Nkuto 5:5 - IBAYIBOLO 2024

⁵ Ikoli lili pasingo zyitu, sona tukuchimbiziwa nkani, twalita po batakutwikizya pakutuzyapo.

Nkuto 5:5 Iomraidhean Croise

Yelemiya 27:2

“Panga ikoli pakubombezya utupote utwa ikwela nutukwi, po wivwike musingo.

Yelemiya 27:8

“ ‘Loli nanti uluko lumo, pamo ubumwene ubunji bosi butakwiza pakumubombela u Nebukadineza u mwene uwa chisu icha Babiloni, nukuleka pakumulambila u mwene yula, nkwiza pakulufunda uluko lula nupanga, nizala sona ni chiwaya mupaka inganangannye amaka agha luko lula. Ane ne Mwene nanena.

Yelemiya 28:14

U Mwene Uwamaka Ghosi, u Chala uwa Izilayeli akuti, ‘Nkwiza pakubika ikoli ilya chela musingo izya inko zyosi zinizi ukuti zimubombelaye u Nebukadineza u mwene uwa ku Babiloni sona zikwiza pakumubombela. Sona namupa ubulaghili napa vinyamana ivya muzi.’ ”

Yelemiya 51:58

U Mwene Uwamaka Ghosi akuti, “Ivibumba ivya maka ivya Babiloni vikwiza pakumongoliwa, sona imilyango yache imitali yikwiza pakochiwa. Inko izya bantu zikwipala pabulo, imbombo zyabo zikupya bulo mumoto.”

Nkuto 1:14

“Azipinyiliye imbibi zyane kwikoli, sona ni nyobe zyache akazipinyilila zyosi poka. Azipinyiliye musingo yane, u Mwene anyefya amaka, sona ambika munyobe izya bantu babo intangalwana nabo.

Nkuto 1:3

Abantu aba mu Yuda basendiwa pakubuka kuchisu icha buzya, kuko bali mumayimba pachifukwa icha mbombo inkafu. Bakwikala pakasi pa inko izinji, sona batakutuzyapo nalumolumo. Bosi babo bakubachimbizya babalema nukubabika mumayimba nkani.

Nkuto 4:19

Abakutuchimbizya bakaba bengo nkani, ukughachila amazwanga, Bakatuchimbizyanga mumaghamba, po bakatuvwamilila munkolongo.

Mika 2:3

Polelo, u Mwene akuti, “Nkubatika ukunanganika pabantu banaba, kuko mutangipoka mwebene Mutakwiza pakwenda nalumolumo umwakwituvya, pakuti kakwiza pakuba kabalilo akapalapala.

Matayi 11:29

Nyamula ikoli lyane, manyila kukwane pakuti ane ne mololo nu wakwiyisya. Po mukwiza pakubwagha ubutuzyo.

Imbombo 15:10

Po choni chicho mukulonda pakumuyela u Chala pakubapinyilila ikoli musingo abamanyili, lilyo abanyenya bitu pamo aswe twebene tukapotwa pakulinyamula?

Ukukumbusya Amalamulo 28:48

Polelo mukwiza pakubabombela abalwani binyu, babo u Mwene akwiza pakubatumila. Mukwiza pakuba nizala ni nyota sona abapina nkani. U Mwene akwiza pakubayivya nkani mupaka abanangannye mwebosi.