Nkuto 2:6 - IBAYIBOLO 2024

⁶ Ayimongolannya Inyumba yache pakuba ngati cho chisakasa icha mumughunda, sona abunangannya ubuzilo bwache ubwakukomanilako. U Mwene amupela u Yelusalemu pakughaluvya amasiku ghache agha lusekelo sona nu lusekelo ulwa Isiku Ilyakutuzya, mubukalale bwache akabasamula abamwene poka na baputi.

Nkuto 2:6 Iomraidhean Croise

Masalimo 74:7

Bakabocha ubuzilo bwako ubuzelu, babuwisizye pasi ubuzilo bwako nukubunyazya.

Masalimo 76:2

Inyumba yache yili mu Salemu, sona ubuzilo bwache ubwakwikalamo buli mu Ziyoni.

Masalimo 80:12

Nkimba choni chicho walumongolannya ulupaso lwache, umwakuti bo abantu bosi babo bakudumusannya palapala bayabayepo ivikomwa vyache?

Masalimo 89:40

Walumongolannya ulubumba lwakaya kache akakulu, amalinga ghosi ghaba visami.

Yesaya 1:13

Mutakizaghe nalumo ni vyakwiyipa vivyo vite ni mbombo nayimoyimo, tope utwakufukizya twinyu utwakununkila utwa mwiko kukwane. Ulusekelo lwinyu ulwa Kupanta ukwa Mwezi nulwa Isiku Ilyakutuzya sona ninkomano izya masiku zitakunhobosya pachifukwa ichakuti vyizuye ni mbibi.

Yesaya 1:8

Akaya akakulu nkani aka Yelusalemu kasyala kene ngati chitembe mumughunda uwa mampesya. Kasyala kene ngati chisakasa mumughunda uwa ving'wela mizi, sona ngati kaya akakulu nkani kako kazyunguliliwe na basilikali.

Yesaya 43:28

Pachifukwa chinichi abalaghili aba chisu, babunyazizye Ubuzilo Ubuzelu, po nkubuka nukubanangannya aba Izilayeli, nkwiza pakubaleka abantu bane ukuti basamuliwanje.”

Yesaya 5:5

Nkwiza pakubabuzya zizyo nkwiza pakubomba, nu mughunda wane uwa mampesya. Nkwiza pakwefyako ulubagha lulo lughuzyunguliye, nukulumongolannya ulubumba lulo lughuzighiliye, po ghukwiza pakukanyankiliwa

Yesaya 5:6

Nkwiza pakughuleka ukuti ghubanje nkolongo. Ntakwiza pakughupalanta pamo ukulimamo, sona mukwiza pakumela abantolovu na mivwa. Nkwiza pakughalamula amabingu ukuti ghatakatimizyanje ivula.”

Yesaya 63:18

Bo pachilapo akabalilo akanandi bulo, abantu bako bakikala mubuzilo bwako ubuzelu, loli ilelo abalwani bitu, babukanyankilannya ubuzilo bwako ubuzelu.

Yesaya 64:11

Inyumba izelu sona iyabuchindamu, mumo abatata bakakupalilaghamo awe, yochiwe numoto, sona vyosi vivyo tukasungamo vyananganika.

Yelemiya 17:27

Loli nanti mutakunyivwila nukulisungilila Isiku Ilyakutuzya ukuti libanje lizelu sona nanti mutakunyamula u katundu bo mukwinjila pamilyango iya Yelusalemu Pisiku Ilyakutuzya, po nkwiza pakukozya u moto pamilyango iya Yelusalemu, ghugho ghutakuzimapo nalumo. U moto ghula ghukwiza pakulungulizya amalinga ghache.’ ”

Yelemiya 42:18

U Mwene Uwamaka Ghosi, u Chala uwa Izilayeli akuti, ‘Ngati mumo ubukali bwane sona nukoghofya kwapunguliliwa ku bantu babo bakwikala mu Yelusalemu, momumo ubukali bwane bukwiza pakupunguliliwa papinyu bo mukubuka ku Ijiputi. Mukwiza pakuba chintu chicho abantu bakuchighuna sona nichakoghofya, ni chamusamu pamo ichakusekiwa, mutakwiza pakubwennya sona ubuzilo bula.’ ”

Yelemiya 45:4

U Mwene akuti, “Umubuzye u Baluki ukuti, ‘Nkwiza pakuchimongolannya chicho nkachizenga. Momumo nkwiza pakubombela ni chisu chosi.

Yelemiya 50:28

Teghelezya! Abantu babo bakachimbila ubwite ku Babiloni, bali pakufumusya mukaya aka Ziyoni, nizya mumo u Mwene u Chala witu akutanizizya pachifukwa icha Nyumba yache.

Nkuto 1:4

Imisebo iyakubukila ku Yelusalemu yikulila, pakuti atalipo nayumoyumo yuyo akubuka kulusekelo. Abalindu babo bakimbagha kulakula ilelo bali mumayimba, sona abaputi bache bakukoloma. Yope imilyango yache yaba visami, sona akaya akakulu nkani aka Yelusalemu kali muntamyo inkulu nkani.

Nkuto 4:16

U Mwene umwenecho abanyampanizye, sona atakubabelengela sona. Bope abaputi batakubalanjizya sona umuchizi, abasongosongo babo batakubapelela sona ichisa.

Nkuto 4:20

Bakamughogha ni chipingo umupakiwa uwa Mwene, yuyo muyi witu uwenecho uwa bumi bwitu. Po tukinong'onagha ukuti aswe twe tukwikala pakasi inko izinji, tukwiza pakwavwiliziwa.

Nkuto 5:12

Abalongozi bakubapayika pakubapinya inyobe zyabo, batakubachindika napo panandi abasongosongo.

Ezekiyeli 17:18

U mwene uwa Yuda akakana ichilapo nukulunangannya ulufingo, lulo akafinga. Pachifukwa ichakuti apotwa pakukwanilisya zizyo akafinga, pope bulo abomba vyosi vinivi, atakwiza pakupona.

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.

Zefaniya 3:18

“Pa masiku agha lusekelo nkwiza pakwefya intamyo kukwinyu, umwakuti mutakakoziwanje isoni nalumolumo.

Malaki 2:9

“Polelo nabasamula, sona nabakozya isoni pakasi pabantu bosi, pachifukwa ichakuti mutakivwila ivimanyisyo vyane mukulonga inongwa pakwennya icheni.”