Nehemiya 9:6 - IBAYIBOLO 2024

⁶ Awe we Mwene mpela. Ukapela kumwanya sona na kumwanya nkani ni ntondwa zyosi ni chisu ichapasi poka na vyosi vivyo vili mulamula ni nyanja poka na vyosi vivyo vili mulamula. Awe ukavipa ubumi ivintu vyosi, sona vyosi ivya kumwanya vikukwiputa.

Nehemiya 9:6 Iomraidhean Croise

Ubwandilo 1:1

Ukwandila ko kubwandilo u Chala akapela kumwanya ni chisu ichapasi.

Ubwandilo 1:9

Po u Chala akati, “Amizi ghagho ghali pasi ghabungane pabuzilo boka, umwakuti ichisu ichumizu chibonekaye.” Po naloli ichi chikabombiwa.

Ubwandilo 2:1

Po u Chala akamalizya pakupela kumwanya ni chisu ichapasi, sona na vyosi vivyo vikwikalamo.

Ubwandilo 32:2

U Yakobo akati, “Ichi cho chisakasa icha Chala.” Po ubuzilo bula akabwita ukuti Mahanayimu.

1 Abamwene 22:19

Po u Mikaya akanena sona akati, “U Mwene ati: Nkamwennya u Mwene ikaye pachitengo icha bumwene kumwanya, sona abantumi bosi bakimilila umwakumuzyungulila kundilo na kumongo kwache.

1 Abamwene 8:27

“Wee Chala, nkimba naloli ungikala pachisu ichapasi? Nanti kumwanya pamo kumwanya nkani kutangakukwana, po zingaba bulibuli ni nyumba inandi yiyo nakuzengela

2 Abamwene 19:15

U Hezekiya akiputa kwa Mwene akati, “Wee Mwene u Chala uwa Izilayeli wewe ukwikala pabakelubi, wewe Chala wemwene mpela pabumwene bosi ubwa pachisu ichapasi. Ukapela ichisu ichakumwanya ni chapasi.

2 Abamwene 19:19

Po ilelo, wee Mwene Chala witu, tupoke munyobe zyache, umwakuti ubumwene bosi muchisu ichapasi bumanye ukuti awe wemwene we Mwene, we Chala.”

Nehemiya 9:5

Po Aba Levi kokuti u Yeshuwa nu Kadimiyeli nu Bani nu Hashabineya nu Shelebiya nu Hodiya nu Shebaniya sona nu Petahiya bakati, “Imilila, mumupalaye u Mwene u Chala winyu, yuyo aliko bwila na bwila. “Lipaliwanje itabwa lyako lyabuchindamu, lilyo abantu batangalikwezya nukulichindika umwakufikapo.

Masalimo 102:25

Pakwanda ukala ulwalo lwachisu ichapasi, sona kumwanya yo mbombo izya nyobe zyako.

Masalimo 103:21

Mwee basilikali bache aba kumwanya, mupalaye u Mwene, kokuti mwe babombi bache, mwe mukubomba ubwighane bwache.

Masalimo 115:15

U Mwene abasaye, yuyo we Mupeli uwakumwanya ni chisu ichapasi.

Masalimo 124:8

Ubwavwilizi bwitu bukufuma kwa Mwene, yuyo we mupeli uwakumwanya ni chisu ichapasi.

Masalimo 146:6

umupeli uwakumwanya ni chisu ichapasi, poka ni nyanja na vyosi vivyo vili mulamula u Mwene musubiliwa bwila na bwila.

Masalimo 24:10

Nkimba u mwene uwa buchindamu wewenu? We Mwene Uwamaka Ghosi, we mwene uwa buchindamu.

Masalimo 33:6

U Mwene akanena bulo amazyu, po ivyakumwanya vikapeliwa. Intondwa, umwezi ni zuba bo afuta bulo umuyi.

Masalimo 36:6

Ubugholosu bwako buli ngati maghamba aghamaka, sona ubwanaloli bwako bope buli ngati nyanja inyibizu. Wee Mwene, ukubasungililagha abantu ni vinyamana.

Masalimo 86:10

Pakuti we mukulu nkani sona imbombo zyako zyakuswighisya. Awe wemwene mpela we Chala.

Yesaya 37:16

“Wee Mwene Uwamaka Ghosi, u Chala uwa Izilayeli wewe ukwikala pabakelubi, wewe Chala we mwene mpela pabumwene bosi ubwa pachisu ichapasi. Ukapela ichisu ichakumwanya ni chapasi.

Yesaya 37:20

Po ilelo, wee Mwene Chala witu, tupoke munyobe zyache, umwakuti ubumwene bosi muchisu ichapasi bumanye ukuti awe wemwene we Mwene, we Chala.”

Yesaya 43:10

U Mwene akuti, “Amwe mwe bakaboni bane, sona mwe babombi bane babo imbasalite, umwakuti mummanye nukunsubila ukuti nene, sona nukwivwisya ukuti nene. Patanzi papane atalipo u chala uyunji yuyo akamatiwa, pamo pisinda papane atalipo sona uyunji, sona atakwiza pakubako nayumo.

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Yesaya 44:8

Mutakatetemaye, mutanyilaye. Nkimba intakazifumusya zinizi nukuzinenela zila? Mwe bakaboni bane. Nkimba alipo u Chala uyunji ukwefyako ane? Awe, patalipo sona ibwe ilinji, intalimenyepo nalimolimo.”

Yesaya 45:12

Nene nkachipela ichisu ichapasi, sona nkamumata umuntu ukuti ikalayemo. Ninyobe izyane ni zyane nkachikuzula ichisu ichakumwanya, nkuvilamula ivilundilo vyosi ivyakumwanya.

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Ezekiyeli 20:11

Nkabapa indaghilo zyane nukubalanjizya amalamulo ghane, ghagho umuntu nanti aghivwila akubanga nubumi.

Yona 1:9

U Yona akamula akati, “Ane ne mu Hebeli sona nkumwiputa u Mwene u Chala uwakumwanya, yuyo akapela inyanja ni chisu ichapasi.”

Yohani 10:30

Utata nane tuli weka.”

Imbombo 4:24

Bo bivwa zinizi, bosi bakaba poka munyiputo kwa Chala nukuti, “Wee Mwene Uwamaka Ghosi ukapela kumwanya ni chisu ichapasi ni nyanja sona na vyosi vivyo vili mulamula!

Ukukumbusya Amalamulo 10:14

Kumwanya na vyosi vivyo vili kuko sona ni chisu ichapasi na vyosi vivyo vili mumo, vya Mwene u Chala winyu.

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.

Ukukumbusya Amalamulo 6:4

Mwee ba Izilayeli, ivwa kuno! U Mwene u Chala witu we Mwene weka mpela.

Aba Hebeli 1:3

U Mwana ko kulama ukwa buchindamu ubwa Chala, sona ichifwani ichenecho icha Chala. Umwene achilemite ichisu chosi na mazyu ghache aghamaka. Bo efya imbibi izya bantu, akikala pachitengo ichamuchizi kunyobe indilo iya Chala Uwamaka Ghosi.

Aba Hebeli 1:6

Sona bo u Chala ali papipi pakumutuma u Mwana wache ukatote muchisu ichapasi akati, “Abantumi bosi aba Chala aba kumwanya, bamwiputaye.”

Ubuvumbuli 14:7

Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu ichapasi ni nyanja sona ni mbwibwi izya mizi!”

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”