Nkuto 4:5 - IBAYIBOLO 2024

⁵ Abantu babo bakalyanga ivinonu, ilelo bakusebaseba bulo mumisebo. Abantu babo bakavwalagha amenda aghamutengo ilelo bali pachintuntululu pakulonda ichakulya.

Nkuto 4:5 Iomraidhean Croise

2 Samuweli 1:24

“Mwee bakolo aba mu Izilayeli, mumulile nkani u Sabuli. Pachifukwa icha yuyo amwe mukavwalagha amenda amachesamu na matonte, pakuba ghakuboneka akiza nkani ni vyakwibonesekezya akiza ivya golide.

2 Abamwene 18:27

Loli usongo uwa basilikali akamula akati, “Nkimba u mwene wane atakantuma pakunena amazyu agha kwa mwene winyu na kukwinyu? Awe, loli antuma ukuti imbabuzye abantu babo bikaye pilinga, pakuti bope bakwiza pakulya nukung'wela ivinyazu vyabo namantuzi ghabo?”

Yobu 24:8

Bakunyekagha ni vula iya mumaghamba nukughafukatila amabwe pachifukwa ichakuti bate na pakuvwama.

Ivyili 31:21

Abamunyumba yache batakupasyapo napapo kungaba ukabefu, pakuti bosi bakuvwalagha amenda amachesamu.

Nkuto 1:11

Abantu bache bosi bakukoloma, bo bali pakulonda ivibama. Bakughulizannya ubukabi bwabo ni chikulya, umwakuti babanje nubumi. “Wee Mwene, unyennye ni chisa, pakuti nkusamuliwa nkani.”

Luka 15:16

Umulumendo yula akanda pakunyonywa amakambi, ghagho ingulube zikalyanga, loli nayumo umuntu yuyo akamupako chimo ukuti alyanje.

Luka 16:19

“Kukabako umuntu yumo yuyo akavwalagha amenda agha pamwanya nukwikala mubumi ubwakwihobosya amasiku ghosi.

Luka 7:25

Nkimba mukabuka pakwennya ichoni? Nkimba umuntu yuyo avwalite amenda amiza nkani? Awe, abantu babo bakuvwala amenda aghamutengo nukwilagha, bakwikala munyumba izya bumwene!

1 Timoti 5:6

Loli umukolo umufwilwe yuyo akwihobosya mwene ni vintu ivya muchisu ichapasi, afuye kale, napapo mumi.