Nkuto 3:57 - IBAYIBOLO 2024

⁵⁷ Bo nakwitizya ukapalamila, po ukambuzya ukati, ‘Utakanyilaye.’

Nkuto 3:57 Iomraidhean Croise

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

2 Abamwene 19:6

u Yesaya akababuzya akati, “Mumubuzye u mwene winyu ukuti u Mwene ati, ‘Mutakanyilaye pazizyo mwivuye ku babombi abamwene aba mu Asiliya pamazyu ghagho bansamuye nagho.

Masalimo 138:3

Bo nakwitizya, ukanyamula, sona ukaghukazya umoyo wane na maka ghako.

Masalimo 145:18

U Mwene akuba papipi na bosi babo bakumwitizya, kokuti bosi babo bakumwitizya mubwanaloli.

Masalimo 69:18

Palamila umpoke, sona umpoke munyobe izya balwani bane.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 41:14

“Wee somi, Yakobo utakanyilaye, mwe bantu aba mu Izilayeli mutakanyilaye! Nkwiza pakubavwa, ane ne Mutabuli sona u Muzelu uwa Izilayeli.

Yesaya 58:9

Po ukwiza pakwitizya, sona u Mwene akwiza pakwamula, nanti ukulila, akwiza pakwamula ukuti, ‘Ane indipano.’ “Nanti mukuleka pakubakanyilila abantu ni koli, nukuleka ukusontana ninyobe nukunenana ububibi,

Yelemiya 1:17

“Loli awe Yelemiya, wiyannye. Nyamuka, ubabuzye zyosi zizyo nkukulamula. Utakabanyilaye pamo ukuti ningakoghofya pamaso papabo.

Imbombo 18:9

Ubusiku bumo u Pabuli akennya ichisetuka mumo u Mwene akanenagha nawe akati, “Utakanyilaye, loli endelela ni mbombo yako iyakulumbilila, sona utakayileke,

Imbombo 27:24

nukumubuzya ukuti, ‘Wee Pabuli, utakanyilaye. Ubaghiye pakwimilila pamaso pa Kesale. U Chala muchisa chache kukwako itikizya ukuti abantu bosi babo uli nabo pabulendo babanje nubumi.’

Aba Hebeli 7:19

Pakuti Indaghilo izya Mozesi zitakavipela ivintu pakuba vyakufikapo. Loli ulusubilo ulwizapo lwapeghiwa, lulo lukutupalamizya kwa Chala.

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanyamwanya bulo!

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.