Nehemiya 9:20 - IBAYIBOLO 2024

²⁰ Ukabapanga Umuzimu wako umwiza pakubamanyisya, po utakalekapo nalumo pakubapa umana ukuti balyanje sona ukubapanga amizi aghakung'wela.

Nehemiya 9:20 Iomraidhean Croise

Nehemiya 9:30

Awe ukabafisila ilyoyo amaka aminji nkani. Ukababuzya abalaghuzi bako ukwendela mu Muzimu wako ukuti babasokaye. Pope bulo abantu bako bakaba na mapuli, po ukababika munyobe izya bantu aba inko izinji.

Masalimo 105:41

Akighula ilyalabwe, po amizi ghafuluka, sona ghakafulukila munkolongo ngati lusoko.

Masalimo 143:10

Umanyisyanje ubwighane bwako, pakuti awe we Chala wane. Umuzimu wako umwiza ghundongozyanje muzila yako inyiza.

Ukufuma 16:15

Bo aba Izilayeli batwennya utuntu tula batakavimanya ukuti vikaba vyo vyoni, po bakalalusannya bakati, “Nkimba vyo vyoni vinivi?” Pakuti batakavimanya. U Mozesi akababuzya akati, “Vinivi vyo vibama vivyo u Mwene abapiye amwe ukuti mulyanje.

Ukufuma 16:35

Aba Izilayeli bakalyanga umana amaka 40 mupaka bakafika muchisu icha Kenani, mumo bakikalana.

Ukufuma 16:4

Po u Mwene akamubuzya u Mozesi akati, “Nkwiza pakubawisizya ichakulya ichakufuma kumwanya. Abantu babaghiye pakufuma kuzi isiku ni siku nukuseba ivyakulya ivyakubayana isiku lilalila lyene, umwakuti imbayele nanti bakwiza pakukonka amalamulo ghane.

Ukufuma 17:3

Loli abantu bala bakaba ni nyota nkani, po bakilumbusyanga kwa Mozesi bakati, “Nkimba choni chicho ukatwefyamo muchisu icha Ijiputi? Fwandi ukulonda pakutughogha ni nyota aswe na bana bitu, sona ni vitekwa vyitu?”

Ukufuma 17:6

Nkwiza pakwima pantazi papako pibwe pighamba ilya Sinayi. Ukome ibwe lila, po amizi ghakwiza pakufuma ukuti abantu bang'wele.” Po u Mozesi akazibomba zinizi pantazi pa balongozi aba ba Izilayeli.

Yesaya 48:21

Bo u Mwene akulongozya abantu bache munkolongo, inyota yitakabalema. Akafumya amizi mwilyalabwe, akazepula ilyalabwe po amizi ghakafuma.

Yesaya 49:10

Batakwiza pakuba nizala pamo ni nyota, pamo ichitukizu pamo izuba vikwiza pakubocha. Yuyo ali ni chililizi papabo akwiza pakubalongozya, nukubalongozezya ku mbwibwi izya mizi.

Hagayi 2:5

Bo mwepamo muchisu icha Ijiputi, nkabalayizya ukuti nkwiza pakuba namwe akabalilo kosi. Nchili indinamwe, po mutakanyilaye.’

Ukubelengiwa 11:17

Ane nkwiza pakwika nukunena nawe palapala, sona nkwiza pakusendako u Muzimu wane yuyo ali mumwako nukubapako. Bakwiza pakukwavwa pakunyamula ukatundu uwa bantu, umwakuti utakamunyamule wemwene.

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Aba Loma 15:30

Mwee bakamu bane mwa Mwene witu u Yesu Kilisitu, sona nukwendela mu lughano ulwa Muzimu Umuzelu, nkubalambilizya ukuti mubanje poka nane munyiputo, pakunyiputila nkani kwa Chala.

1 Aba Kolinti 10:3

Abantu bosi bakalya ichakulya ichakuyana bulo ichabuzimu,

Aba Efeso 5:9

pakuti ivikomwa ivya lukozyo zyo zizyo zikwaghiwa muvintu vyosi vivyo vyiza, ni vigholosu, sona ni vyanaloli.

Yoshwa 5:12

Bo banda pakulya ivyakulya ivya muchisu chinichi, umana akaleka pakuwa, po aba Izilayeli batakalya sona umana yula. Loli ukwandila umwaka ghulaghula bakanda pakulya ivyakulya ivya mu Kenani.

2 Pitala 1:21

Pakuti butalipo ubulaghuzi nabumobumo bubo bukiza nu bwighane ubwa muntu. Loli abantu bakalaghula ukwendela mwa Muzimu Umuzelu amazyu agha Chala.