Titi 1:11 - IBAYIBOLO 2024

¹¹ Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

Ulufingo Ulupya

¹¹ Ubaghiye ubakanizyanje pakunena-nena, pachifukwa chakuti bakuvulungannya imitu iya bantu munyumba zyosi pakubamanyizya vivyo vitabaghiye pakumanyiziwa. Pakubomba bunubu yikuba ngati yo zila iyakukabilamo indalama.

Titi 1:11 Iomraidhean Croise

Masalimo 107:42

Abagholosu bakuzyennya zinizi nukusekela, loli abantu ababibi akubasona imilomo yabo.

Masalimo 63:11

Loli u mwene akwiza pakuhoboka pachifukwa icha Chala. Bosi babo bakalapila mwitabwa lyache, bamuchindikaye, bo abamyasi basona imilomo yabo.

Yelemiya 8:10

Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Ezekiyeli 13:19

Mwankozya isoni pakasi pabantu bane pachifukwa ichakupokela amapemba amanandi bulo nu tumenyu utwa chibama. Mwabazimbula abantu bane, babo bakuteghelezya ubumyasi, mwabaghogha abantu babo batabaghiye pakufwa nukubaleka babo batabaghiye pakuba bumi.

Ezekiyeli 16:63

Ukumbuke nukuba nisoni umwakuti utakighulaye sona umulomo wako, pachifukwa icha kusamuliwa kwako, bo nkukuhobokela zyosi zizyo wabomba, u Mwene Uwamaka Ghosi anena.’ ”

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 3:5

U Mwene akuti, “Abalaghuzi babo bakubasovya abantu bane, nanti yumo akubapa ichakulya, kokuti bakulumbilila ‘umutende.’ Nanti atakubomba bunubu, kokuti bakwiyannya pakulwa nawe ubwite.

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Luka 20:40

Pakuti nayumo umuntu akajimbagha umoyo pakumulalusya sona.

Yohani 10:12

Umudimi uwaganyu bulo, yuyo ate mudimi, sona yuyo ing'ozi zite zyache, nanti akuyennya impumpi yikwiza, akuzileka ing'ozi nukuchimbila, po impumpi yikulemapo ing'ozi zila nukuzinyampannya.

Aba Loma 3:19

Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala.

2 Aba Kolinti 11:10

Pakuti ubwanaloli ubwa Kilisitu buli mumwane, amituvyo ghane agha ghatakwiza pakukaniziwapo nalumolumo muvigaba ivya Akaya.

1 Timoti 5:13

Abene bangamanyila pakuba bakata, umwakuti bakwendakwenda kunyumba iyi na yila. Vite vyo vinivi vyene, loli bakumanyila sona ukuyeba, na balumannye pakunena ivintu vivyo vitababaghiliye pakunena.

1 Timoti 5:4

Loli nanti umukolo umufwilwe ali na bana, pamo abizukulu, banaba bo babo babaghiye pakumanyila tasi ukumunyila u Chala munyumba zyabo. Pakubomba bunubu bakwiza pakubanyokezya abapapi na basekulu babo, zizyo bakapokela kukwabo, pakuti ichi chikumuhobosya nkani u Chala.

1 Timoti 6:5

Abantu banaba bakudalinkana na bantu babo inyinong'ono zyabo nyonganu, sona babo batabumenye ubwanaloli. Bakwinong'ona ukuti ukwiputa kwa Chala yo zila yimo iyakukabilapo indalama.

2 Timoti 2:18

babo bakasobela nukuleka ubwanaloli. Abene bavulungannyanga ulwitiko ulwa bantu bamo pakunena ukuti ukuzyuka ukwa bantu abafwe kwabombiwa kale.

2 Timoti 3:6

Bamo aba bantu banaba bakwinjila munyumba izya bantu nukubazimbula abakolo babo badedebaye, babo bang'wamilwe nu katundu uwa mbibi. Abakolo banaba bakuwesiwa ni vinyonywa ivyakulekanalekana,

Titi 1:7

Pakuti usongo uwa chipanga we wakwenelezya imbombo iya Chala, abanje muntu umusita chilema nachimochimo. Atakabanje muntu uwakwitutumula nu wakukalala mwalwemwalwe pamo uching'wela. Atakabanje muntu uwalombwa, pamo umughana ndalama.

Titi 1:9

Alemezye amazyu amasubiliwa ukuyana ni chimanyisyo chane, umwakuti angabakazya abantu abanji ni chimanyisyo ichanaloli, sona nukubapota abantu babo bakususannya ni chimanyisyo chinichi.

Titi 3:10

Nanti wamusoka umuntu yuyo akupela ukugabinkana, lyoka pamo kabili, po utakabanje sona nawe ni mbombo.