Nkuto 2:9 - IBAYIBOLO 2024

⁹ Imilyango yache yadwiba pasi, sona zyope ni mpingwi zyache zyananganika. Abamwene bache poka na makambala ghache bali kubuzya pakasi pa inko izinji. Batakuzikonka nalumo indaghilo, bope abalaghuzi bache batakwennya nalumolumo ivisetuka ivya Mwene.

Nkuto 2:9 Iomraidhean Croise

2 Abamwene 25:7

Bakabaghogha abana abalumendo aba Zedekiya pamaso papache. Bakamukolompola amaso ghache nukumupinya ni mpingu izya mukuba, po bakabuka nawe ku Babiloni.

2 Imbili 15:3

Aba Izilayeli bikala akabalilo akatali nkani pakusita ukuba nu Chala uwanaloli nu muputi uwakubamanyisya sona na basita ndaghilo.

Nehemiya 1:3

Bakanyamula bakati, “Abantu babo bakasyala bumi nukunyokela ku chisu chabo bali muntamyo inkulu nkani sona bali pakusamuliwa nkani. Lope ulupaso ulwa kaya akakulu nkani aka Yelusalemu lwamongoliwa sona inyiyi zyache zyochiwa.”

Masalimo 74:9

Ivimanyilo vyitu vitakuboneka. Atalipo sona umulaghuzi uwakusyalapo, nayumoyumo umuntu pasi papinyu yuyo azimenye mumo zikwiza pakubela.

Yesaya 24:12

Akaya akakulu nkani kasyala bulo chisami, imilyango yache yope yighuye.

Yelemiya 14:14

Po u Mwene akambuzya akati, “Abalaghuzi bakulaghulila mwitabwa lyane bakunena ubumyasi. Intabatumite awe, pamo ukubasala pamo ukunena nabo. Bakubalaghulila muvisetuka ivyabumyasi, pamo pakunena ni mizimu iya bafwe, pamo pakwiputa ku vifwani, sona bakunena ivya munyinong'ono zyabo imbibi.

Yelemiya 23:16

U Mwene Uwamaka Ghosi akuti, “Mutakateghelezyanje ku zizyo abalaghuzi bakubalaghulila, bakubizuzya bulo ninyinong'ono izya buzimbuli. Bakunena nizya visetuka vivyo vili munyinong'ono zyabo, vivyo vitafumite mumulomo wane.

Yelemiya 39:2

Mumwaka uwa 11 uwa bulaghili ubwa Zedekiya, mumwezi uwafolo pisiku ilya nayini ilinga ilya kaya akakulu nkani kala likamongoliwa.

Yelemiya 39:8

Abantu aba Babiloni bakayocha inyumba iya bumwene ni nyumba izya bantu nukulimongolannya ilinga ilya Yelusalemu.

Yelemiya 51:30

Abasilikali aba mu Babiloni baleka pakulwa, bakwikala mumalinga ghabo. Amaka ghabamaliye, baba ngati bakolo. Inyumba zyache zyapya numoto, impingwi izya pamilyango zyapyoka.

Yelemiya 52:14

Abasilikali bosi aba ku Babiloni babo bakaba pasi pabulaghili ubwa songo uwa mulindilili bakaghamongolannya amalinga ghosi ghagho ghakazyungulila akaya akakulu nkani aka Yelusalemu.

Nkuto 1:3

Abantu aba mu Yuda basendiwa pakubuka kuchisu icha buzya, kuko bali mumayimba pachifukwa icha mbombo inkafu. Bakwikala pakasi pa inko izinji, sona batakutuzyapo nalumolumo. Bosi babo bakubachimbizya babalema nukubabika mumayimba nkani.

Nkuto 4:15

Abantu bakukolomoka bakutinji, “Epapo pano, mwee bantu abanyazu! Epapo! Epapo, mutakatupalamasyanje!” Nanti bakuchimbila nukwendakwenda, inko izinji zikubabuzya ukuti, “Tutakubitikizya pakwikala sona kuno.”

Nkuto 4:20

Bakamughogha ni chipingo umupakiwa uwa Mwene, yuyo muyi witu uwenecho uwa bumi bwitu. Po tukinong'onagha ukuti aswe twe tukwikala pakasi inko izinji, tukwiza pakwavwiliziwa.

Ezekiyeli 12:13

Nkwiza pakumukuzulila ichilepa chane, sona akwiza pakulemiwa muchipingo chane, nkwiza nawe ku Babiloni, kuchisu icha bakaladeya, loli atakwiza pakuchennya, po akwiza pakufwila kulakula.

Ezekiyeli 17:20

Nkwiza pakukuzula ichilepa chane, sona akwiza pakulemiwa muchipingo chane. Nkwiza pakwiza nawe ku Babiloni nukumufunda kulakula pachifukwa ichakuti atakaba musubiliwa kukwane.

Ezekiyeli 7:26

Intamyo zikwiza pakuwila pantamyo izinji, sona imbili yikwiza pakuwila pa mbili iyinji. Bakwiza pakulonda ichisetuka ku mulaghuzi, loli ubumanyisi ubwa lulaghilo ulwa muputi lukwiza pakusobela, po abasongo batakwiza pakumanyisya sona amahala.

Hoseya 11:6

Ubwite bukwiza pakunangannya utwaya twabo utukulu nkani, bukwiza pakunangannya sona impingwi izya nyiyi, nukumazya imbatiko zyabo zyosi.

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Amosi 1:5

Nkwiza pakuzipyolannya impingwi izya milyango iya Damasika, sona nkwiza pakumunangannya u mwene, yuyo akwikala mwikombe ilya Aveni, sona na yuyo akulaghila mu Beti Edeni. Abantu aba mu Siliya bakwiza pakubuka kuchisu icha buzya icha Kili.” U Mwene anena!

Ukukumbusya Amalamulo 28:36

U Mwene akwiza pakubachimbizizya amwe poka nu mwene winyu kuchisu ichiyeni, chicho amwe pamo abanyenya binyu mutachimenyepo nalumolumo. Kulakula mukwiza pakubiputa abachala abanji, babo bapangiwe na makwi, sona na mabwe.

Ukukumbusya Amalamulo 28:63

Ukuyana namumo chikamuhobosezya u Mwene pakubapela ukuti ivintu vibendelaye akiza, sona nukuti mubanje mwe binji nkani, po chikwiza pakumuhobosya u Mwene pakubanangannya nukubazimizya. Akwiza pakubanyunkulamo muchisu chicho mukubuka pakwikalamo.

1 Samuweli 28:6

Akamubuzikizya u Mwene, loli u Mwene atakamwamula muvilota pamo pakubombezya u Ulimu pamo abalaghuzi.