Nkuto 2:5 - IBAYIBOLO 2024

⁵ U Mwene aba ngati mulwani, po amumilite u Izilayeli. Azimongolannya inyumba zyache zyosi izya bumwene, sona aghanangannya amalinga ghache. Po abalizya inkuta ni chililo muchisu icha Yuda.

Nkuto 2:5 Iomraidhean Croise

2 Abamwene 25:9

Akocha Inyumba iya Mwene, ni nyumba iya bumwene, sona ni nyumba zyosi izya mu Yelusalemu. Akocha sona inyumba zyosi izya abantu abapamwanya.

Yobu 13:24

Nkimba choni chicho ukunfisila icheni chako nukumpima pakuba ne mulwani wako?

Yobu 19:11

Ubukali bwache bukwaka papane, akumpima ngati po ne mulwani wache.

Masalimo 89:40

Walumongolannya ulubumba lwakaya kache akakulu, amalinga ghosi ghaba visami.

Masalimo 89:41

Abantu bosi babo bakudumusannya palapala bakumufyula, po abapalamani bache bosi bakumobezya.

Yesaya 29:2

Loli nkwiza pakumubika u Yelusalemu mukaya akantamyo, akwiza pakulila nukufwifwitila akwiza pakuba ngati chighemo, chicho chili libanda lyene.

Yesaya 63:10

Loli pope bulo bakasambuka, nukumukalalizya Umuzimu wache Umuzelu. Po akanduka nukuba mulwani wabo, nukulwa nabo ubwite.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 21:4

‘U Mwene u Chala uwa Izilayeli akuti: Ivilwilo ivya bwite vivyo muvilemite vikwiza pakubanyokela, ivilwilo vivyo mukulwila nu mwene uwa Babiloni nababwite bache, babo bakazyunguliye akaya kinyu bimiliye kuzi ukwa malinga ghinyu. Nkwiza pakubabungannya abasilikali babo mukaya akakulu nkani aka.

Yelemiya 30:14

Abaghaniwa binyu bosi babaluvizye, bate ni mbombo namwe. Nukubavulazya ngati mumo abalwani binyu bosi bababombela, ulufundo lwinyu lukulu pakuti imbibi zyinyu nyinji, sona bope ububibi bwinyu bukulu nkani.

Yelemiya 52:13

Akocha Inyumba iya Mwene ni nyumba iya bumwene sona ni nyumba zyosi izya mu Yelusalemu. Akocha sona inyumba zyosi izya abantu abapamwanya.

Nkuto 2:2

Umwakusita ichisa u Mwene atuzimizya utwaya tosi utwa Yakobo, mubukalale bwache aghamongolannya amalinga ghosi agha Yuda. Abukozya isoni nukubwisya pasi, ubumwene bwache, poka na balaghili bache bosi.

Nkuto 2:4

Awesa ubwele bwache ngati po mulwani, sona inyobe yache indilo yiyanizye kale. Ngati mulwani abaghogha bosi babo bakamuhobosya mumaso ghache. Abapungulila ubukali bwache ngati gho moto abakolo bosi aba mu Yelusalemu.

Ezekiyeli 2:10

lilyo akalizungulula pamaso papane. Imbazu zyosi zibili zikasimbiwa amazyu agha nkuto, nagha kufwifwitila sona nagha nguno.

1 Samuweli 28:16

U Samuweli akamulalusya akati, “Nkimba choni chicho ukunyitizya, bo u Mwene akukana sona aba mulwani wako?