Nkuto 5:2 - IBAYIBOLO 2024

² Ichilingo chapeghiwa ku bayeni, sona inyumba zyitu zipeghiwe kubendazila.

Nkuto 5:2 Iomraidhean Croise

Masalimo 109:11

Umukopezya ndalama, amufyulaye vyosi vivyo ali navyo, bope abayeni babafyulaye ivikomwa vivyo, batakutwinkilapo.

Yesaya 1:7

Ichisu chinyu chaba chisami, sona utwaya twinyu utukulu nkani tochiwe numoto. Abayeni bakubafyula amaghunda ghinyu bo mukubennya. Ichisu chinyu chaba bulo ngati nkolongo, sona abendazila bakuchinangannya.

Yesaya 5:17

Po ing'ozi zikwiza pakulya ngati po zili pisote iteta, tope utwana utwa ng'ozi tukwiza pakulya muvisami ivya bantu abakabi.

Yesaya 63:18

Bo pachilapo akabalilo akanandi bulo, abantu bako bakikala mubuzilo bwako ubuzelu, loli ilelo abalwani bitu, babukanyankilannya ubuzilo bwako ubuzelu.

Yelemiya 17:4

Mukwiza pakutagha vyosi ivya pachilingo, vivyo nkabapa pachifukwa icha kupuvya kwinyu. Nkwiza pakubapela bazya abakubabombela abalwani binyu, muchisu chicho mutachimenyemo lumo, pakuti ubukali bwane bukwaka ngati moto ghugho ghutakuzimamo nalumo.”

Yelemiya 6:12

Inyumba zyabo zikwiza pakupeghiwa ku bantu abanji, poka na maghunda ghabo sona na bachi babo bulo. Nkwiza pakubafunda abantu babo bakwikala muchisu chilachila. Ane ne Mwene nanena.

Ezekiyeli 7:21

Po nkwiza pakuvibika munyobe izya bayeni, ngati vyakufyula nukuvibika munyobe, izya bantu ababibi aba muchisu, abene bakwiza pakuvinyazya.

Ezekiyeli 7:24

Nkwiza na bantu ababibi aba inko, pakufyula inyumba zyabo. Nkwiza pakumazya amaka abakwituvya, sona ubuzilo bwabo ubuzelu, bukwiza pakuba bunyazu.

Hoseya 8:7

“Aba Izilayeli bakapesa impepo, nukwinula ukankungu. Amapelele ghatakwela nachimochimo, ghatakwiza pakubapa ubusu. Nanti ghakelagha abayeni ngali bakalya ichakulya.

Hoseya 8:8

U Izilayeli bamumila. Ilelo ali pakasi pabantu aba inko, ali ngati chibombelo chicho chite ni mbombo.

Zefaniya 1:13

“Ubukabi bwabo bukwiza pakufyuliwa, sona inyumba zyabo zikwiza pakumongoliwa. Bakwiza pakuzenga inyumba, loli batakwiza pakwikalamo. Bakwiza pakubyala amampesya, loli batakwiza pakung'wela uvinyo.”