Nkuto 1:21 - IBAYIBOLO 2024

²¹ “Abantu bivwa ukukoloma kwane, loli atalipo nayumoyumo uwakunsangalusya. Abalwani bane bosi bazyivwa intamyo zyane, sona bakusekela pazizyo wabomba. Isiku lilyo ukalifumusya ulikwanilisyanje, umwakuti bope babanje ngati mumo imbeleye.

Nkuto 1:21 Iomraidhean Croise

Masalimo 35:15

Loli nanti nipunula bakuhoboka, bakubungana poka ukuti banyobezye, abantu abalemazu babo intabamenye nalumo, bankomagha ukusita ukuleka.

Masalimo 37:13

Loli u Mwene akubaseka abantu ababibi, pakuti azimenye ukuti isiku ilyakunanganika kwabo likwiza.

Masalimo 38:16

Nkwiputa ukuti, “Mutakabitikizye ukuti basekelelaye papane. Abantu babo bakwikwezya bo ulwayo lwane lukutyelemuka.”

Yesaya 14:5

U Mwene ayipyola indisa iya babomba mbibi, abumala ubulaghili bwabo,

Yesaya 14:6

yiyo yikakomagha abantu umwakusita kuleka, yiyo yikalaghilagha inko izya bantu mubukali, sona nukusita kuleka pakubavwima.

Yelemiya 30:16

“Loli nkwiza pakubanangannya bosi babo bakubanangannya, abalwani binyu bosi bakwiza pakusendiwa pakuba bazya. Bosi babo bakubafyula ivintu vyinyu, bope ivintu vyabo vikwiza pakufyuliwa. Bosi babo bakubayivya bakwiza pakuyinviwa

Yelemiya 48:27

Nkimba aba Izilayeli batakaba bakusekiwa kukwinyu? Nkimba akalemiwa pakasi pabiba, bo mukupukuzya imitu yinyu pakubasamula, akabalilo kosi kako mukumunena?

Yelemiya 50:11

U Mwene akuti, “Mwee ba Babiloni, mukusekela sona muhobokite. Amwe mwe mukusendelapo ulusako pachilingo chane, munganyelanyela umwakuhoboka, ngati mpampali yiyo yikukoma ingano, napapo mungalila ngati yo falasi inyanavuli,

Yelemiya 50:15

Mukolomokele imbazu zyosi! ‘Imika inyobe nukulamba, ichitembe chache chawa, ivibumba vyache vyamongonkana.’ Pakuti uku ko kutanizya ukwa Mwene, mubatanizye bope bulo, mubabombele zizyo bakababombela abanji.

Yelemiya 50:29

“Mubitizye bosi abafundi aba bwele, ukuti balwe ubwite naba mu Babiloni. Babazyungulile sona atakabepo nayumoyumo uwakupona. Mubatanizye pachifukwa icha mbombo zyabo, Mubabombele zizyo bakababombela abanji, Pakuti bakamusamula u Mwene Umuzelu uwa Izilayeli.

Yelemiya 50:31

U Mwene Uwamaka Ghosi akuti, “Ennya, nkwiza pakulwa nawe, wee muntu uwa madinko awe, pakuti isiku lyako lyafikila, akabalilo akakuti ufundiwe kakwana.

Yelemiya 51:24

U Mwene akuti, “Pamaso papako, nkwiza pakumutanizya u Babiloni na bantu babo bakwikala mulamula, pachifukwa icha kunanga kwabo kuko bakabomba mu Ziyoni. Ane ne Mwene nanena.

Yelemiya 51:49

“Ichisu icha Babiloni chibaghiye pakuwa, pachifukwa ichakughoghiwa ukwa ba Izilayeli, ngati mumo abantu bosi aba pachisu chosi ichapasi, bakaghogheliwa pachifukwa icha Babiloni.”

Nkuto 1:16

“Ichi cho chifukwa nkulila sona amasozi ghatakukamuka mumaso ghane. Atalipo nayumoyumo uwakunsangalusya, sona nayumo umuntu uwakunkazya. Abana bane baba balanda, pachifukwa ichakuti abalwani bitu batupota.”

Nkuto 1:2

Pabusiku akulila nkani, sona amasozi ghatakumala mumasaya ghache. Atalipo nayumoyumo uwakumusangalusya pakasi pa baghaniwa bache bosi. Abamanyani bache bosi bamusambukiye, sona baba balwani bache.

Nkuto 1:22

“Leka ububibi bwabo bosi bubonekele pamaso papako, ubabombele ukuyana namumo ukambombela, pachifukwa icha mbibi zyane zyosi. Ane nkukoloma nkani, sona indi ni chitima nkani mumoyo wane.”

Nkuto 1:4

Imisebo iyakubukila ku Yelusalemu yikulila, pakuti atalipo nayumoyumo yuyo akubuka kulusekelo. Abalindu babo bakimbagha kulakula ilelo bali mumayimba, sona abaputi bache bakukoloma. Yope imilyango yache yaba visami, sona akaya akakulu nkani aka Yelusalemu kali muntamyo inkulu nkani.

Nkuto 1:8

U Yelusalemu abomba imbibi, sona inyazya mwene. Bosi babo bakamuchindikagha, ilelo bakumusamula, pakuti bamwennya namumo abeleye nkule. Akukoloma nukuvwinka icheni chache.

Nkuto 2:15

Bosi babo bakudumusannya bakukuseka. Bakumobezya nukupukunnya imitu yabo pachifukwa icha zizyo zyamuwila u Yelusalemu. Bakuti, “Nkimba aka ko kaya akakulu nkani kako kakitiziwanga ukuti ko kasayiwa, kako kakabahobosyanga abantu pachisu chosi icha ichapasi?”

Nkuto 2:16

Abalwani bako bosi bakwasamiye umulomo, bakukobezya nukukumemenela amino, sona bakuti, “Twamumila. Isiku lilyo twalindililagha lyakwana, sona tuli nubumi ukuti tulyennyanje isiku linili.”

Ezekiyeli 26:2

“Wee mwana uwa muntu, pachifukwa ichakuti abantu aba mu Tile bakababuzya nizya Yelusalemu ukuti, ‘Ennya! Ulwiyi ulwa inko lwapyoka, sona lwighuka ukuti twinjilemo, pachifukwa ichakuti akaya aka Yelusalemu kipela pakuba chisami, nkwiza pakuba ne mukabi,’

Yoweli 3:14

Ivilundilo ni vilundilo vili mwikombe ilya bulongi! Pakuti isiku ilya Mwene lili papipi mwikombe ilya bulongi.

Ubuvumbuli 18:6

Umubombelaye bulo vivyo wepe akakubombela, umutanizikizyanje kabili pa zizyo abomba. Izuzya kabili ulubako lwache ulwa ntamyo zizyo wepe akwiza pakuyimba nazyo.