Obadiya 1:21 - IBAYIBOLO 2024

²¹ Abakupona bakwiza pakukwela ighamba, ilya Ziyoni pakulaghila pighamba ilya Esabu. Sona ubumwene bukwiza pakuba bwa Mwene.”

Obadiya 1:21 Iomraidhean Croise

Ubwandilo 25:23

Po u Mwene akamubuzya akati, “Mulwanda lwako muli inko izya bantu babili. Ukwiza pakupapa inko zibili izya bantu babo bakwiza pakubengana. Weka akwiza pakuba wamaka nkani ukumuchila uyunji, sona ukatote akwiza pakumubombelagha umunandi.”

2 Abamwene 13:5

U Mwene akabatumila aba Izilayeli umulongozi ukuti abapoke munyobe izya ba Siliya. Po aba Izilayeli bakikala mumutende ngati mumo bakabela pakwanda.

Nehemiya 9:27

Po ukababika munyobe izya balwani, babo bakabayivya nkani. Loli bo bayimba nkani, bakakulilila. Po kumwanya uko ukabivwa sona pachifukwa icha chisa chako ukabatumila abantu pakubapoka munyobe izya balwani babo.

Masalimo 102:15

Abantu aba inko izinji bakwiza pakulichindika itabwa ilya Mwene, abamwene bosi aba pachisu ichapasi bakwiza pakubunyila ubuchindamu bwako.

Masalimo 22:28

Pakuti u Mwene we mwene, sona akuzilaghila inko zyosi.

Masalimo 22:29

Abakabi bosi bakwiza pakuba nu lusekelo nukwiputa, Bosi babo bakusyiliwa mwipumpa bakwiza pakumufughamilila kokuti bosi babo batangisungilila bene pakuba bumi.

Masalimo 47:7

Pakuti u Chala we Mwene uwa chisu chosi ichapasi, mumwimbilaye ulwimbo ulwamapalo.

Masalimo 67:4

Abantu aba inko izinji bahobokaye, sona bimbaye pachifukwa icha buhobosu. Pakuti ukubalongela abantu aba inko zyosi mubwanaloli, sona ukubamanyisya abantu aba inko izinji pachisu ichapasi.

Yesaya 19:20

Chikwiza pakuba chimanyilo nu bukaboni kwa Mwene Uwamaka Ghosi muchisu icha Ijiputi. Bo bakulila kwa Mwene pachifukwa icha bayinvyi, akwiza pakubatumila Umupoki nuwakubimila, sona nukubapoka.

Yesaya 24:23

Umwezi ghukwiza pakwima, lyope izuba litakwiza pakulama, pakuti u Mwene Uwamaka Ghosi akwiza pakulaghila, pighamba ilya Ziyoni na mu Yelusalemu, po pantazi pa basongo pakwiza ukuboneka ubuchindamu.

Daniyeli 12:3

Abantu babo bali na mahala bakwiza pakulama ngati yo mwanya. Bope abantu babo bakubalongozezya abantu abinji ku zila ingolosu, bakwiza pakulamagha ngati zyo ntondwa bwila na bwila.

Daniyeli 2:35

Po ichela ni tope nu mukuba nu siliva, sona nu golide vikatiziwa pakabalilo koka, nukuba ngati lufumbi pabuzilo ubwakukomelapo inyinulo. Impepo yikavipupuzya sona patakasyalapo nakamokamo akantu. Loli ibwe lilyo likatizannya ichifwani chila likanduka pakuba lighamba ikulu nkani, sona likizula pachisu chosi ichapasi.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Yoweli 2:32

Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Matayi 6:10

Ubumwene bwako bwizaghe, ubwighane bwako bubombiwanje pachisu ichapasi pano ukuyana namumo kubeleye kumwanya.

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Luka 22:30

Mukwiza pakulya nukung'wela poka nane mu Bumwene bwane, sona amwe mukwiza pakwikala pa vitengo ivya bumwene pakulonga inko 12 izya ba Izilayeli.

1 Timoti 4:16

Wiyenelezye akiza wemwenecho nubumi bwako, sona ni chimanyisyo chako. Endelela pakubomba ivintu vinivi, pakuti pakubomba bunubu, u Chala akwiza pakukupoka, sona na bantu babo bakuteghelezya amazyu ghako.

Yakobo 5:20

mukumbuke ichi: Umuntu wesi yuyo akumunyosya umuntu kumbibi zyache, akwiza pakubupoka ubumi ubwa mubibi yula kubufwe, sona akumwavwa ukuti imbibi zyache inyinji zihobokeliwe.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 19:6

Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.

Abalongi 2:16

Po u Mwene akabimika abalongozi, babo bakabapoka munyobe izya mavyondongo ghala.

Abalongi 3:9

Loli bo bamulilila u Mwene, po u Mwene yula akabatumila umuntu uwakuti abapoke. Umuntu yunuyu akaba we Otiniyeli, umwana uwa Kenazi, umuzuna uwa Kalebu, yuyo akabapoka.