Nehemiya 9:30 - IBAYIBOLO 2024

³⁰ Awe ukabafisila ilyoyo amaka aminji nkani. Ukababuzya abalaghuzi bako ukwendela mu Muzimu wako ukuti babasokaye. Pope bulo abantu bako bakaba na mapuli, po ukababika munyobe izya bantu aba inko izinji.

Nehemiya 9:30 Iomraidhean Croise

2 Abamwene 18:11

U mwene uwa ba Asiliya akabalema aba Izilayeli nukubuka nabo pakuba bakayidi mu Asiliya, akabazengezya mu Hala, na mu Gozani kupipi nu lusoko ulwa Haboli, sona na mutwaya utukulu nkani utwa ba Mediya.

2 Abamwene 21:10

U Mwene akanenela mu babombi bache abalaghuzi akati:

2 Imbili 24:19

Napapo u Mwene akabatumila abalaghuzi ukuti babanyosezyanje kukwache sona napapo abalaghuzi bala bakabasusya, pope bulo abantu bala batakabivwila.

Ezila 9:10

“Wee Chala witu, nkimba tungati choni? Pakuti twaghasulannya amalamulo,

Nehemiya 9:20

Ukabapanga Umuzimu wako umwiza pakubamanyisya, po utakalekapo nalumo pakubapa umana ukuti balyanje sona ukubapanga amizi aghakung'wela.

Nehemiya 9:26

“Pope bulo batakivwilagha sona bakakusambukila nukuzisulannya indaghilo zyako. Bakabaghogha abalaghuzi bako, babo bakabasokagha ukuti banyokele kukwako. Bakakusamula pakubomba ichintu ichibibi nkani.

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 95:10

Nkayikalalila inkulilo yila amaka 40, po nkati, ‘Amoyo ghabo ghakupulumpa, sona batakukonka amalamulo ghane.’

Yesaya 28:10

Pakuti chikuyezya pakutumanyisya panandipanandi ululaghilo nu lulaghilo, sona umuzele nu muzele, pano tunandi bulo sona pala tunandi bulo.

Yesaya 42:24

Nkimba wewenu yuyo akamubika u Yakobo, munyobe izya bakuzompola, sona aba Izilayeli munyobe izya bakufyula? Fwandi atakaba we Mwene yuyo tumunangiye? Pakuti batakakonkagha ivimanyisyo vyache, sona batakivwilagha ululaghilo lwache?

Yesaya 48:9

Pachifukwa icha itabwa lyane ntakukalala lubilolubilo, pachifukwa icha mapalo ghane nkufisa ubukali bwane, umwakuti ntakabanangannye.

Yesaya 63:10

Loli pope bulo bakasambuka, nukumukalalizya Umuzimu wache Umuzelu. Po akanduka nukuba mulwani wabo, nukulwa nabo ubwite.

Yelemiya 25:4

Loli napapo u Mwene akabatumila ababombi bache abalaghuzi kabilikabili, pope bulo mutakivwa pamo ukuteghelezya.

Yelemiya 44:22

Bo u Mwene akupotwa pakwilema pachifukwa icha mbombo zyinyu imbibi sona ni vintu ivinyazu vivyo mukabombagha, ichisu chinyu chikaghuniwa nukuba chisami, chicho abantu batakwikalamo nabamobamo, ngati mumo chibeleye ilelo.

Yelemiya 44:4

Kabilikabili nkabatumila ababombi bane abalaghuzi, babo bakababuzya ukuti, ‘Mutakabombaye ichintu ichamwiko chicho inchibengite.’

Yelemiya 44:5

Loli batakivwa pamo ukuteghelezya napo panandi. Batakalondagha pakubuleka ububibi bwabo pamo pakubika ivyakwiyipa ku bachala abanji.

Yelemiya 7:25

Ukwandila mwisiku lilyo abanyenya bakepaghamo mu Ijiputi mupaka nilelo, isiku ni siku, kabilikabili, nkabatumila ababombi bane na balaghuzi bane.

Nkuto 2:17

U Mwene abomba zizyo akabatika, sona akwanilisya amazyu ghache ghagho akanena kale. Po akunangannya umwakusita ichisa, abapela abalwani bako ukuti bakusekaye, abapiye abalwani bako amaka.

Daniyeli 9:6

Tutakabateghelezya ababombi bako abalaghuzi, babo bakanenela mwitabwa lyako ku bamwene bitu, na balongozi bitu, na banyenya bitu, sona na bantu bosi aba muchisu.

Zekaliya 7:12

Bakakazya nkani amoyo ghabo ngati libwe, umwakuti batakivwanga ululaghilo sona na mazyu agha Mwene Uwamaka Ghosi ghagho akababuzya abalaghuzi abavula intazi bala pakwendela mwa Muzimu. Po u Mwene Uwamaka Ghosi akakalala nkani.

Zekaliya 7:13

“U Mwene Uwamaka Ghosi akuti, ‘Bo nkubitizya batakivwanga, bo bope bakunyitizya, intakabateghelezya.

Ukubelengiwa 11:26

Loli abalongozi babili, u Elidadi nu Medadi bakasyalikila muvisakasa mula. Bo bapokela u Muzimu bope bakanda pakulaghula muchisakasa mula.

Imbombo 13:18

nukujimba nabo amaka 40 munkolongo.

Imbombo 28:25

Pakuti bakasusannya benebene, bakasata bulo. Loli bo batasatanite, u Pabuli akonjelezyapo pakunena ichintu choka ichi ukuti, “U Muzimu Umuzelu akanena ubwanaloli na banyenya binyu bo akunena ukwendela mu mulaghuzi u Yesaya ukuti:

Imbombo 7:51

U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu!

Aba Loma 2:4

Nkimba awe ukuchisula ichisa ichikulu icha Chala, ubufisalyoyo bwache, sona nu buchimyeka? Nkimba utazimenye ukuti u Chala uwa chisa pakuti akuyezya pakukulongozya ukuti upinduke nukuzileka imbibi zyako?

1 Pitala 1:11

Abalaghuzi bala bakayezya pakukagha akabalilo akenecho, sona namumo kangizila. Aka kakaba kabalilo kako Umuzimu uwa Kilisitu yuyo akaba mumwabo akasonta. Bakanenela zila namumo u Kilisitu akwiza pakujimbila mumayimba, sona nu buchindamu bubo bukwiza pakukonkapo.

2 Pitala 1:21

Pakuti butalipo ubulaghuzi nabumobumo bubo bukiza nu bwighane ubwa muntu. Loli abantu bakalaghula ukwendela mwa Muzimu Umuzelu amazyu agha Chala.

2 Pitala 3:9

U Mwene atakuzyelazyela pakukwanilisya zizyo akalayizya, ukuyana namumo abantu bamo bakwinong'onela. Mubuzilo bwache, we mufisalyoyo namwe pakuti atakulonda ukuti nayumo umuntu azimile, loli ukuti umuntu wesi apinduke nukuzileka imbibi zyache.