Nkuto 1:9 - IBAYIBOLO 2024

⁹ Ubunyazu bwache bukakatiye pamenda ghache, pakuti atakinong'onelaghako nizya lufundo lwache. Ukunanganika kwache kukaba kwakoghofya nkani, umwakuti patakabapo uwakumusangalusya. “Wee Mwene, ennya amayimba ghane, pakuti abalwani bane bampota.”

Nkuto 1:9 Iomraidhean Croise

2 Samuweli 16:12

Lumo u Mwene akwiza pakwennya intamyo zyane nukunyosezya ivintu ivyiza pachifukwa icha kunguna kunuku ilelo.”

2 Abamwene 14:26

U Mwene akaghennya amayimba ghagho aba Izilayeli bosi bakakomana nagho manyi muzya manyi musatuke pakuti atakabapo nayumoyumo umuntu uwakubavwa.

Nehemiya 9:32

“Polelo wee Chala witu, we wamaka nkani sona nu wakoghofya, wewe ukusunga ulufingo lwako ulwa lughano, utakitikizyanje ukuti amayimba ghitu ghanagha ghabonekaye mapepe kukwako. Amayimba ghatuwila aswe na bamwene bitu na balongozi bitu na baputi bitu na balaghuzi bitu na banyenya bitu sona na bantu bako bosi ukwandila pakabalilo aka bamwene aba mu Asiliya mupaka nilelo bulo.

Masalimo 119:153

Ennya amayimba ghane, sona umpoke, pachifukwa ichakuti intaluluvizye ululaghilo lwako.

Masalimo 140:8

Wee Mwene, utakabapanje abantu ababibi ivintu vivyo bakuvinyonywa. Utakitikizyanje ukuti vivyo bakubatika ukuti vikwanilisiwanje, lumo banganda pakwituvya.

Masalimo 25:18

Zyennye intamyo na mayimba ghane, sona unhobokelaye imbibi zyane zyosi.

Masalimo 69:21

Bakambikila akanyongo muchakulya, sona bo indi ni nyota bakampa uvinyo umusape.

Ukufuma 3:17

Nadumula ukuti nkwiza pakubefyamo mu Ijiputi muchisu icha mayimba nukubuka nabo kuchisu icha mboto, mumo aba Kenani naba Hiti naba Amoli naba Pelezi naba Hivi sona naba Yebusi bakwikalamo.’

Ukufuma 3:7

Po u Mwene akati, “Naghennya amayimba agha bantu bane babo bali mu Ijiputi. Nivwa amilumbusyo ghabo nizya bantu babo bakubayivya. Napalamasiwa nkani mumoyo namumo bakuyimbila.

Ukufuma 4:31

Aba Izilayeli bala bakasubila, sona bo bivwa ukuti u Mwene aghennya amayimba ghabo, sona nukuti akaba ni chitima nabo, bakafughama nukumwiputa.

Umulumbilili 4:1

Nkaghennya sona amayimba ghagho ghakaba pachisu ichapasi. Nkaghennya amasozi agha bantu abakuyiviwa, po bate nu wakubasangalusya. Abakubayivya bakaba na maka nkani, sona bate nu wakubasangalusya.

Yesaya 3:8

U Yelusalemu akutantalila bulo sona u Yuda akuwa pasi, pakuti amazyu ghabo ni mbombo zyabo zikumusamula, u Mwene pakunyazya ubuchindamu bwache.

Yesaya 37:17

Wee Mwene tegha ikutu lyako, wivwe, wee Mwene ighula amaso ghako, po wennye sona teghelezya amazyu ghosi agha Senakelibu ghagho atuma pakukusamula awe we Chala umumi.

Yesaya 37:23

Nkimba wewenu yuyo ukumutuka nukumusamula? Nkimba wewenu yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

Yesaya 37:29

Pachifukwa ichakuti wankalalila nukunsamula, nkwiza pakubika akasikulo kane mumpuno yako, sona nukwinjizya ichela mumulomo wako, nkwiza pakukunyosezya muzila yiyo ukafumila.

Yesaya 37:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache, u mwene wamu Asiliya, abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

Yesaya 40:2

ubakazye abantu aba mu Yelusalemu. Babuzye ukuti bayimba akabalilo akatali nkani, imbibi zyabo zyahobokeliwa. Nabafunda mpela pachifukwa icha mbibi zyabo zyosi.”

Yesaya 47:7

Po ukati, ‘Ane nkwiza pakuba ne mwene umukolo, uwa bwila na bwila!’ Loli utakabikilako umoyo kuvintu ivi, pamo ukwinong'onela, namumo ubumalilo bwache bukwiza pakubela.

Yesaya 51:19

Amayimba mabili ghanagha ghakuwila, Nkimba wewenu angakusangalusya? Ukunanganika, nizala sona ni bwite, nkimba wewenu angakusangalusya?

Yesaya 54:11

U Mwene akuti, “Wee Yelusalemu we kaya akakulu nkani akakuyimba, kako kate nu wakukasangalusya, nkwiza pakukuzenga na mabwe amiza pakuluzenga ulwalo lwache, na mabwe agha safile.

Yelemiya 13:27

Nabwennya ubunyazu bwako, ubwamalaya bwako, ni chinyonywa chako! Navyennya ivyakubombiwa vyako ivinyazu, ivyakubombiwa pamaghamba sona namumaghunda. Wee Yelusalemu! Chighune kukwako. Nkimba ukwiza pakuswefiwa liyi?”

Yelemiya 16:7

Atalipo nayumoyumo uwakubapa ichakulya abafwilwe ukuti abasangalusye pa vitima ivya bufwe ubwa wise pamo unyina. Sona atakabepo nayumoyumo uwakubapa ichakung'wela ichakubasangalusya.

Yelemiya 2:34

Mumenda ghinyu mukwaghiwa ibanda ilya bantu abapina babo bate ninongwa nayimoyimo, napapo mutakabagha bakupankula inyumba zyinyu. Loli pavyosi vinivi,

Yelemiya 48:26

U Mwene akuti, “Mumupele ukuti akolwe, pachifukwa icha kumusambukila u Mwene. Mumuleke u Mowabu aghalaghataye mumatapisi ghache, muleke abe chakusekiwa.

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Yelemiya 50:29

“Mubitizye bosi abafundi aba bwele, ukuti balwe ubwite naba mu Babiloni. Babazyungulile sona atakabepo nayumoyumo uwakupona. Mubatanizye pachifukwa icha mbombo zyabo, Mubabombele zizyo bakababombela abanji, Pakuti bakamusamula u Mwene Umuzelu uwa Izilayeli.

Nkuto 1:17

U Yelusalemu akugholosya inyobe yache, loli atalipo nayumoyumo umuntu uwakumusangalusya. U Mwene abitizya abalwani kunkuto zyosi, ukuti babavwanile abaluko ulwa Yakobo. Po u Yelusalemu aba chintu chinyazu pakasi papabo.

Nkuto 1:21

“Abantu bivwa ukukoloma kwane, loli atalipo nayumoyumo uwakunsangalusya. Abalwani bane bosi bazyivwa intamyo zyane, sona bakusekela pazizyo wabomba. Isiku lilyo ukalifumusya ulikwanilisyanje, umwakuti bope babanje ngati mumo imbeleye.

Nkuto 2:13

Wee Yelusalemu, nkimba ningakubuzya ichoni sona ningakufwanikizya ni choni? Wee Yelusalemu, nkimba ningakufwanikizya ni choni, umwakuti nkusangulusyanje? Inkonko yako nyibizu nkani ngati yo nyanja, po nkimba wewenu angakupozya?

Nkuto 4:1

Mwee, ugolide yula anyalite nkani, ugolide umwenecho yula ananganikite. Amabwe aghamutengo ghala agha mu Nyumba iya Chala yanyampana, kunkuto zyosi izya mumisebo.

Nkuto 5:1

Wee Mwene kumbuka zizyo zyatuwila, sona ennya namumo bakutukozezya isoni.

Hoseya 2:14

Polelo nkwiza pakumudeba umukolo yula, nukubuka nawe kunkolongo, sona nkwiza pakunena nawe akiza nkani.

Zefaniya 2:10

Ulu lo lukwiza pakuba lufundo lwabo, pachifukwa icha kwituvya kwabo. Pakuti bakubatuka nukubobezya abantu aba Mwene Uwamaka Ghosi.

Yohani 11:19

po aba Yuda abinji bakiza pakumulema inyobe u Malita nu Maliya pachifukwa icha bufwe ubwa muyemba wabo.

Ukukumbusya Amalamulo 26:7

Po tukamulilila u Mwene, u Chala uwa banyenya bitu. U Mwene akatwivwa, nukwennya amayimba ghitu, nintamyo zyitu, ni mbombo inkafu zizyo tukabombagha, sona namumo bakatukanyililagha.

Ukukumbusya Amalamulo 32:27

Loli ntakalonda ukuti abalwani babo bituvyanje, ntakalonda ukuti abalwani babo banenaye ukuti, ‘Aswe twabapota abantu bache,’ Pakuti ane ne Mwene ne nabomba zyosi zinizi.”

Ukukumbusya Amalamulo 32:29

Nanti bakabanga na mahala ngali bakivwisya ivintu vinivi, sona ngali bakuzyaghannya intamyo zizyo zingabawila.

1 Pitala 4:17

Pakuti akabalilo kakwana akakuti u Chala ande pakulonga abantu bache. Nanti ubulongi bukwiza pakwandila naswe, nkimba kukwiza pakuba bulibuli na bantu babo batakusubila Amazyu Amiza agha Chala?

1 Samuweli 1:11

Po akalapa ichilapo akati, “Wee Mwene Uwamaka Ghosi, nanti wennya bulo intamyo zyane nukunkumbuka, sona nanti utakunduvya ane ne wambombo wako pakumpa umwana umulumendo, umwana yula nkwiza pakumupa u Mwene amasiku ghosi agha bumi bwache, sona atakwiza pakumwapo nalumo isisi zyache.”