Nkuto 2:11 - IBAYIBOLO 2024

¹¹ Amaso ghane ghizuye pachifukwa icha kulila, sona mukasi muli ubwite. Ghope umoyo wane wavulala, pachifukwa ichakunanganika ukwa bantu bane. Pakuti abana na babonda bakuzililika mumisebo iya kaya akakulu nkani.

Nkuto 2:11 Iomraidhean Croise

Yobu 16:13

Ubwele bwache bukundasa kumbazu zyosi. Andasa ifigho zyane umwakusita ichisa nachimochimo nukukupulila pasi akanyongo kane.

Yobu 30:27

Umoyo wane ghukubaba nkani sona ghutakutuzyapo, amasiku ghosi nkuba muntamyo.

Masalimo 119:82

Amaso ghane ghalita pakulindilila zizyo ukundayizya, po nkuti, “Nkimba ukwiza pakunsangalusya liyi?”

Masalimo 22:14

Ubumi bwane bukupukiye pasi ngati mizi, sona amafupa ghane ghosi ghavyughuka. Umoyo wane wasunguluka ngati lipula, wasunguluka mukasi mumwane.

Masalimo 31:9

Wee Mwene umpelelaye ichisa, pakuti nkukomana na mayimba. Amaso ghane ghope ghakufoka pachifukwa icha chitima, umuzimu wane nu mubili wane vite na maka sona.

Masalimo 38:8

Naghanda nukudedebala, nkukoloma pachifukwa icha bubavu ubwa mumoyo wane.

Masalimo 6:7

Amaso ghane ghakwennya akafobela pachifukwa icha chitima, sona ghakwennya ichisi pachifukwa icha bosi babo bakumbenga.

Masalimo 69:3

Nadedebaye pachifukwa icha kulila, sona kusingo kope kumiye. Amaso ghane ghakwennya akafobela, bo nkulindilila u Chala wane.

Yesaya 22:4

Polelo nkati, “Mundeke nemwene, ukuti indilepo nkani. Mutakansangalusyanje pachifukwa icha kunanganika ukwa bantu bane.”

Yesaya 38:14

Izyu lyane likaghanda sona likaba lidedebazu, nkalila ngati nkunda. Amaso ghane ghakalita pakwennya kumwanya ukuti indabe ubwavilizi. Wee Mwene indi muntamyo, unyavwe!”

Yesaya 51:20

Abana bako abalumendo bazilika, bali bulo lambalala munkuto izya misebo, ngati swela alemiwa muchipingo. Bizuye nu bukali ubwa Mwene, sona nukuchemeliwa ukwa Chala wako.

Yelemiya 14:17

Ubabuzye amazyu agha uti, ‘Amaso ghane ghakwiza pakwizula na masozi, pabusiku na pamusanya umwakusita kulekapo, pakuti abantu bane abasaliwa bavulaziwa nkani, sona bali ni vilonda.

Yelemiya 4:19

Mwee, intamyo! Mwee intamyo! Nkwigholola nu bubavu. Mwee umoyo wane ghukubaba, umoyo wane ghukukoma nkani, nkupotwa pakuba myee. Pakuti nivwa ukulila ukwa lipati, nivwa ichongo icha bwite.

Yelemiya 44:7

Po u Mwene, u Chala u Uwamaka Ghosi u Chala uwa Izilayeli akubalalusya akuti, “Nkimba choni chicho mukulonda pakwinangannya mwebene ni vintu vivyo mubombite mwebene. Nkimba mukulonda pakubanangannya aba Yuda abanavuli na bakolo na bana abanandi sona na babonda, umwakuti atalipo nayumoyumo uwakusyalako?

Yelemiya 8:19

Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Nkuto 1:11

Abantu bache bosi bakukoloma, bo bali pakulonda ivibama. Bakughulizannya ubukabi bwabo ni chikulya, umwakuti babanje nubumi. “Wee Mwene, unyennye ni chisa, pakuti nkusamuliwa nkani.”

Nkuto 1:16

“Ichi cho chifukwa nkulila sona amasozi ghatakukamuka mumaso ghane. Atalipo nayumoyumo uwakunsangalusya, sona nayumo umuntu uwakunkazya. Abana bane baba balanda, pachifukwa ichakuti abalwani bitu batupota.”

Nkuto 1:20

Wee Mwene nkuyimba nkani mumoyo. Mukasi mumwane muli ubwite, sona navulala nkani mumoyo pakuti ne muntu wakusambuka. Mope mumisebo abantu baghoghiwa na bapanga, sona ubufwe bwene buli mo munyumba yane.

Nkuto 5:17

Pachifukwa cha zinizi, amoyo ghitu ghadedebaye nkani. Pachifukwa cha zinizi, amaso ghitu ghakwennya akafobela.

Luka 23:29

Pakuti amasiku ghakwiza ghagho abantu bakwiza pakunena ukuti, ‘Basayiwa abakolo babo baghumba, babo batapapitepo nalumo, babo batonkezizyepo nalumo.’

1 Samuweli 30:4

Po u Devedi na bantu bache bakakalila nkani mupaka batakaba sona na maka aghakulilila.