Nkuto 1:4 - IBAYIBOLO 2024

⁴ Imisebo iyakubukila ku Yelusalemu yikulila, pakuti atalipo nayumoyumo yuyo akubuka kulusekelo. Abalindu babo bakimbagha kulakula ilelo bali mumayimba, sona abaputi bache bakukoloma. Yope imilyango yache yaba visami, sona akaya akakulu nkani aka Yelusalemu kali muntamyo inkulu nkani.

Nkuto 1:4 Iomraidhean Croise

Yesaya 3:26

Imilyango iya Ziyoni yikwiza pakulila nukufwifwitila, sona mutakwiza pakuba nachimochimo, po akwiza pakwikala palufumbi.

Yelemiya 10:22

Teghelezya! Ipangwi lilyo likwiza. Ichongo ichikulu icha kumitu chikwiza. Chikwiza pakutupela utwaya utukulu utwa Yuda pakuba chisami, mumo mukwikalamo abakambwe.

Yelemiya 14:2

“Aba Yuda bakulila, utwaya utukulu tukutamiwa, abantu bakughalaghata pasi nukuchililila ichisu, sona ukulila kukwivwika mu Yelusalemu.

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Nkuto 1:21

“Abantu bivwa ukukoloma kwane, loli atalipo nayumoyumo uwakunsangalusya. Abalwani bane bosi bazyivwa intamyo zyane, sona bakusekela pazizyo wabomba. Isiku lilyo ukalifumusya ulikwanilisyanje, umwakuti bope babanje ngati mumo imbeleye.

Nkuto 5:13

Abalumendo bakubafyenga pakusya palwala, tope utulumendo tukutantalila ni mizigho iyankwi.

Nkuto 5:14

Abasongosongo bakepapo pamulyango uwakaya akakulu nkani, abalumendo inyimbo zitakwivwika sona.

Hoseya 2:13

Nkwiza pakumufunda pachifukwa icha masiku agha ba Baala, ghagho akafukizya utwakununkila ku bachala bache aba Baala. Akipela mwene pakuba wakuboneka akiza, pakubombezya ugolide ni vyakwibonesekezya akiza, Akabakonka abaghaniwa bache, akanduvya ane ne Mwene.”

Aba Levi 26:22

Nkwiza pakubatumila ivinyamana ivyakoghofya, vivyo vikwiza pakubalya abana binyu nukughogha ivitekwa vyinyu, umwakuti ubwinji bwinyu bukwiza pakuba bunandi bulo, sona izila zyinyu zikwiza pakufwa.”

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.