Nehemiya 9:17 - IBAYIBOLO 2024

¹⁷ Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Nehemiya 9:17 Iomraidhean Croise

1 Abamwene 6:13

Nkwiza pakwikala pakasi pabantu aba Izilayeli, sona ntakwiza pakubakana nalumolumo.”

1 Abamwene 8:57

U Mwene u Chala witu abe naswe ukuyana namumo akabela na banyenya bitu. Atakatuleke pamo ukutukana nalumolumo.

2 Imbili 36:13

Akamusambukila sona u mwene u Nebukadineza napapo akamulapizya ichilapo mwitabwa ilya Chala. Akaba numoyo umukafu nkani umwakuti atakanyokela kwa Mwene u Chala uwa Izilayeli.

Ezila 9:9

Wee Chala witu, napapo twe bazya, awe utakatukana bo tuli mumayimba. Ukatupelela ichisa pamaso pa mwene uwamu Peleziya, po utupiye ubumi ubupya ukuti tuzenge sona Inyumba yako nukuviyannya sona ivisami vyache sona watuvighilila muchisu icha Yuda na mu Yelusalemu.

Nehemiya 9:31

Loli pachifukwa icha chisa chako ichikulu utakabazimizya abantu bako pamo ukubaleka, pakuti we Chala uwachisa sona uwachililizi.

Masalimo 106:13

Loli lubilolubilo bakaluvya vyosi vivyo akababombela, umwakuti bakasulannya amahala ghache.

Masalimo 106:7

Bo abanyenya bitu bali mu Ijiputi, batakinong'onelako ku vyika vyako. Batakakumbuka ukuti ukababombela ivintu ivyiza, po bakakusambukila pa Nyanja Inchesamu.

Masalimo 130:4

Loli awe ukuhobokela, cho chifukwa ukuchindikiwanga.

Masalimo 78:10

Batakasunga ulufingo ulwa Chala, loli bakakana pakulwivwila ululaghilo lwache.

Masalimo 78:11

Bakaluvya ivintu vivyo akababombela, sona ni vyika vivyo akabalanjizya.

Masalimo 78:38

Loli akaba wachisa, akabahobokela imbibi zyabo, po atakabanangannya, akabalilo na kabalilo akubwisya ubukali bwache, loli atakakalala.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Ukufuma 32:9

U Mwene akati, “Inzimenye ukuti abantu banaba amoyo ghabo makafu nkani.

Ivyili 1:24

Loli pachifukwa ichakuti mukankana, bo nkubitizya sona mutakanyivwila, bo nagholosya inyobe yane ukuti imbavwe

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 7:26

Loli batakanteghelezya pamo ukubikilako umoyo. Bakakazya amoyo ghabo sona bakaba babibi ukubachila abanyenya babo.

Ezekiyeli 5:6

Abantu aba mu Yelusalemu mububibi bwabo baghasambukila amalamulo ni ndaghilo zyane ukuzichila inko ni vyisu vivyo vimuzyunguliye. Bazikana indaghilo zyane sona bataghakonka amalamulo ghane.”

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Yoweli 2:13

Zepula amoyo ghinyu, mutakazepulaye inkazo zyinyu. Nyokela kwa Mwene u Chala winyu, pakuti wachisa sona wachililizi. Akuzyela pakukalala, akuzibomba zizyo alayizya, akubahobokela imbibi abantu, sona atakulonda pakubafunda.

Aba Levi 26:44

Loli napapo bali muchisu icha balwani babo, ane ntakwiza pakubakana, pamo pakubaleka umwakuti mbanangannye nukulunangannya ulufingo lwane lulo nkafingana nabo. Ane ne Mwene u Chala wabo.

Nahumu 1:3

U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Ukubelengiwa 14:11

U Mwene akamulalusya u Mozesi akati, “Nkimba abantu banaba bakwiza pakuleka liyi pakunsamula? Nkimba bakwiza pakukana ukunsubila mupaka liyi, napapo napela ivyika ivyinji nkani pakasi papabo?

Ukubelengiwa 14:41

Loli u Mozesi akati, “Nkimba choni chicho mukwendelela pakunanga ilamulo ilya Mwene? Pakuti amwe mukwiza pakupotwa.

Ukubelengiwa 16:14

Ukonjelezyapo, utatwinjizizye muchisu icha mboto pamo ukutupa amaghunda agha mampesya pakuba ghitu na ghitu. Nkimba ukulonda pakutusenda ngati twe bapunganu? Awe tutakwizako!”

Imbombo 7:39

“Loli abanyenya bitu bakakana pakumwivwila, bakamusunkila kulubazu nukulonda ukuti ngali banganyokela kuchisu icha Ijiputi.

Aba Loma 9:15

U Mwene akamubuzya u Mozesi akati, “Nkwiza pakuba ni chisa pa muntu wesi yuyo nkumulonda, sona nkwiza pakumupelela ichililizi umuntu wesi yuyo nkumulonda.”

Aba Hebeli 12:25

Po mubanje maso ukuti mutakamukanaye yuyo akunena namwe. Nanti abantu babo bakakana pakumwivwila yuyo akabasoka, bataponite ulufundo, po nkimba aswe tukwiza pakupona bulibuli nanti tutakumuteghelezya uwakumwanya yuyo akutusoka?

1 Samuweli 12:22

U Mwene atakwiza pakubakana abantu bache, ukuti lumo itabwa lyache ikulu lingasamuliwa, pakuti chikamuhobosya u Mwene pakubapela amwe ukuti mubanje mwe bache na bache.