Nkuto 1:1 - IBAYIBOLO 2024

¹ Mwee, akaya akakulu nkani aka Yelusalemu, kako kale kakizula na bantu ilelo kaba chisami. Ali ngati mukolo umufwilwe, yuyo kale akachindikiwanga muchisu ichapasi. Akaba we mwene umukolo uwa inko izinji zyosi, loli ilelo aba muzya.

Nkuto 1:1 Iomraidhean Croise

1 Abamwene 4:21

U mwene u Solomoni akalaghilagha mubumwene bosi bunubu ukwandila kulusoko ulwa Yufuleti mupaka kuchisu icha ba Filisiti nukufika kumpaka iya chisu icha Ijiputi. Abantu aba muvyisu vinivi bakamupa umusonko u Solomoni, sona bosi bakaba pasi pabulaghili bwache mubumi bwache bosi.

2 Abamwene 23:33

U Falabo Neko akamupinya ni mpingu mu Libila muchisu icha Hamati umwakuti atakalaghilaye sona mu Yelusalemu, nukubalamula abantu aba mu Yuda ukuti basonkaye umusonko amakilogalamu 3,400 agha siliva, sona na makilogalamu 34 agha golide.

2 Abamwene 23:35

U Yehoyakimu akamupa u Falabo Neko usiliva nu golide ukuyana namumo akalondelagha. Ukuti azyaghe indalama izi, umuntu wesi uwa muchisu chila, akasonka isonko ukuyana namumo akabela ni chuma chache, sona namumo akapimiliwa.

2 Imbili 9:26

Akabalaghilagha abamwene bosi ukwandila kulusoko ulwa Yufuleti mupaka kuchisu icha ba Filisiti nukufika kumpaka iya chisu icha Ijiputi.

Ezila 4:20

Mu Yelusalemu mwame abamwene abamaka babo balaghilagha kwisila ilya lusoko ulwa Yufuleti sona abantu batakasonkagha umusonko nukubika ivyabupi sona ni vintu ivinji.

Nehemiya 5:4

Abanji sona bakatinji, “Aswe twakopa indalama ukuti tusonke umusonko kwa mwene pachifukwa icha maghunda ghitu na maghunda ghitu agha mampesya.

Nehemiya 9:37

Pachifukwa icha mbibi zyitu, ivyakulya ivyinji ivya muchisu chilachila vikupeghiwa ku bamwene babo bakutulaghila. Bakughalaghila amabili ghitu sona ni ng'ombe zyitu ukuyana namumo bakulondela. Naloli aswe tuli muntamyo inkulu nkani.

Masalimo 122:4

Uluko losi ko kuko lukabukaghako, kokuti uluko ulwa Mwene, pakulipala itabwa ilya Mwene ukuyana na malamulo ghagho akabapa aba Izilayeli.

Yesaya 14:12

Wawa ukufuma kumwanya, wee lutondwa ulwa pandabindabi, we mwana uwa kubuche! Wasumbiwa pachisu ichapasi, wewe ukaziwisya pasi inko!

Yesaya 22:2

Wee kaya akakulu wizuye bulo nichongo, wee kaya akakulu nkani aka chongo na kalusekelo? Abantu babo bakafwa batakaghoghiwa nupanga, pamo ukufwila kubwite.

Yesaya 3:26

Imilyango iya Ziyoni yikwiza pakulila nukufwifwitila, sona mutakwiza pakuba nachimochimo, po akwiza pakwikala palufumbi.

Yesaya 49:21

Po ukwiza pakunena mumoyo wako ukuti, ‘Nkimba wewenu yuyo akampapila abana banaba? Nkafwilwa sona nkaba ne mughumba, nkaba mubuzya sona nkakaniwa. Nkimba wewenu yuyo akabalelagha abana banaba? Po nkasyala nemwene bulo, fwandi banaba bafuma kwiyi?’ ”

Yesaya 50:5

U Mwene Uwamaka Ghosi anyighula amakutu, sona intamusambukiye, pamo ukwepako kukwache.

Yesaya 52:2

Kung'unta ulufumbi, vundumuka ikala pachitengo icha bumwene, wee Yelusalemu. Isatula iminyololo iya musingo yako, wee muzya uwa mukaya aka Ziyoni.

Yesaya 52:7

Bo bwiza boni pamaghamba, inyayo izya muntu yuyo akwiza na mazyu amiza, yuyo akulumbilila nizya mutende, sona akwiza na mazyu amiza agha vintu ivyiza, akulumbilila nizya ubupoki, nukunena kuba mu Ziyoni ukuti, “U Chala winyu akulaghila!”

Yesaya 54:4

“Utakanyilaye, utakwiza pakukoziwa isoni. Utakanyilaye pakusamuliwa utakwiza pakwisiwa. Ukwiza pakuluvya isoni zyako izya pabulumendo bwako, sona utakwiza pakukumbuka intamyo izya bufwilwe bwako.

Yelemiya 31:7

U Mwene akuti, “Mumwimbilaye u Yakobo umwabuhobosu, mukolomokaye pachifukwa icha luko lulo luchilite inko zyosi. Mumwimbilaye bo mukumupala mukuti, ‘Wee Mwene, bapoke abantu bako, aba Izilayeli abakusyalako.’

Yelemiya 40:9

U Gedaliya umwana uwa Ahikamu, umwana uwa Shafani, akalapa ichilapo nukubasimikizya abantu bala ukuti, “Mutakanyilaye pakubabombela aba ku Babiloni. Mwikalane muchisu chinichi sona mumubombelaye u mwene uwamu Babiloni, po ivintu vyosi vikwiza pakubendelagha akiza.

Yelemiya 42:2

bakamubuzya umulaghuzi bakati, “Twalamba, utulabileko kwa Mwene u Chala witu aswe twe bakusyalako. Ngati mumo ukutwenezya, napapo tukaba binji nkani, loli ilelo twasyala banandi bulo.

Yelemiya 44:2

U Mwene Uwamaka Ghosi, u Chala uwa Izilayeli akati, “Amwe mwebene mukakwennya ukunanganika kuko nkakawisizya akaya aka Yelusalemu sona nutwaya tosi utukulu utwa Yuda. Ilelo utwaya tula twaba visami sona atalimo nayumoyumo umuntu uwakwikalamo

Yelemiya 44:6

Polelo, ubukali bwane ubwakoghofya bukaka ngati moto uwa muvuno pa twaya utukulu utwa Yuda sona napa misebo iya mu Yelusalemu. Utwaya tula tukaba visami ngati mumo tubeleye ilelo.”

Yelemiya 50:23

U Babiloni aba ngati yo nyondo yiyo yikachinangannya ichisu ichapasi. U Babiloni ipela chisami mukasi mu inko izya bantu.

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Nkuto 1:19

Nkabitizya abamanyani bane, loli bakansambukila. Abaputi na balongozi bane bosi bazimila mukaya akakulu nkani, bo bali pakulonda ichakulya, umwakuti babanje nubumi.

Nkuto 2:1

U Mwene amuvwinka u Yelusalemu, ni bingu ilya bukali bwache. Abwefya ubuchindamu ubwa Izilayeli kumwanya nukubusumbila pachisu ichapasi. Atakayikumbuka nalumo Inyumba yache, pisiku lilyo akakalala.

Nkuto 2:10

Abasongosongo bosi aba mu Yelusalemu bikaye bulo pasi myee, sona bikupulila ulufumbi pamitu yabo Bavwalite amasaka pachifukwa icha chitima, sona abakolo aba mu Yelusalemu bakotamizye imitu yabo pasi.

Nkuto 4:1

Mwee, ugolide yula anyalite nkani, ugolide umwenecho yula ananganikite. Amabwe aghamutengo ghala agha mu Nyumba iya Chala yanyampana, kunkuto zyosi izya mumisebo.

Nkuto 5:16

Impumpu yitu yawa kumitu yitu, sona twaghuniwa pachifukwa ichakuti twananga nkani!

Ezekiyeli 26:16

Po abamwene babo bali mulubazu ulwa nyanja bakwiza pakuleka pakulaghila nukubika palubazu inkazo zyabo sona bakwiza pakuvula amenda ghabo aghakulabiwa. Bakwiza pakuba nubogha, bakwiza pakwikala pasi nukutetema akabalilo kosi, bo bakukuswigha.

Ezekiyeli 26:2

“Wee mwana uwa muntu, pachifukwa ichakuti abantu aba mu Tile bakababuzya nizya Yelusalemu ukuti, ‘Ennya! Ulwiyi ulwa inko lwapyoka, sona lwighuka ukuti twinjilemo, pachifukwa ichakuti akaya aka Yelusalemu kipela pakuba chisami, nkwiza pakuba ne mukabi,’

Ezekiyeli 5:5

Po u Mwene Uwamaka Ghosi akuti, “Uyu we Yelusalemu, yuyo namubika pakasi pa inko, ni vyisu vivyo vimuzyunguliye.

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Zefaniya 2:15

Kanaka ko kaya akakulu nkani kako katakupasya kakikalagha umwakufwasa. Kakinong'onagha ukuti, “Ane ne nene, sona atalipo uyunji uwakunchila.” Ilelo kaba chisami, akaya kavinyamana ivya munkolongo! Bosi babo bakudumusannya palapala bakukaseka, bakwiza pakuchenuka nukupukunnya imitu yabo.

Ubuvumbuli 18:7

Mumuyivye nkani nukumupelela intamyo inkulu nkani ukuyana nu buchindamu bwache nubumi bwache ubwakwilagha. Pakuti akwituvya mumoyo wache akuti, ‘Nkwikala pano ngati we mwene umukolo. Ane inte ne mufwilwe, sona ntakwiza pakusulumannyapo nalumo.’