:13

Nanti abantu bakwinong'ona ukuti tupunganite, momumo tupunganite pachifukwa icha Chala. Loli nanti tutapunganitepo, zili bunubu pachifukwa icha mwemwe.

Aba Galatiya 5:23

nukwiyisya sona nukwilema. Lutalipo ululaghilo nalumolumo, lulo lungasusannya ni vintu vinivi.

Aba Filipi 4:8

Mwee bakamu bane, pabumalilo nkubabuzya ukuti mubikayepo umoyo pavintu vyosi vivyo vyiza nkani, sona ni vichindamu ivi: Ivyanaloli, ni vichindamu, ni vigholosu, ni vizelu, ni vighaniwa, sona ni vyamuchizi.

1 Aba Tesalonika 5:6

Po tutakabanje ngati twe bantu abanji, babo baghonite utulo, loli tubanje maso, sona tutakakolwe.

1 Aba Tesalonika 5:8

Loli aswe twe bantu aba musanya, sona tutakakolwanje. Tubaghiye pakuvwala ulwitiko nu lughano pakuba chela ichakuzighila pachifuba, sona nu lusubilo lwitu kumutu pakuba chisote icha bupoki.

1 Timoti 1:10

na bamalaya, na banavuli babo bakughonana benebene, na bakwiba abantu, na bamyasi, na bakaboni abamyasi, sona na bosi babo bakususannya ni chimanyisyo ichenecho.

1 Timoti 1:14

U Mwene akampungulila ichisa ichikulu nkani nukumpa ulwitiko nu lughano vivyo tuli navyo pakumamatilana poka nu Kilisitu u Yesu.

1 Timoti 1:2

Nkukusimbila awe Timoti we mwana wane umwenecho mulwitiko. Ichisa nu mutende ivya kwa Chala u Tata, sona nu Kilisitu u Yesu u Mwene witu vibanje nawe.

1 Timoti 1:5

Loli ifundo iyakubapela indaghilo izi yakuti abitiki bosi babanje nu lughano, lulo lukufuma mumoyo umuzelu nu mabyebye umwiza, sona nu lwitiko ulwenecho.

1 Timoti 3:11

Umwakuyana bulo, bope na bachi babo babanje ni nkalo inyiza, sona batakabanje ni yebo, awe. Batakakolwanje, sona babanje basubiliwa muvyosi.

1 Timoti 3:2

Umulongozi uwa chipanga abanje ni nkalo inyiza, abanje nu muchi weka, atakakolwanje, abanje wakwilema nu mololo nu wamuchizi nu wakupokela abayeni, uwakumanya pakumanyisya.

1 Timoti 3:4

Amanyaghe pakulongozya akiza inyumba iyache ni yache nukwenelezya akiza ukuti abana bache bakumwivwila nu muchizi nkani.

1 Timoti 3:8

Umwakuyana bulo, bope abavwilizi muchipanga babanje ni nkalo inyiza, sona abasubiliwa. Batakang'welaye nkani uvinyo, pamo pakuba baghana ndalama.

1 Timoti 5:1

Utakamuchemelaye umuntu usongo, loli unenaye nawe ngati po we ghuso. Abalumendo wikalaye nabo ngati po bazuna bako.

Titi 1:13

Ulusimikizyo ulu lwanaloli. Pachifukwa ichi ubaghiye ubachemele nkani abantu balabala, umwakuti babanje bamaka mulwitiko,

Titi 1:8

Loli abanje muntu uwakupokela abayeni, nukuchighana chicho chiza. Abanje wakwilema nu mugholosu nu muzelu, sona nu wankalo inyiza.

Titi 2:7

Muvintu vyosi, awe ubanje we chifwanikizyo icha nkalo inyiza. Bo ukumanyisya, umanyisyanje nu moyo uwanaloli, sona nu muchizi.

Filimoni 1:9

loli pachifukwa icha lughano, nkwiza pakukulambilizya bulo. Ane ne Pabuli umuntu umughosi, sona pakabalilo aka indi mujele pachifukwa icha Kilisitu u Yesu.

1 Pitala 1:13

Polelo yannya amoyo ghinyu pakubomba imbombo. Mubanje maso, sona mubikayepo ulusubilo lwinyu losi palusayo lulo mukwiza pakupokela, bo u Yesu Kilisitu avumbuliwa.

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

1 Pitala 5:8

Mubanje maso, sona mwenelezye nkani! Umulwani winyu, u Satana, akuzyungulilazyungulila bo akubuluma ngati yo nkalamu, ukulonda yumo uwakuti amulye.

2 Pitala 1:6

pa mahala ghinyu monjelezyepo kwilema, pa kwilema kwinyu monjelezyepo ubufisalyoyo, sona pabufisalyoyo bwinyu monjelezyepo ukumwiputa u Chala.