Nkuto 1:8 - IBAYIBOLO 2024

⁸ U Yelusalemu abomba imbibi, sona inyazya mwene. Bosi babo bakamuchindikagha, ilelo bakumusamula, pakuti bamwennya namumo abeleye nkule. Akukoloma nukuvwinka icheni chache.

Nkuto 1:8 Iomraidhean Croise

Ubwandilo 3:7

Bo balya bulo, amaso ghabo ghakighuka, nukuzyaghannya ukuti bakaba nkule. Bakasona amani agha chikuyu nukuvwala.

1 Abamwene 9:6

“Loli nanti awe pamo abana bako mwaghasulannya amalamulo ni ndaghilo zyane, zizyo nkupiye, nukubabombela abachala abanji pakubiputa,

1 Abamwene 9:7

po nkwiza pakubefyamo aba Izilayeli muchisu chicho nabapiye. Nkwiza pakuyikana Inyumba yiyo nayipaghula ukuti nchindikiliwanjemo. Aba Izilayeli bakwiza pakuba kapangwi bulo sona ni chakusekiwa pakasi pabantu bosi.

1 Abamwene 9:9

Po abantu bakwiza pakwamula ukuti, ‘Pachifukwa ichakuti bakamukana u Mwene u Chala wabo, yuyo akabefya abanyenya babo mu Ijiputi. Bakilondela bene abachala abanji nukubiputa sona nukubabombela. Ichi cho chifukwa u Mwene abawisizya intamyo zyosi zinizi.’ ”

Yesaya 47:3

Inkule yako yikwiza pakuba pabuzelu, po ukwiza pakukoziwa isoni. Nkwiza pakubatanizya, sona ntakwiza pakumuleka nayumoyumo.”

Yelemiya 13:22

Nanti mukwilalusya mwebene mukuti, ‘Nkimba choni chicho zyosi zinizi zyatuwila?’ Pachifukwa icha mbibi zyinyu inyinji ivyakuvwala vyinyu vyazepuliwa sona amabili ghinyu ghayinviwa.

Yelemiya 13:26

“Nkwiza pakukuvwinkula ichakuvwala chako bo ukwennya namaso ghako, sona inkule yako yikwiza pakuboneka pabuzelu.

Yelemiya 15:4

Nkwiza pakubapela abantu aba mu Yuda pakuba chintu chakoghofya mubumwene bosi ubwa muchisu ichapasi pachifukwa icha vivyo u Manase u mwana uwa Hezekiya u mwene uwa ba Yuda akabomba mu Yelusalemu.

Yelemiya 24:9

Nkwiza pakubapela pakuba chintu ichakoghofya muvyisu vyosi ivya pasi, ichintu ichakusamuliwa, ichintu chicho chite nimbombo nayimoyimo, ichintu ichakusekiwa nicha kughuniwa kosi kuko nkubachimbizizyako.

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Yelemiya 34:17

Polelo, u Mwene akuti, “Mukanite pakunyivwila, mutafumusizye ubwabuke ubwakuti mukwiza pakubasatula abakamu binyu na bapalamani binyu. Po ilelo ane nkubafumusizya ubwabuke: Ubwabuke ubwakufwila kubwite, ichiwaya nizala. Nkwiza pakubapela pakuba bantu abakoghofya ku inko izya pachisu ichapasi.

Yelemiya 4:31

Nkivwa ukulila ngati po kwa mukolo yuyo ali pakusayiwa, ukukoloma ukwa yuyo akupapa umwana ukatote. Ukulila ukwa bantu aba mu Ziyoni bo bali pakubulonda ubumi bwabo, bakugholosya inyobe zyabo bakuti, “Mwee nkuzilika! Ubumi bwane bwabikiwa munyobe izya baghoghi.”

Yelemiya 6:28

Bosi banaba bantu abasambuke aba moyo amapalapala nkani, sona biyebo. Amoyo ghabo ghali ngati mukuba ni chela. Bosi ubusubiliwa butalimo mumwabo.

Nkuto 1:11

Abantu bache bosi bakukoloma, bo bali pakulonda ivibama. Bakughulizannya ubukabi bwabo ni chikulya, umwakuti babanje nubumi. “Wee Mwene, unyennye ni chisa, pakuti nkusamuliwa nkani.”

Nkuto 1:17

U Yelusalemu akugholosya inyobe yache, loli atalipo nayumoyumo umuntu uwakumusangalusya. U Mwene abitizya abalwani kunkuto zyosi, ukuti babavwanile abaluko ulwa Yakobo. Po u Yelusalemu aba chintu chinyazu pakasi papabo.

Nkuto 2:10

Abasongosongo bosi aba mu Yelusalemu bikaye bulo pasi myee, sona bikupulila ulufumbi pamitu yabo Bavwalite amasaka pachifukwa icha chitima, sona abakolo aba mu Yelusalemu bakotamizye imitu yabo pasi.

Nkuto 4:21

Mwee bantu ba mu Edomu, mwe mukwikala muchisu icha Uzi, sekelagha sona hobokagha, Namwe bulo ulubako lunulu lukwiza pakubizilagha, po mukwiza pakukolwa nalo nukuvula amenda.

Ezekiyeli 23:29

Bakwiza pakukubombela ivipalapala nukukufyula vyosi vivyo ukiyula. Bakwiza pakukuleka nkule, po umubili uwa bwamalaya bwako bakwiza pakughuleka bo utavwete nachimochimo.

Ezekiyeli 23:46

“U Mwene Uwamaka Ghosi akuti: Chitizye ichilundilo icha bantu ukuti chibasusye pakuboghofya nukubafyula ukatundu.

Ezekiyeli 39:23

Inko zikwiza pakumanya ukuti abantu aba mu Izilayeli bakabuka kubuzya pachifukwa icha mbibi zyabo, pakuti batakaba basubiliwa kukwane. Nkabafisa icheni chane, nukubabika munyobe izya balwani babo, po bakafwila kubwite.

Hoseya 2:10

Po nkwiza pakuyibika pabuzelu inkule yache, pamaso pa baghaniwa bache. Atalipo nayumoyumo umuntu yuyo akwiza pakumupoka munyobe zyane.

Hoseya 2:3

Lumo ningamuvula amenda, nukumuleka bwazi ngati po pisiku ilya kupapiwa kwache. Nkwiza pakumupela pakuba ngati yo nkolongo, pakuba ngati cho chisu ichumizu, sona nkwiza pakumughogha ni nyota.

Ubuvumbuli 3:18

Polelo nkukubuzya ukuti ughule kukwane ugolide yuyo asyaniwe numoto, ukuti ubanje we mukabi. Ughule sona amenda amaswepu, uvwale ukuti ufise inkule yako nkozyasoni. Ughule umulembo, upake mumaso ghako, umwakuti ungennya.

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.