Nkuto 4:3 - IBAYIBOLO 2024

³ Abakambwe bamenye pakonkezya utwana twabo, loli abantu bane bali na moyo amakafu ngati ntibatiba.

Nkuto 4:3 Iomraidhean Croise

1 Abamwene 3:21

Nkalamusya pandabindabi ukuti imonkezye umwana wane, loli nkamwagha ukuti afuye! Bo namwenelezya akiza nkani umwana yula, nkagha ukuti atakaba wane.”

Yesaya 13:22

Abalabwe bakwiza pakulilagha muvipinda ivya nyumba zila, bope abakambwe bakwiza pakuba mubuzilo ubwiza munyumba izya bumwene. Akabalilo kache kali papipi, sona namasiku ghache ghatakwiza pakwendelela.

Yesaya 34:13

Amivwa ni ntolovu vikwiza pakumela munyumba izya bumwene, ukabeya na mivwa vikwiza pakumela mumalinga ghache. Kakwiza pakuba nyumba iya bakambwe naba mpughulu.

Yesaya 49:15

Nkimba u umukolo angamuluvya umwana wache yuyo akumonkezya, nukuleka pakuba ni chililizi nu mwana yuyo amupapite? Napapo angamuluvya, ane intangabaluvya, awe!

Yelemiya 19:9

Nkwiza pakubafyenga abantu banaba ukuti balye imibili iya bana babo abalumendo na balindu sona bakwiza pakulyana benebene pakabalilo akakoghofya bo bazyunguliliwe na balwani babo sona na babo bakulonda pakubaghogha.’

Nkuto 2:20

Wee Mwene, ennya sona winong'onayepo zimo. “Nkimba wewenu umubombeyepo lumo bunubu? Fwandi abakolo balyanje abana babo, abana babo babasungagha bene? Nkimba abaputi na balaghuzi, baghogheliwanje Mubuzilo Ubuzelu ubwa Mwene?

Nkuto 4:10

Abakolo abachililizi bakapiya abana babo pakuba chakulya chabo, bakaba chakulya bo abantu bache bakunanganika.

Ezekiyeli 5:10

Pakasi papinyu abapapi bakwiza pakubalya abana babo, sona abana bakwiza pakubalya abapapi babo. Nkwiza pakubafunda amwe, nukubanyampannya abakusyalikila kosi na kosi.”

Aba Levi 26:29

Mukwiza pakubalya abana binyu abalumendo na balindu pachifukwa icha zala.

Aba Loma 1:31

bapunganu, abasita ulwitiko, abasita ulughano, sona abasita ichisa.