Titi 2:13 - IBAYIBOLO 2024

¹³ bo tukulindilila nu lusubilo isiku isayiwa lila, isiku lilyo ubuchindamu ubwa Chala umukulu nu Mupoki witu u Yesu Kilisitu bukwiza pakuboneka.

Ulufingo Ulupya

¹³ bo tukulindilila nu lusubilo isiku isayiwa lila, isiku lilyo ubuchindamu ubwa Chala umukulu, nu Mupoki witu u Yesu Kilisitu bukwiza pakuboneka.

Titi 2:13 Iomraidhean Croise

Yesaya 25:9

Pisiku lilalila abantu bakwiza pakunena ukuti, “Naloli uyu we Chala witu, tukamusubila po akatupoka. Uyu we Mwene yuyo tukamusubila, zagha tusekelaye nukuhoboka pachifukwa icha kutupoka.”

Matayi 16:27

Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache.

Matayi 25:31

“Bo u Mwana uwa Muntu akwiza pakuba we Mwene poka na bantumi bosi, akwiza pakwikala pachitengo icha bumwene icha buchindamu.

Matayi 26:64

U Yesu akamula akati, “Wanena wemwene. Loli nkubabuzya mwebosi ukuti ukwandila pakabalilo aka mukwiza pakumwennya u Mwana uwa Muntu ikaye kunyobe indilo iya Chala Uwamaka Ghosi akwiza mumabingu.”

Maliko 14:62

U Yesu akamula akati, “Nene! Mwebosi mukwiza pakumwennya u Mwana uwa Muntu ikaye kunyobe indilo iya Chala Uwamaka Ghosi akwiza mu mabingu!”

Maliko 8:38

Nanti umuntu ali nane ni soni, sona ni chimanyisyo chane mumasiku amabibi agha, ghagho abantu bakumukana u Chala, po u Mwana uwa Muntu akwiza pakukoziwa isoni nawe, bo akwiza mubuchindamu ubwa Wise poka na bantumi abazelu aba kumwanya.”

Imbombo 24:15

Nkusubila mwa Chala ukuyana bulo namumo abene bakusubila ukuti abantu bosi abagholosu na babibi bakwiza pakuzyuka kubufwe.

Aba Loma 15:13

Umwenecho u Chala yuyo akutupa ulusubilo, abizuzye nu lusekelo, sona nu mutende ukwendela mukusubila kwinyu mumwache, umwakuti ulusubilo lwinyu lwendelelaye pakukula na maka agha Muzimu Umuzelu.

Aba Loma 5:5

Ulusubilo ulu lutakutukozya isoni, pachifukwa ichakuti u Chala pakwendela mu Muzimu Umuzelu, yuyo akatupa, akizuzya amoyo ghitu nu lughano lwache.

Aba Loma 8:18

Nkupima ukuti intamyo zizyo tuli nazyo losi ulu zitangafwanikiziwa napo panandi nu buchindamu bubo bukwiza pakuvumbuliwa kukwitu.

1 Aba Kolinti 1:7

umwakuti mutakusobelwapo ichabupi icha buzimu, bo mukulindilila ukuti u Mwene witu u Yesu Kilisitu avumbuliwe.

2 Aba Kolinti 4:4

Abene batakusubila pakuti u Satana, u chala uwa muchisu ichapasi azikite amoyo ghabo ukuti batakalwennyanje ulukozyo ulwa buchindamu ubwa Mazyu Amiza agha Kilisitu, yuyo nkozya bulo iya Chala.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

Aba Kolosi 1:27

Chicho u Chala akulonda chakuti abavumbulile abantu bache izya kubusyefu, chicho bukabi nu buchindamu pakasi pabantu aba inko zyosi. Izyakubusyefu zinizi zyakuti u Kilisitu akwikala mumwinyu, chicho chikusimikizya ukuti mukwiza pakugabana ubuchindamu ubwa Chala.

Aba Kolosi 1:5

Bo Amazyu Amiza, ghagho mazyu ghanaloli, ghalumbililiwa tasi kukwinyu, mukivwa nizya lusubilo lulo lukupa. Po ulwitiko lwinyu, sona nu lughano lwinyu vyimite pavivyo mukulindilila, vivyo visungiwe akiza nkani kumwanya.

Aba Kolosi 3:4

Ubumi bwinyu ubwenecho we Kilisitu, po bo akuboneka, namwe bulo mukwiza pakuboneka poka nawe nukugabana poka nawe ubuchindamu bwache!

2 Aba Tesalonika 2:16

U Mwene witu u Yesu Kilisitu nu Tata witu u Chala yuyo akatughana aswe, sona yuyo muchisa chache akatupa ulukazyo lwache lulo lutakupotwapo nalumo, sona nu lusubilo ulwiza,

2 Aba Tesalonika 2:8

Po umuntu umubibi yula akwiza pakuvumbuliwa. Loli u Mwene u Yesu akwiza pakumunangannya nu muyi uwa mumulomo wache, bo akwiza mubuchindamu bwache ubwakunyezimila.

1 Timoti 1:1

Ane ne Pabuli, umutumiwa uwa Kilisitu u Yesu ukuyana ni lamulo ilya Chala Umupoki witu, sona nilya Kilisitu u Yesu, yuyo lusubilo lwitu.

2 Timoti 1:2

Nkumusimbila u Timoti, umwana wane umughaniwa. Ichisa nu bwiza, sona nu mutende ivyakufuma kwa Chala u Tata nu Kilisitu u Yesu u Mwene witu vibanje nawe.

2 Timoti 4:1

Pantazi pa Chala na pamaso pa Kilisitu u Yesu, yuyo akwiza pakubalonga abantu abumi na bafwe bulo, sona pachifukwa ichakuti akwiza pakulaghila ngati we Mwene, nkukulamula ukuti

2 Timoti 4:8

Ilelo chicho nkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

Titi 1:2

lulo lwimite palusubilo ulwa bwila na bwila. U Chala, yuyo atakutamanta, akalayizya pakutupa ubumi bunubu, bo ni chisu ichapasi chitapeliwe.

Titi 1:4

Nkumusimbila u Titi, umwana wane uwanaloli mulwitiko, lulo aswe twe babili tuli nalo. Ichisa nu mumutende ivyakufuma kwa Chala u Tata, sona nu Kilisitu u Yesu, Umupoki witu vibanje nawe.

Titi 3:4

Loli bo u Chala Umupoki witu alanjizya ichisa nu lughano lwache,

Aba Hebeli 9:28

Umwakuyana bulo, u Kilisitu wepe akabikiwa lyoka bulo ukuti chibanje chakwiyipa ukwefya imbibi izya bantu abinji. Akwiza pakuboneka akabubili, pate pakwefya imbibi pene, awe, loli ukuti abapoke abantu babo bakumulindilila.

1 Pitala 1:3

Zagha tumupalizye u Chala yuyo we Wise uwa Mwene witu u Yesu Kilisitu! Pachifukwa icha chisa chache akatupa aswe ubumi ubupya pakumuzyusya u Yesu Kilisitu kubufwe. Ichi chikutupa ulusubilo ulwenecho,

1 Pitala 1:7

Injelo zinizi zyizite, umwakuti zisimikizye nanti ulwitiko lwinyu lwenecho. Ngati we golide yuyo angananganika, akuswefyiwa numoto, umwakuyana bulo, ulwitiko lwinyu lulo lwapamwanya ukuchila ugolide, lubaghiye luswefyiwe. Po mukwiza pakupokela amapalo nu buchindamu nu muchizi, pisiku lilyo u Yesu Kilisitu akwiza pakuvumbuliwa.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.

1 Yohani 4:14

Aswe twennya nukuzisimikizya ukuti u Tata akatuma u Mwana wache pakuba Mupoki uwa bantu aba muchisu ichapasi.

Yuda 1:21

Mwikalaye mulughano ulwa Chala, bo mukulindilila u Mwene witu u Yesu Kilisitu ukuti abape ubumi ubwa bwila na bwila ukwendela muchisa chache.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.