Nehemiya 9:19 - IBAYIBOLO 2024

¹⁹ “Pachifukwa icha chisa chako ichikulu nkani utakabaleka bene munkolongo mula. Pamusanya ibingu litakalekapo nalumo pakubalongozya, sona pabusiku impanda iya moto yikabalamilagha pakubalanjizya izila.

Nehemiya 9:19 Iomraidhean Croise

Nehemiya 9:12

Pamusanya ukabalongozyanga ni bingu, sona pabusiku ukabalongozyanga ni mpanda iya moto umwakuti ubalamilaye muzila yiyo bakendaghamo.

Nehemiya 9:27

Po ukababika munyobe izya balwani, babo bakabayivya nkani. Loli bo bayimba nkani, bakakulilila. Po kumwanya uko ukabivwa sona pachifukwa icha chisa chako ukabatumila abantu pakubapoka munyobe izya balwani babo.

Nehemiya 9:31

Loli pachifukwa icha chisa chako ichikulu utakabazimizya abantu bako pamo ukubaleka, pakuti we Chala uwachisa sona uwachililizi.

Masalimo 106:45

Pachifukwa icha bantu bache, akalukumbuka ulufingo lwache, umwakuti akisya ubukali bwache pachifukwa icha lughano lwache ulukulu nkani.

Masalimo 136:16

Akabalongozya abantu bache munkolongo. Ulughano lwache lwa bwila na bwila.

Ukufuma 40:36

Nanti ibingu likwepapo pa Chisakasa palapala, bope aba Izilayeli bakepaghapo ni visakasa vyabo nukulikonka ibingu lila.

Ukufuma 40:38

Ibingu ilya Mwene likavwinkagha ichisakasa pamusanya, sona pabusiku bakawennyanga umoto uwakwaka mwibingu lilalila.

Yesaya 44:21

U Mwene akuti, “Wee Yakobo, kumbuka ivintu ivi, wee Izilayeli kumbuka, ukuti we mubombi wane. Nkakupela pakuba we mubombi wane, intenkakuluvye nalumolumo.

Nkuto 3:22

U Mwene atughanite nkani, cho chifukwa aswe tutakunanganika, sona ichisa chache chitakumalaghapo nalumo.

Ezekiyeli 20:14

Loli intakabomba ichi pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko bo nkuzyefyamo mu Ijiputi.

Ezekiyeli 20:17

Loli nkabapelela ichisa sona intakabanangannya pamo pakubamala munkolongo mula.

Ezekiyeli 20:22

Loli nkilema, pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko zizyo zikennya, bo nkubefyamo aba Izilayeli mu Ijiputi.

Daniyeli 9:18

Wee Chala, tegha ikutu lyako nukwivwa. Ighula amaso ghako nukwennya ukunanganika ukwa kaya kako kumanyikwe ni Tabwa lyako. Tutakukulambilizya pachifukwa ichakuti twebagholosu awe, loli pachifukwa icha chisa chako ichikulu nkani.

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Malaki 3:6

“Ane ne Mwene intakwandukakwanduka. Cho chifukwa amwe mwe baluko ulwa Yakobo mutazimiye zila.

Ukubelengiwa 14:14

Bakwiza pakubapangila abantu aba muchisu chinichi. Abene bivuye kale ukuti awe we Mwene uli pakasi pabantu banaba, sona nukuti awe we Mwene ukaboneka pamaso na pamaso, sona ibingu lyako likwikala papabo. Bazimenye ukuti awe ukabalongolela ni mpanda iya libingu pamusanya, sona pabusiku ukabalongolela ni mpanda iya moto.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

1 Samuweli 12:22

U Mwene atakwiza pakubakana abantu bache, ukuti lumo itabwa lyache ikulu lingasamuliwa, pakuti chikamuhobosya u Mwene pakubapela amwe ukuti mubanje mwe bache na bache.