Nkuto 3:2 - IBAYIBOLO 2024

² Anchimbizya nukunyendezya muchisi, mumo mute ulukozyo nalumolumo.

Nkuto 3:2 Iomraidhean Croise

Yobu 18:18

Bakamuchimbizyamo mulukozyo, nukumwinjizya muchisi, sona bakumuchimbizyamo muchisu ichapasi.

Yobu 30:26

Loli bo nkusubila bo bwiza, ububibi bukizagha, bo nkulondelezya ulukozyo, po ichisi chikizagha.

Yesaya 59:9

Ubwanaloli bulikubutali naswe, sona ubugholosu butakutwagha. Tukulonda ulukozyo, loli tukuchagha ichisi chene, sona tukulonda ukulama, loli tukwenda muchisi nkani.

Yelemiya 13:16

Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.

Yelemiya 4:23

Nkenelezya pachisu ichapasi, chitakaba na kantu nakamokamo, sona nkennya kumwanya nkagha ukuti ulukozyo lutaliko.

Nkuto 2:1

U Mwene amuvwinka u Yelusalemu, ni bingu ilya bukali bwache. Abwefya ubuchindamu ubwa Izilayeli kumwanya nukubusumbila pachisu ichapasi. Atakayikumbuka nalumo Inyumba yache, pisiku lilyo akakalala.

Ukukumbusya Amalamulo 28:29

Na pamusanya bulo, amwe mukwiza pakupapasyapapasya bulo ngati muntu umufwamaso, sona ivintu vitakwiza pakubendelagha akiza. Isiku ni siku abantu bakwiza pakubakanyilila nukubibila, sona atakwiza pakubapo nayumoyumo uwakubapoka.

Yuda 1:13

Bayanite bulo na mayigha aghakoghofya agha panyanja ghagho ghakufumya itatafulu ilya mbibi zyabo. Bayanite bulo ni ntondwa zizyo zikwendakwenda bulo. U Chala abasungiye ubuzilo ubwa chisi ichakoghofya nkani icha bwila na bwila.

Yuda 1:6

Mukumbukaye abantumi aba kumwanya babo batakikutisiwa nu bulaghili, loli bakabuleka ubuzilo bwabo bubo u Chala akabapa. Po bapinyiwe muchisi kusi kuchisu ni mpingu izya bwila na bwila mupaka pisiku lilyo u Chala akwiza pakubalonga abantu.