Nehemiya 9:24 - IBAYIBOLO 2024

²⁴ Abaluko lwabo bakinjila muchisu chila nukwikala mulamula. Ukabapota aba Kenani pamaso papabo, babo bakikalagha mulamula. Ukababika aba Kenani poka na bamwene babo, ninko zizyo zikikalagha mulamula munyobe zyabo ukuti bazibombelaye chosi chicho bakalondagha.

Nehemiya 9:24 Iomraidhean Croise

1 Imbili 22:18

Akabalalusya akati, “Nkimba u Mwene u Chala winyu ate namwe? Nkimba atabapiye umutende kosi na kosi? Pakuti ababika abenekaya munyobe zyane, sona ichisu chabo chili pasi pabulaghili ubwa Mwene, poka na bantu bache.

Esitele 9:5

Aba Yuda bakabaghogha abalwani babo bosi, nukubazimizya bosi sona bakababombela abalwani babo ukuyana namumo bakalondelagha.

Ukubelengiwa 14:31

Abana binyu babo mukatinji bakwiza pakulemiwa pakuba bazya, nkwiza pakubinjizya muchisu chila, sona bakwiza pakwilagha muchisu chicho mukachikana.

2 Timoti 2:26

Po amahala ghabo ghakwiza pakunyokelamo nukupona ichipingo icha Satana, yuyo abalemite nukubapela ukuti babombaye ubwighane bwache.

Yoshwa 10:40

Po u Yoshwa akafyula ichigaba chosi chila, ukongannyapo ichisu icha mumaghamba, na muntende mumaghamba kubwinjililo bwizuba, na mwikombe nukubapota abamwene bosi babo bakaba mulamula, umwakuti patakabapo nayumoyumo umuntu uwakupona. Akachinangannya chosi icha bumi ukuyana namumo u Mwene u Chala uwa ba Izilayeli akalamulila.

Yoshwa 11:23

Po bunubu u Yoshwa akachifyula ichisu chosi chila, ukuyana namumo u Mwene akamulamulila u Mozesi nukubapa aba Izilayeli ukuti yibanje mpyana iyabo ni yabo, ukuyana nuluko lwabo. Po pabumalilo abantu bakatuzya pakulwa ubwite.

Yoshwa 12:12

u mwene uwamu Egiloni uwa bamo aba mu Gezeli

Yoshwa 12:24

sona nuwa mu Tiliza. Abamwene bosi poka bakabapo 31.

Yoshwa 18:1

Bo bachifyula ichisu chosi chila, ichilundilo chosi icha ba Izilayeli chikabungana pa Shilo nukuzenga Ichisakasa icha Mwene palapala.

Yoshwa 21:43

U Mwene akabapa aba Izilayeli ichisu chosi, chicho akabalayizizya abanyenya babo. Po bakachifyula nukwikalana mulamula.

Yoshwa 21:45

U Mwene akakwanilisya zyosi zizyo akabalayizya aba Izilayeli.

Abalongi 4:23

Pisiku lilalila u Chala akabalwila ubwite aba Izilayeli nukumupota u Yabini u mwene uwa ba Kenani.