Nkuto 2:3 - IBAYIBOLO 2024

³ Mubukalale bwache azidumulannya impembe zyosi izya Izilayeli, sona aleka pakutwavwa pamaso pa balwani bache. Akwaka ngati ndimi izya moto pakasi pa Yakobo, ngati moto ghugho ghukulungulizya chosi chicho chili papipi nagho.

Nkuto 2:3 Iomraidhean Croise

2 Imbili 34:25

Pachifukwa ichakuti abantu bankana nukufukizya utwakununkila ku bachala abanji nukunkalalizya pavyosi vivyo bapangite ni nyobe zyabo, po ane nkwiza pakukakalalila akaya akakulu nkani kanaka, umwakuti ubukali bwane butakwiza pakutozoka nalumolumo.

Yobu 16:15

Nasonela amasaka kumubili wane nukughasyila amaka ghane mulufumbi.

Masalimo 132:17

“Palapala nkwiza pakubukwezezyapo ubumwene ubwa Devedi, sona namuyanizyizya inyale umupakiwa wane.

Masalimo 74:11

Nkimba choni chicho utakulanjizya amaka ghako? Nkimba choni chicho wiyumbatite?

Masalimo 75:10

Nkwiza pakuzidumula impembe izya bantu bosi ababibi, loli nkwiza pakuzikwezya impembe izya bantu abagholosu.

Masalimo 75:5

Mutakitutumulaye pachifukwa icha maka ghinyu, pamo pakunena umwakwituvya.’ ”

Masalimo 79:5

Wee Mwene, nkimba ukwiza pakutukalalila mupaka liyi? Fwandi ubuzuba bwako bukwiza pakwaka ngati moto mupaka liyi?

Masalimo 89:24

Ubusubiliwa bwane nu lughano lwane vibanje nawe. Ukwendela Mwitabwa lyane amaka ghane ghakwiza pakukweziwa.

Masalimo 89:46

Wee Mwene, nkimba ukwiza pakwifisa mupaka liyi? Nkimba ukukalala kwako kwakaye ngati moto mupaka liyi?

Yesaya 1:31

Umuntu uwamaka akwiza pakuba mudedebazu, sona imbombo zyache ngati kampesese aka moto. Abantu bosi babili banaba bakwiza pakupyela poka, sona patakwiza pakubapo umuntu nayumoyumo uwakughuzimya umoto ghula.”

Yesaya 42:25

Akapungulila ubukali bwache papabo, sona nu bukali ubwa bwite bwache. Ghukabocha umwakuzyungulila, loli pope batakivwanga, ghukabalungulizya, loli pope batakachibikila kumoyo.

Yelemiya 21:14

“Nkwiza pakubafunda ukuyana ni mbombo zyinyu, Nkwiza pakughocha umusitu winyu, umoto ghukwiza pakulungulizya ivintu vyosi vivyo vibazyunguliye. Ane ne Mwene nanena.”

Yelemiya 4:4

Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yelemiya 48:25

Amaka agha Mowabu ghadumuliwa, inyobe yache iyamaka yapyoka. Ane ne Mwene nanena.”

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Nkuto 1:13

U Mwene akangwisizya umoto uwakumwanya, nukughusumbila mumafupa ghane. Akakuzula ichilepa pakundema po nkawa pasi, sona akandeka nemwene bo indi mububavu ubukulu nkani.

Nkuto 4:11

U Mwene akakalala nkani, po akapungula ubukali bwache ubwakwaka. Akakozya umoto mu Yelusalemu ghugho ghukalungulizya ulwalo lwache.

Ezekiyeli 13:13

“Polelo u Mwene Uwamaka Ghosi akuti: Mukukalala kwane nkwiza pakutuma impepo iya maka ni vula iya mabwe pakulimongola ilinga lila.

Ezekiyeli 7:14

“Napapo bakulizya ipati, nukuyannya vyosi, atalipo nayumo umuntu uwakubuka pakulwa kubwite, pakuti ubukali bwane buli pachilundilo chosi.

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Luka 1:69

Atupa Umupoki uwamaka, uwaluko uwa mubombi wache u Devedi.

Luka 3:17

Ali nuluselo munyobe zyache ulwakupetela ingano. Po akwiza pakubika ingano muntamba, loli ilyelelo likwiza pakochiwa numoto, ghugho ghutakuzimapo nalumolumo.”

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.