Nkuto 2:8 - IBAYIBOLO 2024

⁸ U Mwene akadumula pakulunangannya ulupaso, lulo lukazyunguliye akaya akakulu nkani aka Yelusalemu. Akakapima nu lukusa, sona atakaleka pakukanangannya. Akapela inkuta mukaya mulamula po vyosi vikananganika.

Nkuto 2:8 Iomraidhean Croise

2 Samuweli 8:2

U Devedi akabapota sona aba Mowabu. Akabalambalika pasi mumizele nukubapima nulukusa. Po akabaghogha abantu babo bakaba mumizele mibili iyakwanda yosi nukughuleka umuzele uwabutatu ghosi. Aba Mowabu bakaba bazya aba Devedi nukwanda pakusonka umusonko kukwache.

2 Abamwene 21:13

Nkwiza pakukafunda akaya akakulu nkani aka Yelusalemu ngati mumo nkakafundila akaya akakulu nkani aka Samaliya, sona na bamunyumba iya mwene u Ahabu. Nkwiza pakubapuputa abantu aba mu Yelusalemu ngati mumo umuntu akupuputila imbale nukuyikupikila.

Yobu 13:21

Leka pakunfunda, sona utakanyoghofyanje ni vyakoghofya vyako.

Yesaya 22:5

U Mwene, u Mwene Uwamaka Ghosi, abika isiku ilyavyongo, sona ilya kukanyankila nilya koghofya Mwikombe ilya Chisetuka, isiku lilyo amalinga ghakumongonkana, nukulila kumaghamba pakulaba ubwavwilizi.

Yesaya 28:17

Nkwiza pakubupela ubwanaloli pakuba lukusa ulwakupimila, bope ubugholosu pakuba lukusa ulwa kugholosezya, ivula iya mabwe yikwiza pakupyela chicho ubumyasi bukuvwamamo, po amizi ghakwiza pakwizula mosi umwakuvwamamo.

Yesaya 3:26

Imilyango iya Ziyoni yikwiza pakulila nukufwifwitila, sona mutakwiza pakuba nachimochimo, po akwiza pakwikala palufumbi.

Yesaya 34:11

Umpughulu nu chipungu vyo vivyo vikwiza pakwikalaghamo, umpughulu umukulu nkani nu chigobe, vikwiza pakuluka ivivumbo mulamula. U Chala akwiza pakugholosya pamwanya pa Edomu, ulukusa ulwa kupimila ulwakuvulungannya, sona nukuchinangannya ichisu chilachila.

Yesaya 5:5

Nkwiza pakubabuzya zizyo nkwiza pakubomba, nu mughunda wane uwa mampesya. Nkwiza pakwefyako ulubagha lulo lughuzyunguliye, nukulumongolannya ulubumba lulo lughuzighiliye, po ghukwiza pakukanyankiliwa

Yelemiya 14:2

“Aba Yuda bakulila, utwaya utukulu tukutamiwa, abantu bakughalaghata pasi nukuchililila ichisu, sona ukulila kukwivwika mu Yelusalemu.

Yelemiya 5:10

“Buka nukughanangannya amampesya, loli mutakaghanangannye nkani. Dumulannya isamba zyache, pakuti abantu banaba bate ba Mwene.

Yelemiya 52:13

Akocha Inyumba iya Mwene ni nyumba iya bumwene sona ni nyumba zyosi izya mu Yelusalemu. Akocha sona inyumba zyosi izya abantu abapamwanya.

Nkuto 2:17

U Mwene abomba zizyo akabatika, sona akwanilisya amazyu ghache ghagho akanena kale. Po akunangannya umwakusita ichisa, abapela abalwani bako ukuti bakusekaye, abapiye abalwani bako amaka.

Nkuto 2:18

Amoyo agha bantu ghakumulilila u Mwene! Mwee bakolo aba mu Yelusalemu, leka amasozi ghinyu ghendaye pabusiku na pamusanya ngati zyo soko, Mutakatuzyanje, sona amasozi ghinyu ghatakalekaye, awe.

Nkuto 2:2

Umwakusita ichisa u Mwene atuzimizya utwaya tosi utwa Yakobo, mubukalale bwache aghamongolannya amalinga ghosi agha Yuda. Abukozya isoni nukubwisya pasi, ubumwene bwache, poka na balaghili bache bosi.

Nkuto 2:5

U Mwene aba ngati mulwani, po amumilite u Izilayeli. Azimongolannya inyumba zyache zyosi izya bumwene, sona aghanangannya amalinga ghache. Po abalizya inkuta ni chililo muchisu icha Yuda.

Ezekiyeli 20:22

Loli nkilema, pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko zizyo zikennya, bo nkubefyamo aba Izilayeli mu Ijiputi.