Nkuto 1:2 - IBAYIBOLO 2024

² Pabusiku akulila nkani, sona amasozi ghatakumala mumasaya ghache. Atalipo nayumoyumo uwakumusangalusya pakasi pa baghaniwa bache bosi. Abamanyani bache bosi bamusambukiye, sona baba balwani bache.

Nkuto 1:2 Iomraidhean Croise

Yobu 6:15

Loli abamanyani bane te basubiliwa ngati tusoko, tuto tukukamuka lubilolubilo nanti ivula yaleka.

Yobu 7:3

momumo nane bulo nkuyimbila akabalilo kosi, sona pabusiku pope nkutamiwa.

Masalimo 126:5

Babo bakupesa bo bakulila bakwinula, bakwiza pakwinula bo bakwimba inyimbo izya buhobosu.

Masalimo 31:11

Pachifukwa icha balwani bane bosi, ane naba ne chakusesya pakasi pa bapalamani bane. Ane naba ne chakoghofya pamaso pa bamanyani bane, sona nanti abantu banyagha mumisebo, bakunchimbila.

Masalimo 6:6

Nalita pakukoloma, ubusiku bosi nkuchinyezya ichitala chane na masozi, sona nkuchidwibika mumasozi ichitengo chane.

Masalimo 69:21

Bakambikila akanyongo muchakulya, sona bo indi ni nyota bakampa uvinyo umusape.

Ivyili 19:7

Nanti umuntu umupina akubengiwa na bakamu bache bosi, po zingaba bulibuli na bamanyani bache? Abene po bakwiza pakumuchimbila nukubuka kubutali.

Yelemiya 13:17

Loli nanti mutakuteghelezya, nkwiza pakubalilila kubusyefu, pachifukwa icha mituvyo ghinyu, amaso ghane ghakwiza pakulila nkani, ghakwiza pakwizula namasozi pachifukwa ichakuti ing'ozi izya Mwene zili mubuzya.

Yelemiya 2:25

Utakendaye vinama vyene sona pimilo lyako patakabanje inyota. Loli awe ukati, ‘Chite ni mbombo! Imbaghanite abachala abayeni, sona imbaghiye pakubakonka.’

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 30:14

Abaghaniwa binyu bosi babaluvizye, bate ni mbombo namwe. Nukubavulazya ngati mumo abalwani binyu bosi bababombela, ulufundo lwinyu lukulu pakuti imbibi zyinyu nyinji, sona bope ububibi bwinyu bukulu nkani.

Yelemiya 4:30

Wee Yelusalemu waba we chisami? Nkimba choni chicho uvwalite ivichesamu sona uvwalite amambo agha golide? Nkimba choni chicho ukughapakazya amaso ghako nibanya? Ukwitammya bulo wemwene. Abaghaniwa bako bakukusamula, bakubulonda ubumi bwako.

Yelemiya 9:1

Mwee, nalondagha nkani ukuti u mutu wane ghube ngati mbwibi iya mizi nukuti amaso ghane ghabe ngati chiziba icha masozi! Umwakuti ngali nalila umusanya nubusiku pachifukwa icha bantu bane babo baghoghiwe.

Nkuto 1:19

Nkabitizya abamanyani bane, loli bakansambukila. Abaputi na balongozi bane bosi bazimila mukaya akakulu nkani, bo bali pakulonda ichakulya, umwakuti babanje nubumi.

Nkuto 1:21

“Abantu bivwa ukukoloma kwane, loli atalipo nayumoyumo uwakunsangalusya. Abalwani bane bosi bazyivwa intamyo zyane, sona bakusekela pazizyo wabomba. Isiku lilyo ukalifumusya ulikwanilisyanje, umwakuti bope babanje ngati mumo imbeleye.

Nkuto 1:9

Ubunyazu bwache bukakatiye pamenda ghache, pakuti atakinong'onelaghako nizya lufundo lwache. Ukunanganika kwache kukaba kwakoghofya nkani, umwakuti patakabapo uwakumusangalusya. “Wee Mwene, ennya amayimba ghane, pakuti abalwani bane bampota.”

Nkuto 2:11

Amaso ghane ghizuye pachifukwa icha kulila, sona mukasi muli ubwite. Ghope umoyo wane wavulala, pachifukwa ichakunanganika ukwa bantu bane. Pakuti abana na babonda bakuzililika mumisebo iya kaya akakulu nkani.

Ezekiyeli 16:37

po nkwiza pakubabungannya abaghaniwa bako bosi, babo ukabomba nabo ivibibi, babo ukabaghana sona na babo ukababenga. Nkwiza pakubabungannya ukwanda kunkuto zyosi, nkwiza pakukuvula pamaka pamaso papabo, po bakwiza pakwennya inkule yako.

Hoseya 2:7

Akwiza pakubachimbilila abapamoyo bache, loli atakwiza pakubalema. Akwiza pakubalondalonda. Loli atakwiza pakubagha. Po akwiza pakunena ukuti, “Nkunyokela ku mulume wane uwakwanda, ngati mumo zikabelagha pakwanda pala. Pakuti kale ivintu vikabapo akiza ukuchila pakabalilo aka.”

Mika 7:5

Utakamusubilaye umupalamani wako, sona utakeghamilaye ku mumanyani wako. Napapo angaba muchi wako, uchebaye pakunena.

Ubuvumbuli 17:13

Abamwene bosi 10 aba bali ni fundo yoka, sona bakwiza pakuchipa ichinyamana amaka nu bulaghili bwabo.

Ubuvumbuli 17:16

Impembe 10 zizyo ukazyennya ni chinyamana chila vikwiza pakumubenga umukolo umalaya yula. Bakwiza pakumufyula vyosi vivyo ali navyo nukumuleka bwazi. Bakwiza pakughunangannya umubili wache nukumulungulizya numoto.