Nkuto 4:9 - IBAYIBOLO 2024

⁹ Abantu babo bakughoghiwa nupanga bizapo, ukubachila babo bakufwa nizala. Bakaghandagha sona bakazililikagha pachifukwa icha zala.

Nkuto 4:9 Iomraidhean Croise

2 Abamwene 25:3

Pisiku ilya nayini mumwezi uwafolo uwa mwaka ghulaghula izala yikawa nkani, umwakuti abantu batakaba ni chakulya nachimochimo.

Ukufuma 16:3

nukuti, “Chikaba chizapo ngali u Mwene akatughoghelagha muchisu icha Ijiputi. Kulakula inyama yikalindagha musonta, sona tukalyanga ivyakulya vyosi vivyo tukalondagha. Loli amwe mwiza naswe munkolongo muno ukuti mutughoghe twebosi nizala.”

Yesaya 22:2

Wee kaya akakulu wizuye bulo nichongo, wee kaya akakulu nkani aka chongo na kalusekelo? Abantu babo bakafwa batakaghoghiwa nupanga, pamo ukufwila kubwite.

Yelemiya 16:4

“Bakwiza pakufwa nu bubine ubupalapala nkani. Batakwiza pakubalila pamo pakubasyila loli bakwiza pakuba ngati vinyazu vivyo vili pachisu. Bakwiza pakufwa nu bwite sona nizala. Imivimba yabo yikwiza pakuba chakulya icha viyuni ni vinyamana.”

Ezekiyeli 24:23

Ukwiza pakuvwala ivisote kumutu ni nkwato kunyayo zyako. Utakwiza pakulilapo, loli ukwiza pakughanda pachifukwa icha mbibi zyako bo umuntu wesi ali pakukoloma pakasi papinyu.

Ezekiyeli 33:10

“Wee mwana uwa muntu, ubakumbuzye aba Izilayeli amazyu ghabo aghakuti, ‘Twang'wamilwa ni mbibi zyitu sona nu bubibi, po vikutughandizya. Nkimba tungaba bulibuli nubumi?’

Ezekiyeli 4:16

Po akambuzya akati, “Wee mwana uwa muntu, nkwiza pakubawisizya izala mu Yelusalemu. Bakwiza pakulya ichakulya, loli bakwiza pakulyanga nubogha. Bakwiza pakupima amizi aghakung'wela nukung'wela umwakupasya.

Ezekiyeli 7:15

“Kuzi kuli ubwite, mukasi muli ichiwaya nizala. Abantu babo bali muchisu, bakwiza pakufwila kubwite, sona abantu babo bali mukaya akakulu nkani, bakwiza pakufwa nizala sona ni chiwaya.

Aba Levi 26:39

Abantu abanandi bulo babo basyalako bakwiza pakuyimbagha nkani muchisu icha balwani binyu pachifukwa icha mbibi zyinyu, sona ni mbibi izya banyenya binyu.

Ukukumbusya Amalamulo 28:51

Bakwiza pakubalyela ing'ombe zyinyu, sona ni vya mumaghunda ghinyu mupaka mufwe nizala. Batakwiza pakubalekela nachimochimo ichintu manyi ngano, manyi we vinyo umupya, manyi mafuta agha misyunguti manyi ng'ombe manyi ng'ozi mupaka mufwe mwebosi.