Obadiya 1:15 - IBAYIBOLO 2024

¹⁵ “Isiku ilya Mwene lipalamiye ku inko zyosi. Wee Edomu, ngati mumo wabombela, zikwiza pakubombiwa nakukwako bulo, vivyo wabomba vikwiza pakunyokela pamutu wako.

Obadiya 1:15 Iomraidhean Croise

Esitele 9:25

Loli bo u mwene azyaghannya zizyo akalondagha pakubomba, akabika ululaghilo ulusimbe ulwakuti ichintu ichibibi chicho u Hamani akabatika pakubabombela aba Yuda chimuwile yuyo. Po u Hamani na bana bache bakapayikiwa pikwi.

Yobu 24:1

“Nkimba choni chicho Uwamaka Ghosi atakusala akabalilo akakulongela?” Nkimba choni chicho abantu babo bamumenye, batakughennya amasiku ghanagha?

Masalimo 137:8

Mwee bantu aba muchisu icha Babiloni, mwe mubaghiye pakunanganika. Musayiwa umuntu, yuyo akwiza pakubatanizya zizyo mwatubombela.

Ivyili 5:22

Imbombo imbibi izya muntu umubibi zikuba chipingo chache, inkusa izya mbibi zyache zikumupinya mwene.

Yelemiya 12:14

U Mwene akuti, “Nizya bapalamani bane bosi ababibi babo bakufyula ichilingo chicho nkabapa abantu bane aba Izilayeli, nkwiza pakubefyamo muchisu chilachila sona nkwiza pakubanyunkulannya aba muchisu icha Yuda mukasi mumwabo.

Yelemiya 49:12

Umu momumo u Mwene akunenela, “Nanti babo batabaghiye pakung'wela ulubako, babaghiye pakung'wela, po nkimba mukwinong'ona ukuti mukwiza pakupona ulufundo ulu? Mutakwiza pakupona, loli mubaghiye pakung'wela.

Yelemiya 50:29

“Mubitizye bosi abafundi aba bwele, ukuti balwe ubwite naba mu Babiloni. Babazyungulile sona atakabepo nayumoyumo uwakupona. Mubatanizye pachifukwa icha mbombo zyabo, Mubabombele zizyo bakababombela abanji, Pakuti bakamusamula u Mwene Umuzelu uwa Izilayeli.

Yelemiya 51:56

Abakumunangannya u Babiloni bafika, abasilikali bache balemiwa sona ubwele bwabo bwapyoliwa. Pakuti ane ne Chala yuyo akutanizya imbibi pa mbibi, naloliloli nkwiza pakubatanizya imbibi pa mbibi,

Ezekiyeli 30:3

Pakuti isiku lili papipi, isiku ilya Mwene lili papipi, isiku ilya mabingu, akabalilo akakunanganika ukwa inko.

Ezekiyeli 35:11

polelo u Mwene Uwamaka Ghosi akulapa akuti: Naloliloli nkwiza pakubabombela ngati mumo mukababombela abantu bane pakubalanjizya ubukali bwinyu na kabini kinyu sona nulubengo lwinyu, nkwiza pakumanyikwa pakasi papabo bo nkubalonga amwe mwe bantu aba mu Seyili.

Ezekiyeli 35:15

Pachifukwa ichakuti mukahoboka bo ichilingo icha ba Izilayeli chaba chisami, umu momumo nkwiza pakubombela namwe, mukwiza pakuba chisami, wee lighamba ilya Seyili, sona ni chisu chosi icha Edomu. Po bakwiza pakumanya ukuti ane ne Mwene.’ ”

Yoweli 1:15

Mwee, chighune pisiku lilalila! Pakuti isiku ilya Mwene lili papipi, sona likwiza ngati kunanganika, ukufuma ku Wamaka Ghosi.

Yoweli 2:1

Lizya ipati pamwanya pa Ziyoni, kolomoka pighamba lyane izelu pakubasoka. Leka abantu bosi babo bakwikala muchisu batetemaye, pakuti isiku ilya Mwene lili papipi, sona lili pampuno bulo.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Amosi 5:18

Chighune nkani, mwe mukulisamba isiku ilya Mwene! Nkimba choni chicho mukulisamba isiku ilya Mwene? Isiku lila likwiza pakuba lisiku ilya chisi, te kukabanje ulukozyo.

Amosi 5:20

Isiku ilya Mwene likwiza pakuba chisi chene, sona kutakwiza pakubako ulukozyo.

Mika 5:15

Mubukalale sona na mubukali bwane, nkwiza pakuzitanizya inko zyosi zizyo zitakanyivwila.”

Habakuku 2:8

Pachifukwa ichakuti wazifyula inko inyinji, abantu babo basyalikiye bope bakwiza pakukufyula ivintu vyako. Pakuti wakupula ibanda ilya bantu, nukupela ulombwa muvyisu na mutwaya utukulu nkani, sona na wesi yuyo ali mulamula.

Matayi 7:2

Pakuti mumo mukubalongela abantu abanji, momumo u Chala akwiza pakubalongela. Ichipimilo chicho mukubombezya pabantu abanji, cho chicho u Chala akwiza pakubombezya papinyu.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.