Nehemiya 9:34 - IBAYIBOLO 2024

³⁴ Abamwene bitu na balongozi bitu na baputi bitu sona na banyenya bitu batakazikonkagha indaghilo zyako. Bakaghasulannya amalamulo ghako napapo ukabasokagha.

Nehemiya 9:34 Iomraidhean Croise

2 Abamwene 17:13

U Mwene akabasoka aba Izilayeli, naba Yuda ukwendela mu balaghuzi, sona na benelezyi bache bosi ukuti, “Muzileke imbombo zyinyu imbibi. Muzikonkaye indaghilo zyane na malamulo ghane, ghagho nkabalamula abanyenya binyu, sona ghagho nkabapa ukwendela mubabombi bane abalaghuzi.”

2 Abamwene 17:15

Bakazisulannya indaghilo zyache nu lufingo lulo akafingana na banyenya babo, sona ni soki zyache. Pachifukwa ichakuti bakavichindikagha ivifwani ivyamwalwemwalwe, po bope bakaba bamwalwemwalwe. Bakeghelelagha inyiho izya inko zizyo zikabazyungulila napapo u Mwene akabalamula akati, “Mutakabombaye ngati mumo inko zinizi zikubombela,” sona bakabombagha ivintu vivyo u Mwene akabakanizya.

2 Imbili 29:6

Abanyenya bitu batakaba basubiliwa sona bakabomba imbibi pamaso pa Mwene u Chala witu nukumukana. Bakayisulannya Inyumba yache nukumupa inkonto.

Ezila 9:10

“Wee Chala witu, nkimba tungati choni? Pakuti twaghasulannya amalamulo,

Nehemiya 9:30

Awe ukabafisila ilyoyo amaka aminji nkani. Ukababuzya abalaghuzi bako ukwendela mu Muzimu wako ukuti babasokaye. Pope bulo abantu bako bakaba na mapuli, po ukababika munyobe izya bantu aba inko izinji.

Nehemiya 9:33

Awe wame we mugholosu bulo, napapo ivintu vyosi ivibibi vinivi vyatuwilagha. Awe wame we musubiliwa, loli aswe tukananga.

Nehemiya 9:35

Napapo bakilaghilagha bene nukwilagha ivintu ivyiza muchisu ichikulu ni chamboto chicho ukabapa, pope bulo batakakubombela pamo ukuleka imbombo zyabo imbibi.

Yelemiya 29:19

Pachifukwa ichakuti batakaghivwila amazyu ghagho nkababuzya akabalilo na kabalilo, amazyu ghagho nkatuma na babombi bane abalaghuzi, loli amwe mwe bazya mukaghakana.

Yelemiya 44:17

Nubwanaloli bosi tukwiza pakubomba chosi chicho tukanena ukuti tukwiza pakuchibomba. Tukwiza pakumochela utwakununkila u Mwene Umukolo Uwakumwanya nukumubikila ichakwiyipa icha vinyo ngati mumo aswe na banyenya na bamwene bitu na makambala ghitu tukabombela mutwaya utukulu utwa Yuda sona na mumisebo iya Yelusalemu. Pakabalilo kalakala tukaba ni chakulya ichinji nkani, sona tukaba akiza nkani, yitakabapo intamyo nayimoyimo.

Yelemiya 44:4

Kabilikabili nkabatumila ababombi bane abalaghuzi, babo bakababuzya ukuti, ‘Mutakabombaye ichintu ichamwiko chicho inchibengite.’

Ezekiyeli 5:6

Abantu aba mu Yelusalemu mububibi bwabo baghasambukila amalamulo ni ndaghilo zyane ukuzichila inko ni vyisu vivyo vimuzyunguliye. Bazikana indaghilo zyane sona bataghakonka amalamulo ghane.”

Daniyeli 9:6

Tutakabateghelezya ababombi bako abalaghuzi, babo bakanenela mwitabwa lyako ku bamwene bitu, na balongozi bitu, na banyenya bitu, sona na bantu bosi aba muchisu.

Ukukumbusya Amalamulo 31:21

Bo intamyo na mayimba aminji nkani ghabawila, ulwimbo lunulu lukwiza pakuba we kaboni wane uwakubasusya, pakuti abaluko lwabo bakwiza pakulukumbuka ulwimbo lunulu. Nilelo bulo, bo inchili na pakubinjizya muchisu chicho nkabalayizya, inzimenye inyinong'ono zyabo.”