Nkuto 2:4 - IBAYIBOLO 2024

⁴ Awesa ubwele bwache ngati po mulwani, sona inyobe yache indilo yiyanizye kale. Ngati mulwani abaghogha bosi babo bakamuhobosya mumaso ghache. Abapungulila ubukali bwache ngati gho moto abakolo bosi aba mu Yelusalemu.

Nkuto 2:4 Iomraidhean Croise

2 Imbili 34:21

“Buka mumbuzikizyeko kwa Mwene sona na mubuzilo ubwa bantu bosi babo bakasyala mu Izilayeli na mu Yuda ukuyana na zizyo zisimbiwe mwibuku lilyo lyaghiwa. Pakuti ubukali ubwa Mwene bubo bukwaka papitu bukulu nkani, pachifukwa ichakuti abanyenya bitu batakivwila zizyo u Mwene akanena sona batakazikonka zizyo zisimbiwe mwibuku ili.”

2 Imbili 34:25

Pachifukwa ichakuti abantu bankana nukufukizya utwakununkila ku bachala abanji nukunkalalizya pavyosi vivyo bapangite ni nyobe zyabo, po ane nkwiza pakukakalalila akaya akakulu nkani kanaka, umwakuti ubukali bwane butakwiza pakutozoka nalumolumo.

Yobu 19:11

Ubukali bwache bukwaka papane, akumpima ngati po ne mulwani wache.

Yobu 6:4

Utulasilo utwa Wamaka Ghosi tuli pakundasa, umuzimu wane ghukung'wela isalile izya tulasilo tulatula. Ivyakoghofya ivya Chala vinzyungiliye.

Masalimo 37:14

Abantu ababibi bakuwesa abapanga nubwele bwabo ukuti babaghoghaye abapina na bapotwe, sona na bosi babo bagholosu.

Masalimo 7:13

Ayanizye kale ivilwilo vyache ivipalapala nkani, sona nu tulasilo twache utwakwaka umoto.

Yesaya 42:25

Akapungulila ubukali bwache papabo, sona nu bukali ubwa bwite bwache. Ghukabocha umwakuzyungulila, loli pope batakivwanga, ghukabalungulizya, loli pope batakachibikila kumoyo.

Yesaya 63:10

Loli pope bulo bakasambuka, nukumukalalizya Umuzimu wache Umuzelu. Po akanduka nukuba mulwani wabo, nukulwa nabo ubwite.

Yesaya 63:6

Mubukalale bwane nkazikanyankila inko, mubukali bwane nkabapela ukuti bang'wele, nukukupula ibanda lyabo pasi.”

Yelemiya 10:20

Ivisakasa vyitu vyananganika, inkusa zizyo zikavilema zyadumuka. Abana bitu bosi bepitemo, atalipo nayumoyumo uwakuti angatuzengela sona ivisakasa, sona atalipo nayumoyumo, uwakubikapo ivyakwighalila pa vipinda.

Yelemiya 21:12

Wee nyumba iya Devedi! Ulongelaye inongwa mubugholosu indabindabi yosi, yuyo ali muntamyo mumupokaye munyobe iya muyinvyi, yuyo afyuliwa, pamo ubukali bwane bungaka ngati moto, pachifukwa icha bubibi bwinyu, sona nukuti atalipo nayumoyumo uwakughuzimya.

Yelemiya 21:5

Ane nemwene nkwiza pakulwa namwe namaka ghane ghosi, nukukalala kwane kosi sona nu bukali bwane bosi.

Yelemiya 30:14

Abaghaniwa binyu bosi babaluvizye, bate ni mbombo namwe. Nukubavulazya ngati mumo abalwani binyu bosi bababombela, ulufundo lwinyu lukulu pakuti imbibi zyinyu nyinji, sona bope ububibi bwinyu bukulu nkani.

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Yelemiya 4:4

Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yelemiya 42:18

U Mwene Uwamaka Ghosi, u Chala uwa Izilayeli akuti, ‘Ngati mumo ubukali bwane sona nukoghofya kwapunguliliwa ku bantu babo bakwikala mu Yelusalemu, momumo ubukali bwane bukwiza pakupunguliliwa papinyu bo mukubuka ku Ijiputi. Mukwiza pakuba chintu chicho abantu bakuchighuna sona nichakoghofya, ni chamusamu pamo ichakusekiwa, mutakwiza pakubwennya sona ubuzilo bula.’ ”

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Nkuto 1:13

U Mwene akangwisizya umoto uwakumwanya, nukughusumbila mumafupa ghane. Akakuzula ichilepa pakundema po nkawa pasi, sona akandeka nemwene bo indi mububavu ubukulu nkani.

Nkuto 2:5

U Mwene aba ngati mulwani, po amumilite u Izilayeli. Azimongolannya inyumba zyache zyosi izya bumwene, sona aghanangannya amalinga ghache. Po abalizya inkuta ni chililo muchisu icha Yuda.

Nkuto 3:3

Naloli ankoma ni nyobe yache, akinjikinji bulo isiku lyosi.

Nkuto 4:1

Mwee, ugolide yula anyalite nkani, ugolide umwenecho yula ananganikite. Amabwe aghamutengo ghala agha mu Nyumba iya Chala yanyampana, kunkuto zyosi izya mumisebo.

Nkuto 4:11

U Mwene akakalala nkani, po akapungula ubukali bwache ubwakwaka. Akakozya umoto mu Yelusalemu ghugho ghukalungulizya ulwalo lwache.

Ezekiyeli 13:13

“Polelo u Mwene Uwamaka Ghosi akuti: Mukukalala kwane nkwiza pakutuma impepo iya maka ni vula iya mabwe pakulimongola ilinga lila.

Ezekiyeli 20:34

Nkwiza pakubefyamo mu inko nukubabungannya ukufuma muvyisu vivyo mukanyampanilako pakulanjizya amaka ghane nubukali bwane.

Ezekiyeli 22:22

Ngati mumo u siliva akusungunukila mu muvuno, po namwe bulo mukwiza pakusungunukila mulamula, sona mukwiza pakumanya ukuti ane ne Mwene napungulila ubukali bwane papinyu.’ ”

Ezekiyeli 24:25

“Po wee mwana uwa muntu, pisiku lilyo nkwiza pakufyula ilinga lyabo, ulusekelo lwabo nu buchindamu bwabo, ivyakuhobosya mumaso ghabo, na vivyo babikitepo umoyo wabo, sona na bana babo abalumendo na balindu.

Ezekiyeli 36:18

Po nkabapungulila ubukali bwane, pachifukwa ichakuti bakakupula ibanda muchisu sona bakachinyazya ichisu chila pachifukwa icha vifwani vyabo.

Ezekiyeli 5:13

“Po ukukalala kwane kukwiza pakuleka sona ubukali bwane bukwiza pakutozoka, bakwiza pakubatanizya. Po nanti nabakalalila, bakwiza pakumanya ukuti ane ne Mwene nanena na kabini.

Ezekiyeli 6:12

Umuntu yuyo ali kubutali akwiza pakufwa ni chiwaya, sona umuntu wesi yuyo ali papipi akwiza pakufwila kubwite, umuntu wesi yuyo aponite sona mumi akwiza pakufwa nizala. Po ubukali bwane bukwiza pakuwila papabo.

Ezekiyeli 7:14

“Napapo bakulizya ipati, nukuyannya vyosi, atalipo nayumo umuntu uwakubuka pakulwa kubwite, pakuti ubukali bwane buli pachilundilo chosi.

Aba Levi 26:17

Nkwiza pakubapa inkonto, umwakuti abalwani binyu babapote, sona abantu babo bababengite bakwiza pakubalaghila. Mukwiza pakuchimbila, napapo nayumoyumo atabachimbizizye.”

Nahumu 1:2

U Mwene wabuzuba sona we Chala uwakutanizya. U Mwene akutanizya sona izuye nu bukali. U Mwene akubatanizya abalwani bache sona mukali pa balwani bache.

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.

1 Samuweli 28:16

U Samuweli akamulalusya akati, “Nkimba choni chicho ukunyitizya, bo u Mwene akukana sona aba mulwani wako?