Nehemiya 9:22 - IBAYIBOLO 2024

²² “Ukabapa amaka aghakupotela abamwene, ninko izinji sona ni vyisu ivipalamani. Bakachifyula ichisu icha mwene u Sihoni uwamu Heshiboni sona ni icha mwene u Ogi uwamu Bashani.

Nehemiya 9:22 Iomraidhean Croise

Masalimo 105:44

Akabapa ichisu icha bantu aba inko izinji, po bakachisenda pakuba mpyana yabo, ichisu chicho abantu abanji bakayimbilapo.

Masalimo 78:65

Pabulamilo u Mwene akaba ngati alamusya bulo mutulo, ngati po muntu uwamaka yuyo akukolomoka pachifukwa icha kukolwa.

Yelemiya 27:5

Namaka ghane amakulu nkapela ichisu ichapasi, na bantu bache sona ni vinyamana vivyo vikwikala mulamula, sona nkumupa umuntu wesi yuyo nighanite pakumupa.

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Ukukumbusya Amalamulo 1:4

Zinizi zikabombiwa bo u Mozesi amupota u Sihoni u mwene uwa ba Amoli, yuyo akalaghilagha mu Heshiboni, sona bo amupota nu Ogi u mwene uwamu Bashani, yuyo akalaghilagha mu Ashitaloti na mu Edileyi.

Ukukumbusya Amalamulo 32:26

Nkati, ‘Nalondagha nkani nanti nabanangannyanga, sona nanti naghazimyanga amatabwa ghabo muchisu ichapasi, umwakuti atakabepo nayumoyumo umuntu uwakubakumbuka sona.’

Ukukumbusya Amalamulo 4:46

Pakabalilo kanaka aba Izilayeli bakaba mwikombe kupipi nakaya aka Beti Pewoli, kubufumilo bwizuba ubwa Yolodani, muchisu icha Sihoni u mwene uwa umu Amoli, yuyo akalaghilagha akaya akakulu aka Heshiboni. U Mozesi poka naba Izilayeli bakamupota u Sihoni, bo bakwepamo mu Ijiputi.

Ukukumbusya Amalamulo 4:47

Bakachifyula ichisu chache, poka ni chisu icha Ogi u mwene wamu Bashani. Banaba bakaba bamwene babili aba ba Amoli abakubufumilo bwizuba ubwa Yolodani.

Yoshwa 10:11

Bo bakubachimbila aba Izilayeli ukwika pighamba ilya Beti Holoni mupaka ku Azeka, u Mwene akabawisizya ivula iya mabwe amakulu nkani, umwakuti abantu abinji nkani bakafwa ni vula iya mabwe yila, ukubachila babo bakaghoghiwa naba Izilayeli.

Yoshwa 11:23

Po bunubu u Yoshwa akachifyula ichisu chosi chila, ukuyana namumo u Mwene akamulamulila u Mozesi nukubapa aba Izilayeli ukuti yibanje mpyana iyabo ni yabo, ukuyana nuluko lwabo. Po pabumalilo abantu bakatuzya pakulwa ubwite.