Nkuto 5:7 - IBAYIBOLO 2024

⁷ Abanyenya bitu bakananga, po bazimila, aswe tukufundiwa pachifukwa icha imbibi zyabo.

Nkuto 5:7 Iomraidhean Croise

Ubwandilo 42:13

Bakamwamula u Yosefu bakati, “Aswe twe babombi bako, tukabapo twe banamuntu 12, abana aba tata weka muchisu chitu icha Kenani. Umunandi nkani munyumba yitu ali nu tata witu, loli uwamwitu yumo afuye.”

Ubwandilo 42:36

Po uwise u Yakobo akababuzya akati, “Nkimba mukulonda ukuti mundeke ne musita mwana nayumoyumo. U Yosefu akabuka, wepe nu Simiyoni abukite, polelo mukulonda pakubuka sona nu Benjamini. Intamyo zyosi zinizi zikungwila nene?”

Yobu 7:21

Nkimba choni chicho utakuzimya ukunanga kwane nukuzihobokela imbibi zyane? Pakuti losi ulu nkwinjila mwipumpa, ukwiza pakundondelezya, loli utakwiza pakunyennya nalumo.”

Yobu 7:8

Amaso ghagho ghakunennya pakabalilo aka, ghatakwiza pakunyennya sona. Mukwiza pakundondelezya, loli mutakwiza pakunyennya nalumo.

Ukufuma 20:5

“Utakavifughamililaye pamo pakuvyiputa, pakuti ane ne Mwene u Chala winyu, ne muzuba. Nkubafunda abana aba nkulilo iyabutatu mupaka ni yafolo pachifukwa icha mbibi izya bawise.

Yelemiya 14:20

Wee Mwene, tukwitika ububibi bwitu, sona ni mbibi izya banyenya bitu, pakuti naloliloli twakunangila.

Yelemiya 16:11

Po awe ubamule uti, ‘Pachifukwa ichakuti abanyenya binyu bakandeka, po bakabakonka abachala abanji nukubabombela sona bakanda pakubiputa. Bakankana sona batakazisunga indaghilo zyane.

Yelemiya 16:12

Loli amwe mwabomba ububibi nukuchilapo pabubo abanyenya binyu bakabomba. Umuntu wesi akubukonka ububibi ubwa moyo wache umukafu mubuzilo ubwa kunyivwila.

Yelemiya 31:15

U Mwene akuti, “Izyu likwivwika mu Lama, ukulila nukufwifwitila ukukulu. U Lakelo akubalila abana bache, sona akukana pakusangalusiwa, pachifukwa ichakuti abana bache bate ku bumi sona.”

Yelemiya 31:29

Mumasiku ghalaghala abantu batakwiza pakunena sona ukuti, ‘Abapapi balya amampesya aghakubaba, loli amino agha bana babo ghawa ubwazi.’

Ezekiyeli 16:58

Ukwiza pakufundiwa pachifukwa icha nkalo yako imbibi sona iya mwiko, u Mwene anena.’ ”

Ezekiyeli 18:2

“Nkimba mukung'anamula choni nanti mukupyanizya ichili muchisu icha Izilayeli ukuti, ‘Abanyenya bakalyanga amampesya aghakubaba, sona amino aghabana ghakawa ubwazi’?

Zekaliya 1:5

‘Nkimba ilelo abanyenya binyu bali ko kwiyi? Nkimba abalaghuzi baliko bwila na bwila?

Ukubelengiwa 14:18

‘U Mwene atakukalala lubilolubilo, walughano lulo lutakumala, sona akubahobokela abantu abambibi na bakusambuka. Loli atakubaleka bulo, akubafunda abana pachifukwa icha mbibi izya bapapi babo mupaka ninkulilo iyabutatu ni yafolo.’