Obadiya 1:5 - IBAYIBOLO 2024

⁵ “Nanti abiba biza pabusiku pakwiba, bakusenda vyosi vivyo bakuvilonda, abakuyaba amampesya bakughalekako ghamo, loli abalwani binyu bakubibila umwakufikapo.

Obadiya 1:5 Iomraidhean Croise

2 Samuweli 1:19

“Wee Izilayeli, ubuchindamu bwako bwamalila mumaghamba. Abantu abamaka nkani batuleka.

Yesaya 14:12

Wawa ukufuma kumwanya, wee lutondwa ulwa pandabindabi, we mwana uwa kubuche! Wasumbiwa pachisu ichapasi, wewe ukaziwisya pasi inko!

Yesaya 17:6

Loli imisyunguti yimo iyakusalalizya yikwiza pakusyalako, ngati kokuneng'ennya ukwa likwi lyache, lilyo likulekaghapo ivikomwa vibili pamo vitatu patusamba utwapamwanya, folo pamo fayivi mutusamba utwa pasi,” U Mwene, u Chala uwa Izilayeli anena.

Yesaya 24:13

Momumo zikwiza pakuba ku inko zyosi izya muchisu ichapasi, ngati mumo ikwi ilya misyunguti balipalanta, pamo nanti amampesya ghamo ghasyala aghakusalala.

Yelemiya 49:9

Nanti abakuyaba amampesya bakwiza kukwinyu nkimba batangaghaleka ghamo manandi? Nanti abiba biza pabusiku pakwiba, nkimba batabaghiye pakusenda vyosi vivyo bakuvilonda?

Yelemiya 50:23

U Babiloni aba ngati yo nyondo yiyo yikachinangannya ichisu ichapasi. U Babiloni ipela chisami mukasi mu inko izya bantu.

Yelemiya 6:9

U Mwene Uwamaka Ghosi akuti, “Leka basalalaye aba Izilayeli abakusyalako, ngati mumo abantu bakubombela pakuyaba amampesya pakughefyako ku tusamba twache.”

Nkuto 1:1

Mwee, akaya akakulu nkani aka Yelusalemu, kako kale kakizula na bantu ilelo kaba chisami. Ali ngati mukolo umufwilwe, yuyo kale akachindikiwanga muchisu ichapasi. Akaba we mwene umukolo uwa inko izinji zyosi, loli ilelo aba muzya.

Obadiya 1:9

Wee Temani, abasilikali bako bakwiza pakukunyila, sona umuntu wesi akwiza pakughoghiwa pighamba ilya Esabu.

Mika 7:1

Mwee, chighune kukwane! Naba ngati muntu yuyo akubungannya ivikomwa muchisanya, sona ngati po nkusalala amampesya. Kute na mampesya aghakulya, pamo ukuba nikwilu ni vikomwa ivya makuyu ghamo.

Zefaniya 2:15

Kanaka ko kaya akakulu nkani kako katakupasya kakikalagha umwakufwasa. Kakinong'onagha ukuti, “Ane ne nene, sona atalipo uyunji uwakunchila.” Ilelo kaba chisami, akaya kavinyamana ivya munkolongo! Bosi babo bakudumusannya palapala bakukaseka, bakwiza pakuchenuka nukupukunnya imitu yabo.

Ukukumbusya Amalamulo 24:21

Bo ukuyaba amampesya mumughunda wako, utakapyanizye pakuyaba sona amampesya aghakusyalikila. Vilavila ubalekele abayeni na balanda sona na bakolo abafwilwe.

Ubuvumbuli 18:10

Bakwiza pakwimilila pabutalipo pachifukwa ichabogha nintamyo zyache. Bakwiza pakunena ukuti, ‘Intamyo mwee! Intamyo mwee! Intamyo wee akaya akakulu nkani aka Babiloni, akaya akamanyikwe, sona akamaka! Awe wafundiwa mwa awala weka bulo.’