Nehemiya 9:5 - IBAYIBOLO 2024

⁵ Po Aba Levi kokuti u Yeshuwa nu Kadimiyeli nu Bani nu Hashabineya nu Shelebiya nu Hodiya nu Shebaniya sona nu Petahiya bakati, “Imilila, mumupalaye u Mwene u Chala winyu, yuyo aliko bwila na bwila. “Lipaliwanje itabwa lyako lyabuchindamu, lilyo abantu batangalikwezya nukulichindika umwakufikapo.

Nehemiya 9:5 Iomraidhean Croise

1 Abamwene 8:14

Bo ichilundilo chosi icha ba Izilayeli chimiliye palapala, u Solomoni akaghalabukila ku bantu bala nukubasaya.

1 Abamwene 8:15

Po akati, “U Mwene, u Chala uwa Izilayeli apaliwanje, yuyo akwanilisya zizyo akamulayizya nu mulomo wache utata wane u Devedi. Pakuti akati,”

1 Abamwene 8:22

Po u Solomoni akimilila pantazi pachighemo icha Mwene pamaso pa chilundilo chosi icha ba Izilayeli, bo agholosizye inyobe zyache mumwanya nukwiputa ukuti,

1 Abamwene 8:27

“Wee Chala, nkimba naloli ungikala pachisu ichapasi? Nanti kumwanya pamo kumwanya nkani kutangakukwana, po zingaba bulibuli ni nyumba inandi yiyo nakuzengela

1 Imbili 16:36

Mumupalaye u Mwene, u Chala uwa Izilayeli, ukwanda ilelo mupaka bwila na bwila! Po abantu bosi bakati, “Ameni! Apaliwanje u Mwene.”

1 Imbili 29:11

Awe we Mwene we mukulu nkani, sona we wamaka nu wabuchindamu sona we mupoti. Pakuti ivintu vyosi ivya kumwanya ni vya pachisu ichapasi vyosi vyako. Wee Mwene, wemwenecho uwa vintu vyosi ivya pachisu ichapasi.

1 Imbili 29:13

Wee Chala witu, tukukupalizya, tukulichindika itabwa lyako ichindamu.

1 Imbili 29:20

Po u Devedi akachibuzya ichilundilo chosi chila akati, “Apaliwanje u Mwene u Chala winyu.” Po abantu bosi bakamupala u Mwene u Chala uwa banyenya babo. Bakamuchindika u Mwene pakumufughamilila.

2 Imbili 20:13

Abantu bosi aba mu Yuda, poka na bachi babo na bana sona na babonda babo, bakimilila pamaso pa Mwene.

2 Imbili 20:19

Po aba Levi abamunyumba iya Kohati, na bamunyumba iya Kola bakima nukumupala u Mwene, u Chala uwa Izilayeli, bo bakukolomoka nkani.

Ezila 3:11

Bakimbagha inyimbo izyakumupala nukumupalizya u Mwene bakatinji, “U Mwene mwiza, sona ulughano lwache paba Izilayeli lwa bwila na bwila.” Po abantu bosi bakakolomoka nkani pakumupala u Mwene, pachifukwa ichakuti imbombo iyakwala ulwalo ulwa Nyumba iya Mwene yikanda.

Nehemiya 9:4

Aba Levi bakimilila pamakwelelo. Palapala pakabapo u Yeshuwa nu Bani nu Kadimiyeli nu Shebaniya nu Buni nu Shelebiya nu Bani sona nu Kenani. Bosi banaba bakamwiputagha u Mwene u Chala wabo umwakukolomoka nkani.

Nehemiya 9:6

Awe we Mwene mpela. Ukapela kumwanya sona na kumwanya nkani ni ntondwa zyosi ni chisu ichapasi poka na vyosi vivyo vili mulamula ni nyanja poka na vyosi vivyo vili mulamula. Awe ukavipa ubumi ivintu vyosi, sona vyosi ivya kumwanya vikukwiputa.

Yobu 1:21

nukuti, “Nkiza nkule ukufuma mulwanda lwamayi, po nkwiza pakunyokela nkule. U Mwene akampa sona weyuyo anfyulite. Itabwa ilya Mwene lipaliwanje.”

Masalimo 106:2

Nkimba wewenu yuyo angalingannya imbombo izyamaka izya Mwene? Nkimba wewenu angamupalizya umwakufikapo?

Masalimo 134:1

Mwee babombi mwebosi aba Mwene, zagha mumupalaye u Mwene, mwe mukubomba pabusiku mu Nyumba iya Mwene.

Masalimo 145:2

Isiku ni siku nkwiza pakukupala, nukulichindika itabwa lyako bwila na bwila.

Masalimo 145:5

Bakwiza pakunena nizya buchindamu nu bumwene bwako, po ane nkwiza pakuzyinong'onela imbombo zyako izyakuswighisya.

Masalimo 146:2

Nkwiza pakumupala u Mwene mubumi bwane bosi. Nkwiza pakumwimbila u Chala wane bo inchili ne mumi.

Masalimo 16:2

Nkamubuzya u Mwene nkati, “Awe we Mwene wane sona ivyiza vyosi vivyo indi navyo wewe ukumpa.”

Masalimo 66:2

Imbagha inyimbo izyakulipala itabwa lyache ilichindamu, sona mumupalaye nu muchizi.

Masalimo 99:3

Abantu balipalaye itabwa lyako ikulu ni lyakuswighisya, pakuti itabwa lyako lizelu.

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Ukufuma 15:6

Wee Mwene, inyobe yako indilo, yamaka nkani, yabatizannya abalwani.

Daniyeli 2:20

akati, “Itabwa ilya Chala lichindikiwanje bwila na bwila, yuyo mwenecho uwa mahala na maka.

Matayi 11:25

Pakabalilo kalakala u Yesu akati, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Ukukumbusya Amalamulo 28:58

Nanti mutakughakonka amalamulo ghosi ghagho ghasimbiwe mwibuku linili, sona nanti mutakumunyila u Mwene u Chala winyu, nukulichindika itabwa lyache ilyakuswighisya u Mwene u Chala winyu ni lyabuchindamu,

1 Pitala 1:3

Zagha tumupalizye u Chala yuyo we Wise uwa Mwene witu u Yesu Kilisitu! Pachifukwa icha chisa chache akatupa aswe ubumi ubupya pakumuzyusya u Yesu Kilisitu kubufwe. Ichi chikutupa ulusubilo ulwenecho,

Abalongi 13:18

Uwantumi yula akamula akati, “Nkimba choni chicho ukundalusya itabwa lyane? Itabwa lyane utangalyivwisya.”