Nkuto 4:6 - IBAYIBOLO 2024

⁶ Abantu bane bafundiwa nkani, ukuchila namumo bakafundiliwanga abantu aba mu Sodomu, Abantu banaba bakafundiwa mukabalilo akapimpa bulo sona patakabapo nayumoyumo umuntu uwakubavwa.

Nkuto 4:6 Iomraidhean Croise

Ubwandilo 19:24

Po u Mwene akalaghazya amabwe agha moto uwa sulufule mu Sodomu nu Gomola.

Ubwandilo 19:25

Akatuzimizya utwaya tula ni kombe lyosi, sona na bantu bosi aba mutwaya tula, poka ni vimelwa vyosi muchisu chilachila.

Yesaya 24:2

umu momumo zikwiza pakubela nu muntu bulo, sona momumo zikwiza pakubela nu muputi, mumo zikwiza pakubela kwa mwene, momumo zikwiza pakubela nu wambombo, mumo zikwiza pakubela nu mwene umukolo, momumo zikwiza pakubela nu wambombo umukolo, mumo zikwiza pakubela nu wakughulizya, momumo zikwiza pakubela nuwakughula, mumo zikwiza pakubela ku wakwazima, momumo zikwiza pakubela nayuyo akwazimizya, mumo zikwiza pakubela nu wakukopa, momumo zikwiza pakubela nu wakukopezya.

Yelemiya 20:16

Umuntu yunuyo abanje ngati twaya utukulu nkani, tuto u Mwene atakatupelela ichisa pakutunangannya. Ivwa ukulila ukwa pandabindabi, sona nipati ilya bwite pakasi pamusanya,

Yelemiya 23:14

Loli mu balaghuzi aba mu Yelusalemu nachennyamo ichintu ichakoghofya nkani. Bakulowa nukunena ubumyasi. Bakubavwa abantu pakubomba ububibi, umwakuti atalipo nayumoyumo uwakuleka pakubomba ububibi. Kukwane bosi banaba bali ngati we Sodomu, abantu aba mu Yelusalemu bali ngati we Gomola.”

Nkuto 4:9

Abantu babo bakughoghiwa nupanga bizapo, ukubachila babo bakufwa nizala. Bakaghandagha sona bakazililikagha pachifukwa icha zala.

Daniyeli 8:25

Pachifukwa icha buzimbuli bwache akwiza pakupota. Akwiza pakwituvya nukubanangannya abantu abinji nkani, sona akwiza pakumusambukila u mwene uwa bamwene. Pope bulo akwiza pakunanganika loli te namaka agha bantu.

Daniyeli 9:12

Wazikwanilisya zizyo ukatubuzya sona zizyo ukababuzya abanyenya bitu pakutuwisizya intamyo. Zinizi zitabombiwepo nalumo ukuyana namumo chikabombiwa mu Yelusalemu.

Matayi 24:21

Pakuti intamyo izya masiku ghala zikwiza pakuba mpalapala nkani ukuchila zyosi zizyo zikabapo na kale, ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Luka 10:12

Naloli nkubabuzya ukuti pisiku lilyo u Chala akwiza pakubalonga abantu, akwiza pakubapelela ichisa nkani abantu aba mu Sodomu ukuchila abantu aba mukaya kala.

Luka 12:47

“Uwambombo yuyo achimenye chicho u mwene wache akulonda ukuti abombe, loli atakwiyannya mwene nukuchibomba akwiza pakufundiwa pakusyempiwa nkani.