Nkuto 1:10 - IBAYIBOLO 2024

¹⁰ Umulwani akamufyula ubukabi bwache bosi, sona akazyennya inko izinji zikwinjila mubuzilo bwache ubuzelu, bubo ukazikanizya ukuti batakinjilemo.

Nkuto 1:10 Iomraidhean Croise

2 Imbili 36:18

Akasenda ivibombelo vyosi nu bukabi ubwa mu Nyumba iya Chala, manyi vikulu manyi vinandi sona nu bukabi ubwa munyumba iya bumwene ni nyumba izya makambala ghache nukubuka navyo ku Babiloni.

Nehemiya 13:1

Pisiku lilalila Indaghilo izya Mozesi zikabelengiwa umwakwivwika nkani, bo abantu bakuteghelezya sona bakagha papo pakasimbiwa ukuti patakaghiwepo nayumoyumo umu Amoni pamo umu Mowabu pakasi pabantu aba Chala,

Yesaya 63:18

Bo pachilapo akabalilo akanandi bulo, abantu bako bakikala mubuzilo bwako ubuzelu, loli ilelo abalwani bitu, babukanyankilannya ubuzilo bwako ubuzelu.

Yelemiya 15:13

Ubukabi bwinyu ni chuma chinyu nkwiza pakuvibika kubalwani binyu ukusita kubikilapo nachimochimo pachifukwa icha mbibi zyinyu zyosi, muchisu chinyu chosi

Yelemiya 20:5

Ichuma chosi icha mukaya akakulu nkani, ubukabi bwache bosi nu katundu wache wesi uwa bamwene aba mukaya aka Yuda, vyosi vinivi vikwiza pakufyuliwa na balwani nukubuka navyo kuchisu icha Babiloni.

Yelemiya 27:19

Pakuti umu momumo u Mwene Uwamaka Ghosi akunenela nizya mpanda, ni sonta inkulu iya mukuba, ni vyakwimapo isonta sona ni vibombelo vyosi vivyo visyalikiye mukaya aka,

Yelemiya 27:21

Eee, momumo u Mwene Uwamaka Ghosi, u Chala uwa Izilayeli, akunenela nizya vintu vivyo vikalekiwa mu Nyumba iya Mwene sona na munyumba iya bumwene, ubwa mu Yuda nubwa mu Yelusalemu:

Yelemiya 50:28

Teghelezya! Abantu babo bakachimbila ubwite ku Babiloni, bali pakufumusya mukaya aka Ziyoni, nizya mumo u Mwene u Chala witu akutanizizya pachifukwa icha Nyumba yache.

Yelemiya 51:51

“Mukuti, ‘Twakoziwa isoni, pakuti twasamuliwa, ivyeni vyitu vili nisoni, pakuti abantu abayeni binjila mu Buzilo Ubuzelu ubwa Nyumba iya Mwene.’

Yelemiya 52:13

Akocha Inyumba iya Mwene ni nyumba iya bumwene sona ni nyumba zyosi izya mu Yelusalemu. Akocha sona inyumba zyosi izya abantu abapamwanya.

Nkuto 1:7

Pakabalilo aka mayimba nu kwendakwenda kwache, u Yelusalemu akubukumbuka ubukabi bwache bubo akaba nabo bo ivintu vikumwendela akiza. Bo abantu bache balemiwa na balwani, patakabapo nayumoyumo umuntu uwakumwavwa. Abalwani bache bakamwenelezya nukumobezya, pachifukwa icha kunangika kwache.

Ezekiyeli 44:7

Bayinyazya Inyumba yane pakubinjizya abayeni abasita ukusilimuliwa mumoyo Mubuzilo Ubuzelu, nukuyinyazya Inyumba yane bo mukumpa ivyakulya, amafuta ni banda, po mwalunangannya ulufingo lwane pakubomba ubunyazu.

Ezekiyeli 7:22

Nkwiza pakubapa inkoto, umwakuti amavyondongo ghachinyazye ichisu chane, pakwinjilamo nukuchinyazya.

Ezekiyeli 9:7

Po u Mwene akababuzya akati, “Muyinyazye Inyumba iya Chala nukwizuzya ulubinjilo nimivimba. Buka!” Po bakabuka nukwanda pakubaghogha abantu mosi mukaya akakulu nkani aka Yelusalemu.

Maliko 13:14

“Mukwiza pakwennya Ichinyazu Ichipalapala, chicho chikunangannya chimiliye pabuzilo bubo chitabaghiye.” (Umuntu yuyo akubelenga, ivwisye.) “Po babo bali mu Yudeya bachimbililaye mumaghamba.”

Ukukumbusya Amalamulo 23:3

Nayumoyumo umu Amoni pamo umu Mowabu, pamo uwa weka uwa baluko lwabo mupaka inkulilo iya 10, atakabanjepo palukomano ulwa bantu aba Mwene.

Ukukumbusya Amalamulo 23:4

Pakuti abantu banaba batakabapa ivyakulya pamo amizi pabulendo bwinyu, bo mukwepamo mu Ijiputi. Bakamwitizya u Balamu, umwana uwa Bewoli uwamu Petoli muchisu icha Mesopotamiya ukuti abaghune.