Nehemiya 9:29 - IBAYIBOLO 2024

²⁹ “Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Nehemiya 9:29 Iomraidhean Croise

2 Abamwene 17:13

U Mwene akabasoka aba Izilayeli, naba Yuda ukwendela mu balaghuzi, sona na benelezyi bache bosi ukuti, “Muzileke imbombo zyinyu imbibi. Muzikonkaye indaghilo zyane na malamulo ghane, ghagho nkabalamula abanyenya binyu, sona ghagho nkabapa ukwendela mubabombi bane abalaghuzi.”

2 Abamwene 17:14

Loli aba Izilayeli batakivwilagha, sona bakaba na moyo amakafu nkani ngati mumo bakabela abanyenya babo, babo batakamusubila u Mwene u Chala wabo.

2 Imbili 24:19

Napapo u Mwene akabatumila abalaghuzi ukuti babanyosezyanje kukwache sona napapo abalaghuzi bala bakabasusya, pope bulo abantu bala batakabivwila.

2 Imbili 33:10

U Mwene akanena nu Manase na bantu bache, loli abantu batakabikilako umoyo.

2 Imbili 36:15

U Mwene, u Chala uwa banyenya babo, akabatumila amazyu ukwendela muntumi zyache, pachifukwa ichakuti akabapelela ichisa abantu bache sona ni Nyumba yache.

Nehemiya 13:15

Mumasiku ghalaghala, nkabennya abantu aba Yuda bali pakukanyankila amampesya Pisiku Ilyakutuzya. Bamo bakizagha na malezi pampunda zyabo nu vinyo na mampesya na makuyu sona nu katundu uwakulekanalekana. Bakizagha navyo vyosi vinivi ku Yelusalemu Pisiku Ilyakutuzya. Po nkabasoka ukuti batakaghulizyanje ivyakulya pisiku lilalila.

Nehemiya 9:10

Ukabomba ivyika ni viswigho pamaso pa Falabo na makambala ghache ghosi sona na bantu bosi aba muchisu chila, pachifukwa ichakuti ukabennya namumo bakabayivizizyanga aba Ijiputi. Ichi cho chifukwa imbili yako yichili yilipo mupaka nilelo bulo.

Nehemiya 9:16

“Loli abanyenya bitu bakitutumula nukuba na moyo amakafu, po batakaghakonkagha amalamulo ghako.

Nehemiya 9:26

“Pope bulo batakivwilagha sona bakakusambukila nukuzisulannya indaghilo zyako. Bakabaghogha abalaghuzi bako, babo bakabasokagha ukuti banyokele kukwako. Bakakusamula pakubomba ichintu ichibibi nkani.

Nehemiya 9:30

Awe ukabafisila ilyoyo amaka aminji nkani. Ukababuzya abalaghuzi bako ukwendela mu Muzimu wako ukuti babasokaye. Pope bulo abantu bako bakaba na mapuli, po ukababika munyobe izya bantu aba inko izinji.

Ukufuma 10:3

U Mozesi nu Aloni bakabuka kwa Falabo nukumubuzya ukuti, “U Mwene u Chala uwa ba Hebeli ati, ‘Nkimba uchili ukukana pakwiyisya pamaso papane? Ubitikizye abantu bane ukuti babukaye, umwakuti banganyiputa.

Yelemiya 17:23

Loli pope bulo batakivwila, sona bakighalila amakutu ghabo, nukughakazya amoyo ghabo, pamo pakuleka pakwivwila ivimanyisyo vyane.

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 42:19

U Yelemiya akati, “Amwe mwe bakusyalako mu Yuda, u Mwene akuti, ‘Mutakabukayeko ku Ijiputi.’ Nkubasoka isiku ili ukuti mube nubwanaloli pa chinichi,

Yelemiya 43:2

u Azaliya umwana uwa Hoshaya nu Yohanani umwana uwa Kaleya sona na banavuli bosi abamadinko bakamubuzya u Yelemiya bakati, “We mumyasi! U Mwene u Chala witu atakutumite pakutubuzya ukuti, ‘Mutakabukayeko ku Ijiputi pakwikala kulakula.’

Yelemiya 44:10

Loli mupaka nilelo mulekite pakwiyisya mwebene. Mulekite pakunchindika sona mutakuzikonka indaghilo zizyo nkabapa amwe poka na banyenya binyu.”

Yelemiya 7:26

Loli batakanteghelezya pamo ukubikilako umoyo. Bakakazya amoyo ghabo sona bakaba babibi ukubachila abanyenya babo.

Ezekiyeli 20:11

Nkabapa indaghilo zyane nukubalanjizya amalamulo ghane, ghagho umuntu nanti aghivwila akubanga nubumi.

Daniyeli 5:20

Loli pachifukwa ichakuti akituvyanga, nukukazya umoyo sona nukwitutumula nkani, akefiwapo pachitengo chache icha bumwene nukumufyula ubuchindamu.

Hoseya 6:5

Polelo nkakudumulannya mutuvigaba, pakubombezya abalaghuzi bane, nkabaghogha na mazyu agha mumulomo wane, sona ubulongi bwane bukamesya ngati ko kamesya.

Aba Levi 18:5

Polelo musungilile inyiho ni ndaghilo zizyo nkubapa pakuti nanti umuntu wesi yuyo akubomba bunubu akwiza pakuba nubumi. Ane ne Mwene.”

Matayi 19:17

U Yesu akamula akati, “Nkimba choni chicho ukundalusya ukuti choni chicho chiza? Alipo bulo Weka yuyo mwiza. Konka amalamulo nanti ukulonda ubumi ubwa bwila na bwila.”

Luka 10:28

U Yesu akamula akati, “Wamula akiza, bomba zinizi, po ukwiza pakuba nubumi.”

Aba Loma 10:5

Pakunena nizya mumo abantu bakuneneliwa pakuba bagholosu pamaso pa Chala ukwendela mu Ndaghilo, u Mozesi akasimba akati, “Umuntu wesi yuyo akukonka Indaghilo, akwiza pakuba nubumi ukwendela mu Ndaghilo zilazila.”

Aba Galatiya 3:12

Loli Indaghilo zitimite palwitiko, pakuti Amasimbo ghakuti, “Umuntu wesi yuyo akubomba zizyo Indaghilo izya Mozesi zikulonda akwiza pakuba nubumi.”

Ukukumbusya Amalamulo 31:21

Bo intamyo na mayimba aminji nkani ghabawila, ulwimbo lunulu lukwiza pakuba we kaboni wane uwakubasusya, pakuti abaluko lwabo bakwiza pakulukumbuka ulwimbo lunulu. Nilelo bulo, bo inchili na pakubinjizya muchisu chicho nkabalayizya, inzimenye inyinong'ono zyabo.”

Ukukumbusya Amalamulo 31:27

Pakuti inzimenye ukuti amoyo ghinyu makafu nkani, sona mukunsambukila. Nanti mukumusambukila u Mwene, bo inchili ne mumi, po zingaba bulibuli nanti infuye!

Ukukumbusya Amalamulo 4:26

Ilelo kumwanya ni chisu ichapasi bo bukaboni bwane ukuti amwe mukwiza pakuzimila lunulu muchisu chicho mukwiza pakuchifyula nukwikalamo chicho chili kwisila ilya Yolodani. Mutakwiza pakwikalamo akabalilo akatali loli mukwiza pakunanganika.

Abalongi 6:10

Nkababuzya nkati, ‘Ane ne Mwene u Chala winyu. Mutakabiputaye abachala aba ba Amoli muchisu chicho mukwikalamo.’ Loli amwe mutakanteghelezya.”