Titi 1:9 - IBAYIBOLO 2024

⁹ Alemezye amazyu amasubiliwa ukuyana ni chimanyisyo chane, umwakuti angabakazya abantu abanji ni chimanyisyo ichanaloli, sona nukubapota abantu babo bakususannya ni chimanyisyo chinichi.

Ulufingo Ulupya

⁹ Alemezye amazyu amasubiliwa ukuyana ni chimanyisyo chane, umwakuti angabakazya abantu abanji ni chimanyisyo ichanaloli, sona nukubapota abantu babo bakususannya ni chimanyisyo chinichi.

Titi 1:9 Iomraidhean Croise

Yobu 2:3

Po u Mwene akamulalusya u Satana akati, “Nkimba wamwennyapo umubombi wane u Yobu? Pachisu ichapasi patalipo nayumoyumo umuntu umusubiliwa, sona umugholosu uwakuyana nawe, yuyo akunchindika sona akuzinyila imbibi. Awe ukandambilizya ukuti nkwitikizye pakumubombela ichintu ichibibi umwakusita ichifukwa nachimochimo, loli u Yobu we muntu umusubiliwa akabalilo kosi.”

Yobu 27:6

Nkwiza pakubukakatila ubugholosu bwane sona ntakwiza pakubulekezya nalumolumo. Umabyebye wane atakwiza pakunsusyapo mubumi bwane bosi.

Ivyili 23:23

Ghulagha ubwanaloli, sona utakabughulizyanje, banga na mahala, na mafundwe, sona nukwivwisya ivintu.

Imbombo 18:28

Na madali ghache aghamaka akabapota aba Yuda pabuzelu, pakubombezya Amasimbo ukusimikizya ukuti u Yesu we Kilisitu.

1 Aba Kolinti 14:24

Loli nanti bosi bakulaghula, sona buli nanti umuntu yuyo ate nu lusubilo pamo yuyo atakwivwisya, akwinjila mulamula akwiza pakuzyaghannya ukuti wambibi, sona akwiza pakwikutisiwa na zizyo ivwa.

1 Aba Tesalonika 5:21

loli muviyelaye ivintu vyosi. Mukakatile ichintu chicho chiza.

2 Aba Tesalonika 2:15

Polelo bakamu bitu, mwimaye nkani, sona mukakatile inyiho zizyo tukabamanyisya amwe, manyi mumazyu, manyi mubakalata bitu.

1 Timoti 1:10

na bamalaya, na banavuli babo bakughonana benebene, na bakwiba abantu, na bamyasi, na bakaboni abamyasi, sona na bosi babo bakususannya ni chimanyisyo ichenecho.

1 Timoti 1:15

Agha gho mazyu aghanaloli, ghagho ghabaghiye pakwitikiziwa nukusubiliwa: U Kilisitu u Yesu akiza muchisu ichapasi pakupoka abambibi. Po ane mumwabo nkaba ne mubibi ukuchilapo.

1 Timoti 1:19

Sungilila ulwitiko lwako nu mabyebye umwiza. Abantu bamo batakamwivwila umabyebye wabo, po ulwitiko lwabo lwananganika.

1 Timoti 4:9

Agha gho mazyu ghanaloli, ghagho ghabaghiye pakwitikiziwa nukusubiliwa.

1 Timoti 6:3

Nanti umuntu yumo akumanyisya ichimanyisyo ichakulekana ni vintu ivi, sona atakwivwana na mazyu aghanaloli agha Mwene, u Yesu Kilisitu ni vimanyilo ivya chiputo chitu.

2 Timoti 1:13

Uchilemezyanje ichimanyisyo ichanaloli chicho ukivwa kukwane, umwakuti chibanje chifwanikizyo chicho ubaghiye pakuchikonka. Ubombaye zinizi nu lwitiko, sona nu lughano, vivyo tuli navyo pakumamatilana poka nu Kilisitu u Yesu.

2 Timoti 2:2

Ukanyivwa nkulumbilila ivintu vinivi pamaso pa bakaboni abinji. Polelo ubamanyisye ivintu vinivi abantu abasubiliwa, babo bope babamanyisye abantu abanji.

2 Timoti 2:25

Abanje mololo, bo akubamanyisya abantu babo bakumususya nu lusubilo ulwakuti u Chala akwiza pakubapa ulusako ulwakupinduka nukuzileka imbibi zyabo nukubumanya ubwanaloli.

2 Timoti 3:14

Loli awe, endelela pakulemezya ubwanaloli bubo ukamanyisiwa, sona ubusubile nkani, pakuti ubamenye babo bakakumanyisya zinizi.

2 Timoti 4:3

Pakuti akabalilo kakwiza, po abantu bakwiza pakuchikana ichimanyisyo ichanaloli. Loli bakwiza pakukonka ivinyonywa vyabo nukwibunganikila bene abamanyisi abinji, babo bakwiza pakubabuzya zizyo amakutu ghabo ghakunyeghela ukuti ghivwe.

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

Titi 2:1

Loli awe ubaghiye umanyizyanje ukuyana ni chimanyisyo ichenecho.

Yuda 1:3

Mwee bamanyani bane abaghaniwa, nkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani ubwite pakulwimila ulwitiko lulo u Chala abapiye abantu bache.

Ubuvumbuli 2:25

Loli amwe mulemezye nkani chicho muli nacho mupaka nize.

Ubuvumbuli 3:11

Nkwiza losi ulu. Ulemezye nkani chicho uli nacho, umwakuti atakabepo nayumo umuntu uwakukufyula impumpu yako.

Ubuvumbuli 3:3

Po ukumbuke zizyo ukamanyisiwa, sona na zizyo ukivwa. Uzyivwile, upinduke nukuzileka imbibi zyako. Nanti utakulamusya, nkwiza pakukwizila ngati ne mwiba, sona utakwiza pakukamanya akabalilo kako nkwiza pakukwizila.