Titi 1:10 - IBAYIBOLO 2024

¹⁰ Pakuti balipo abantu abinji, babo basambuke, na baneno izyamwalwe, na bazimbuli, nkaninkani aba mukabukatila aka bantu abasilimuliwe.

Ulufingo Ulupya

¹⁰ Pakuti balipo abantu abinji, babo basambuke, na baneno izyamwalwe, na bazimbuli, nkani-nkani aba mukabukatila aka bantu abasilimuliwe.

Titi 1:10 Iomraidhean Croise

Imbombo 11:2

Bo u Pitala abuka ku Yelusalemu, akabukatila kako kakitikizyanga ukuti abantu babo bate ba Yuda basilimuliwe, bakamususya bakati,

Imbombo 15:1

Abantu bamo babo bakafuma muchigaba icha Yudeya bakabuka ku Antiyokiya nukwanda pakubamanyisya abitiki ukuti, “Mutangapokiwa pene papo mwasilimuliwa ukuyana ni Ndaghilo izya Mozesi.”

Imbombo 15:24

Twivwa ukuti abantu bamo aba mukabukatila kitu bakabatamya nukubavulungannya amwe pavintu vivyo bakanena. Loli tute sweswe tukabatuma ukuti babombe bunubu.

Imbombo 20:29

Inzimenye ukuti bo nabuka impumpi inkali zitakwiza pakughuleka bulo umudimo.

Aba Galatiya 2:4

Ifundo iyi yikanda pachifukwa icha bakamu bamo abamyasi, babo bakaba palapala. Abene bakinjila mubusyefu mukabukatila kitu ukuti batendele ubusatuke, bubo tuli nabo mwa Kilisitu Yesu, pakuti bakalondagha ukuti tubanje bazya.

Aba Galatiya 3:1

Mwee ba Galatiya, mwe bapunganu! Nkimba wewenu akabalogha? Amwe mukabuziwa akiza nkani nizya bufwe ubwa Yesu Kilisitu pachipinjika ngati po mukachennya na maso ghinyu.

Aba Efeso 4:14

Po tutakwiza pakuba sona ngati bo babonda, babo bakuyinganayingana na mayigha, sona nukupupuka ni mpepo iya chimanyisyo icha bantu abamyasi, babo bakubapuvya abantu nu buchevu bwabo.

1 Timoti 1:4

Ubabuzye ukuti baleke pakubikapo umoyo patupangwi bulo, sona ni mbatiko izya matabwa agha banyenya. Ivi vikwandizya bulo ivyongo, sona vite ni mbombo nayimoyimo pambombo iya Chala, ukwendela mu lwitiko.

1 Timoti 1:6

Abantu bamo bapaghukiteko kuvintu vinivi, nukutagha akabalilo na mazyu aghamwalwe.

1 Timoti 1:9

Tubaghiye twivwisye ukuti indaghilo zitakapinyiwa pachifukwa icha bantu abagholosu, awe. Loli pachifukwa icha bantu abananga ndaghilo, na basita kwivwila. Zikapinyiwa pachifukwa icha bantu babo batamumenye u Chala, sona na bantu abambibi; pachifukwa icha abantu ababibi, na babo bakumukana u Chala; abantu babo bakughogha abawise, pamo abanyina pamo, abaghoghi,

2 Timoti 3:13

Loli abantu ababibi na bazimbuli bakwiza pakonjelelakonjela akuba babibi nukubazimbula abantu abanji, loli bope bakwiza pakuzimbuliwa.

2 Timoti 4:4

Bakwiza pakusindila amakutu ghabo ukuti batakivwanje ubwanaloli nukuteghelezya utupangwi utwa bulo.

Titi 1:6

Kumbuka ukuti usongo uwa chipanga atakabanje ni chilema nachimochimo. Abanje nu muchi weka, yuyo abana bache bitiki, sona atakabanje ni mbili iya bunyamana pamo iyakusita ukwivwila.

Yakobo 1:26

Nanti umuntu akwipima ukuti akumwiputa u Chala, loli atakululema ululimi lwache, akwizimbula bulo, sona ukwiputa kwache kwabulo.

1 Yohani 2:18

Bana bane ubumalilo buli papipi! Amwe mukivwa ukuti umulwani uwa Kilisitu akwiza. Losi ulu abalwani abinji aba Kilisitu baboneka kale, po zinizi zikutusimikizya ukuti ubumalilo buli papipi.

1 Yohani 2:4

Umuntu wesi yuyo akuti, “Imumenye u Chala” loli atakukonka amalamulo ghache, kokuti umuntu yula mumyasi, sona mumwache butalimo ubwanaloli.

1 Yohani 4:1

Mwee bamanyani bane abaghaniwa, mutakabasubilaye abantu bosi babo bakuti bali nu Muzimu Umuzelu, loli mubayezyanje ukuti mumanye nanti naloli umuzimu ghugho bali nagho wakwa Chala. Pakuti abalaghuzi abamyasi binji nkani muchisu chosi ichapasi.

Ubuvumbuli 2:14

“Loli utuntu utunandi bulo tuto nkubasusya nato twakuti, mukasi mumwinyu muli abantu babo bakukonka ichimanyisyo icha Balamu, yuyo akamumanyisya u Balaki namumo angabadebela aba Izilayeli ukuti balye ichakulya chicho chibikiwe ku vifwani ukuti chibanje chakwiyipa, sona nukubomba ubwamalaya.

Ubuvumbuli 2:6

Loli ubwiza bubo uli nabo bwakuti uzibengite imbombo izya Nikolayi, zizyo nane bulo inzibengite.