Titi 2:11 - IBAYIBOLO 2024

¹¹ Pakuti u Chala avumbula ichisa chache ukuti abantu bosi bapokiwe.

Ulufingo Ulupya

¹¹ Pakuti u Chala avumbula ichisa chache ukuti abantu bosi bapokiwe.

Titi 2:11 Iomraidhean Croise

Masalimo 67:2

Ubombaye bunubu umwakuti izila zyako zimanyikwe pachisu chosi ichapasi, sona nukuti ubupoki bwako bumanyikwe pakasi pabantu aba inko zyosi.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Masalimo 96:10

Mubabuzye abantu aba inko izinji mutinji, “U Mwene akulaghila.” Ichisu ichapasi chikalanite nkani, sona chitangayingana napo panandi. Akwiza pakubalonga abantu aba inko zyosi umwakuyana bulo.

Yesaya 45:22

Amwe mwe bantu bosi aba pachisu ichapasi, pindukila kukwane ukuti mupokiwe, pakuti Ane ne Chala, sona atalipo uyunji.

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 52:10

U Mwene akwiza pakulanjizya amaka ghache amazelu, pantazi pa inko zyosi, sona ubumalilo bosi ubwa chisu bukwiza pakubwennya ubupoki ubwa Chala witu.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Zekaliya 4:7

“Ghope na maghamaba amakulu nkani ghakwiza pakuba makombe pamaso pa Zelubabeli, akwiza nibwe ilya pankuto bo abantu bakukolomoka bakuti, ‘Mwee yikuboneka akiza! Mwee yikuboneka akiza!’ ”

Matayi 28:19

Po bukagha pakasi pabantu aba inko zyosi nukubapela pakuba bamanyili bane. Mubozyanje mwitabwa ilya Tata, nilya Mwana nilya Muzimu Umuzelu.

Maliko 16:15

Akababuzya akati, “Bukagha muchisu chosi ichapasi nukulumbilila Amazyu Amiza pakasi pabantu bosi.

Luka 24:47

sona nukuti mwitabwa lyache amazyu ghalumbililiwe pakasi pabantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Luka 3:6

Abantu bosi bakwiza pakwennya ubupoki ubwa Chala!’ ”

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 1:9

Ulukozyo ulwanaloli lulo lukubalamila abantu bosi lukizagha muchisu ichapasi.

Imbombo 11:23

Bo afika nukwennya mumo u Chala abasayila abantu, akahoboka nkani nukubalaba bosi ukuti bendelele pakusubila mwa Mwene na moyo ghabo ghosi.

Imbombo 13:43

Bo abantu bepapo palukomano lula, aba Yuda na bantu babo bate ba Yuda abinji babo bakapindukila ku Chiyuda bakamukonka u Pabuli nu Balanabasi. Abatumiwa bakababuzya nukubakazya ukuti bendelele pakwikala ukuyana ni chisa icha Chala.

Imbombo 13:47

Pakuti u Mwene akatupa ilamulo ilyakuti, ‘Nakubika awe pakuba lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.’ ”

Imbombo 17:30

Akabalilo kako abantu bakaba batighukite u Chala akabalekelela, loli ilelo akubalamula abantu bosi kosi kuko bali ukuti bapinduke nukuzileka imbibi zyabo.

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Aba Loma 10:18

Loli imbalalusye: Nkimba kokuti aba Izilayeli batakivwa Amazyu Amiza? Naloli bakaghivwa pakuti Amasimbo ghakuti, “Izyu lyabo likivwika pachisu chosi ichapasi, amazyu ghabo ghakafika mupaka kubumalilo ubwa chisu ichapasi.”

Aba Loma 5:15

Loli babili banaba batayanite, pakuti ichabupi ichabulo icha Chala chitayanite nukunanga ukwa Adamu. Momumo ukuti abantu abinji bakafwa pachifukwa icha kunanga ukwa muntu weka yula. Loli ichisa icha Chala chikulu nkani, sona ni chabupi ichabulo icha bantu abinji ukwendela muchisa icha muntu weka, u Yesu Kilisitu.

Aba Loma 5:2

Ukwendela mumwache atwighulila izila ukwendela mu lwitiko ukuti tuchimanye ichisa icha Chala, chicho tuli nacho losi ulu. Po zagha tusekelaye, bo tukulindilila ukugabana nabo ubuchindamu ubwa Chala.

2 Aba Kolinti 6:1

Pakuti tukubomba imbombo poka nu Chala, tukubalaba ukuti mutakachipokelaye ichisa icha Chala ngati po chintu chicho chite ni mbombo.

Aba Galatiya 2:21

Intakuchipima ichisa icha Chala pakuba chabulo. Pakuti nanti umuntu anganeniwa pakuba mugholosu pamaso pa Chala pakukonka Indaghilo, kokuti u Kilisitu akafwa pabulo!

Aba Efeso 2:5

napapo tukaba twe bantu abafwe pachifukwa icha kunyongana kwitu, akatupa ubumi mwa Kilisitu. U Chala akabapoka ukwendela muchisa chache.

Aba Efeso 2:8

U Chala akabapoka muchisa chache ukwendela mu lwitiko lwinyu. Ichi chite chifukwa icha kwiyula kwinyu, loli chabupi icha Chala.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

Aba Kolosi 1:6

Amazyu Amiza ghakwendelela pakwela ivikomwa nukusata muchisu chosi ichapasi ukuyana namumo zikabela mumwinyu, ukwandila pisiku lilyo mukaghivwa, sona nukwivwisya nizya chisa icha Chala.

2 Aba Tesalonika 2:16

U Mwene witu u Yesu Kilisitu nu Tata witu u Chala yuyo akatughana aswe, sona yuyo muchisa chache akatupa ulukazyo lwache lulo lutakupotwapo nalumo, sona nu lusubilo ulwiza,

1 Timoti 1:14

U Mwene akampungulila ichisa ichikulu nkani nukumpa ulwitiko nu lughano vivyo tuli navyo pakumamatilana poka nu Kilisitu u Yesu.

1 Timoti 2:4

yuyo akulonda ukuti abantu bosi bapokiwe, sona nukuti babumanye ubwanaloli.

2 Timoti 1:10

Loli ilelo chavumbuliwa kukwitu nukwiza ukwa Mupoki witu, u Kilisitu u Yesu. Amazizye amaka agha bufwe, sona ukwendela mu Mazyu Amiza avumbula pabuzelu ubumi bubo butangafwapo nalumolumo.

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.

Aba Hebeli 12:15

Mubanje maso ukuti atakabepo nayumo umuntu yuyo akwiza pakupotwa pakupokela ichisa icha Chala. Patakabepo nachimo ichimelwa ichakubaba, chicho chingamela pakasi papitu nukubapelela abantu abinji intamyo nukubaba kwache.

Aba Hebeli 2:9

Loli tukumwennya u Yesu, yuyo pakabalilo akapimpa bulo akanduka munandi bulo pamaso pa bantumi aba kumwanya. Po ilelo avwalite impumpu iya buchindamu nu muchizi pachifukwa icha kuyimba kwache nu bufwe umwakuti ukwendela muchisa icha Chala, abafwile abantu bosi.