Nkuto 2:2 - IBAYIBOLO 2024

² Umwakusita ichisa u Mwene atuzimizya utwaya tosi utwa Yakobo, mubukalale bwache aghamongolannya amalinga ghosi agha Yuda. Abukozya isoni nukubwisya pasi, ubumwene bwache, poka na balaghili bache bosi.

Nkuto 2:2 Iomraidhean Croise

Yobu 2:3

Po u Mwene akamulalusya u Satana akati, “Nkimba wamwennyapo umubombi wane u Yobu? Pachisu ichapasi patalipo nayumoyumo umuntu umusubiliwa, sona umugholosu uwakuyana nawe, yuyo akunchindika sona akuzinyila imbibi. Awe ukandambilizya ukuti nkwitikizye pakumubombela ichintu ichibibi umwakusita ichifukwa nachimochimo, loli u Yobu we muntu umusubiliwa akabalilo kosi.”

Masalimo 21:9

Pakabalilo kako ukwiza pakubonekela, ukwiza pakubapela ngati cho chiliba icha moto. Mubukali bwache u Mwene akwiza pakubazimizya, sona umoto wache ghukwiza pakubalungulizya.

Masalimo 74:7

Bakabocha ubuzilo bwako ubuzelu, babuwisizye pasi ubuzilo bwako nukubunyazya.

Yesaya 22:5

U Mwene, u Mwene Uwamaka Ghosi, abika isiku ilyavyongo, sona ilya kukanyankila nilya koghofya Mwikombe ilya Chisetuka, isiku lilyo amalinga ghakumongonkana, nukulila kumaghamba pakulaba ubwavwilizi.

Yesaya 23:9

U Mwene Uwamaka Ghosi weyuyo akabatika ukuti akuwisye pasi, ukwituvya kosi ukwa buchindamu, nukubasamula abachindikiwa bosi pachisu ichapasi.

Yesaya 25:12

Akwiza pakughamongolannya amalinga ghinyu amatali, akwiza pakughawisizya pasi palufumbi.

Yesaya 26:5

Akubisya abantu babo bakwikala pamwanya, akunangannya akaya akakulu nkani akamaka kala, akuyimongolannya imilyango yache mupaka pasi.

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yesaya 43:28

Pachifukwa chinichi abalaghili aba chisu, babunyazizye Ubuzilo Ubuzelu, po nkubuka nukubanangannya aba Izilayeli, nkwiza pakubaleka abantu bane ukuti basamuliwanje.”

Yesaya 47:6

Nkabakalalila abantu bane nukubayivya ngati po te bampyana yane, nkababika munyobe zyako, po utakabapelela ichisa. Na pabaghosi bulo pope ukabikapo ikoli ing'wamu.

Yelemiya 13:14

Nkwiza pakubakomezya imitu abawise nabana. Ntakwiza pakubapelela ichisa napo panandi sona ntakwiza pakubahobokela mupaka imbanangannye.’ ”

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 21:7

Pisinda pache u Mwene akuti, ‘Abantu aba nkwiza pakubabika munyobe izya Nebukadineza u mwene uwa Babiloni nakubalwani babo bakulonda pakubaghogha: U Zedekiya u mwene uwa ba Yuda, poka na makambala ghache na bantu aba mukaya akakulu nkani aka, babo bakapona kuchiwaya nupanga na kuzala. U Nebukadineza akwiza pakubaghogha nupanga, atakwiza pakubapelela ichisa pamo pakubapasikizya pamo pakuba nichililizi.’

Yelemiya 5:10

“Buka nukughanangannya amampesya, loli mutakaghanangannye nkani. Dumulannya isamba zyache, pakuti abantu banaba bate ba Mwene.

Nkuto 2:17

U Mwene abomba zizyo akabatika, sona akwanilisya amazyu ghache ghagho akanena kale. Po akunangannya umwakusita ichisa, abapela abalwani bako ukuti bakusekaye, abapiye abalwani bako amaka.

Nkuto 2:21

“Abanandi na baghosi bulo bali lambalala palufumbi mumisebo, abalumendo poka na balindu baghoghiwa nupanga. Ukabaghogha pisiku lilyo ukakalala, sona utakabapelela ichisa pakubaghogha.

Nkuto 2:5

U Mwene aba ngati mulwani, po amumilite u Izilayeli. Azimongolannya inyumba zyache zyosi izya bumwene, sona aghanangannya amalinga ghache. Po abalizya inkuta ni chililo muchisu icha Yuda.

Nkuto 3:43

“Awe watudwibizya nu bukali bwako, watuchimbizya nukutughogha umwakusita ichisa.

Ezekiyeli 5:11

U Mwene Uwamaka Ghosi akulapa akuti, “Pachifukwa ichakuti mwabunyazya ubuzilo bwane ubuzelu ni vifwani sona ni nyiho zyinyu izya mwiko, po ane ntakwiza pakubaleka bulo nukubapelela ichisa.

Ezekiyeli 7:4

Ntakwiza pakubapelela ichisa pamo ukubaleka bulo. Naloli nkwiza pakubatanizya, pachifukwa icha nkalo yinyu iya mwiko, yiyo mwabomba pakasi papinyu. Po mukwiza pakumanya ukuti ane ne Mwene.”

Ezekiyeli 7:9

Ntakwiza pakubapelela ichisa, pamo pakubaleka bulo. Nkwiza pakutanizya pachifukwa icha nkalo yinyu, sona ni mbombo zyinyu izya mwiko pakasi papinyu. Po mukwiza pakumanya ukuti, ane ne Mwene yuyo akughogha.

Ezekiyeli 8:18

Polelo, ntakwiza pakubaleka bulo, ntakwiza pakubapelela ichisa pamo ukubaleka bumi. Napapo bakukolomoka mumakutu ghane, ntakwiza pakubateghelezya.”

Ezekiyeli 9:10

Po ntakwiza pakubapelela ichisa pamo pakubaleka bumi, loli nkwiza pakubatanizya pazizyo babombite.”

Mika 5:14

Nkwiza pakughanyunkula amakwi agha chifwani icha Ashela, nukutumongolannya utwaya twinyu utukulu nkani.

Malaki 1:4

Aba Edomu bakuti, “Napapo utwaya twitu utukulu twananganika, pope bulo tukwiza pakutuzenga sona.” Loli u Mwene Uwamaka Ghosi akuti, “Napapo bangatuzenga sona loli nkwiza pakutunangannya. Tukwiza pakwitiziwa ukuti ichisu ichibibi, tuto abantu bache u Mwene abakalaliye bwila na bwila.

Matayi 18:33

Wabaghiye pakuba ni chisa nu wambombo uwamwinyu ukuyana namumo nkabela ni chisa nawe!’

2 Aba Kolinti 10:4

Pakuti ivilwilo vivyo tukulwila navyo ubwite, vite vilwilo ivya buntu, awe, loli maka agha Chala aghakuti tumongolannye nagho amalinga agha balwani.

Ukukumbusya Amalamulo 28:52

Bakwiza pakutuzyungulila utwaya twinyu tosi utukulu nkani muchisu chinyu mupaka amalinga amatalitali ghinyu ghagho mukughasubila ghamongoke ghosi. Bakwiza pakutuzyungulila utwaya twinyu tosi utukulu nkani muchisu chicho u Mwene u Chala winyu akubapa.

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.