Nehemiya 9:16 - IBAYIBOLO 2024

¹⁶ “Loli abanyenya bitu bakitutumula nukuba na moyo amakafu, po batakaghakonkagha amalamulo ghako.

Nehemiya 9:16 Iomraidhean Croise

2 Abamwene 17:14

Loli aba Izilayeli batakivwilagha, sona bakaba na moyo amakafu nkani ngati mumo bakabela abanyenya babo, babo batakamusubila u Mwene u Chala wabo.

2 Imbili 29:6

Abanyenya bitu batakaba basubiliwa sona bakabomba imbibi pamaso pa Mwene u Chala witu nukumukana. Bakayisulannya Inyumba yache nukumupa inkonto.

2 Imbili 30:8

Mutakabanje na moyo amakafu ngati mumo bakabela abanyenya binyu. Mumwivwilaye u Mwene. Mwizaye kuchipinda chache Ichizelu, chicho achipaghuye bwila na bwila. Mumubombelaye u Mwene u Chala winyu, umwakuti ubukali bwache ubwakoghofya butozoke.

2 Imbili 36:13

Akamusambukila sona u mwene u Nebukadineza napapo akamulapizya ichilapo mwitabwa ilya Chala. Akaba numoyo umukafu nkani umwakuti atakanyokela kwa Mwene u Chala uwa Izilayeli.

Nehemiya 9:10

Ukabomba ivyika ni viswigho pamaso pa Falabo na makambala ghache ghosi sona na bantu bosi aba muchisu chila, pachifukwa ichakuti ukabennya namumo bakabayivizizyanga aba Ijiputi. Ichi cho chifukwa imbili yako yichili yilipo mupaka nilelo bulo.

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Masalimo 106:6

Twananga ngati mumo abanyenya bitu banangila, aswe twe babibi sona twananga nkani.

Masalimo 81:8

“Mwee bantu bane, ivwa kuno, imbasoke, mwee ba Izilayeli, ngali mukanyivwilagha!

Ukufuma 15:26

akati, “Nanti mukunyivwila ane nukubomba zizyo ngolosu pakukonka indaghilo zyane nukwivwila akiza vyosi vivyo nkubalamula, ntakwiza pakubafunda nu bubine ukuyana namumo nkabafundila aba Ijiputi. Pakuti ane ne Mwene, yuyo akubapozya.”

Ukufuma 32:9

U Mwene akati, “Inzimenye ukuti abantu banaba amoyo ghabo makafu nkani.

Ivyili 29:1

Umuntu yuyo akuba nu moyo umukafu bo achemeliwa akinji bulo, naloli lubilolubilo akunanganika umwakusita kupola.

Yesaya 48:18

Nanti mukaghivwilagha amalamulo ghane, po umutende winyu ngali ghukaba ngati lusoko, sona ubugholosu bwinyu, ngali bukubanga ngati mayigha agha panyanja.

Yesaya 48:4

Pakuti nkamanya ukuti, amoyo ghinyu makafu nkani, sona mukaba bakafu ngati chela, ivyeni vyinyu vikaba mukuba.

Yesaya 63:10

Loli pope bulo bakasambuka, nukumukalalizya Umuzimu wache Umuzelu. Po akanduka nukuba mulwani wabo, nukulwa nabo ubwite.

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 7:26

Loli batakanteghelezya pamo ukubikilako umoyo. Bakakazya amoyo ghabo sona bakaba babibi ukubachila abanyenya babo.

Ezekiyeli 5:6

Abantu aba mu Yelusalemu mububibi bwabo baghasambukila amalamulo ni ndaghilo zyane ukuzichila inko ni vyisu vivyo vimuzyunguliye. Bazikana indaghilo zyane sona bataghakonka amalamulo ghane.”

Imbombo 7:51

U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu!

Aba Loma 2:5

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.

Ukukumbusya Amalamulo 31:27

Pakuti inzimenye ukuti amoyo ghinyu makafu nkani, sona mukunsambukila. Nanti mukumusambukila u Mwene, bo inchili ne mumi, po zingaba bulibuli nanti infuye!

Ukukumbusya Amalamulo 32:15

Aba Izilayeli bakaba bakabi nkani, loli bakunsambukila. Bakina nkani, sona bakalya nukuvimbilwa. Pisinda pache bakamuleka u Chala wabo yuyo akabapela, nukulikana Ilyalabwe, yuyo Mupoki wabo.

Ukukumbusya Amalamulo 5:29

Ane nalondagha nkani ukuti inyinong'ono zyabo ngali zili bunubu amasiku ghosi, sona nukuti ngali bakunchindika nukuzikonka indaghilo zyane zyosi, umwakuti ivintu vyosi vibendelaye akiza, poka na baluko lwabo bwila na bwila.

Ukukumbusya Amalamulo 9:13

U Mwene akambuzya sona akati, “Imbamenye abantu banaba, naloli amoyo ghabo makafu nkani.

Ukukumbusya Amalamulo 9:27

Umukumbukaye umubombi bako u Abulahamu nu Yisaki, sona nu Yakobo. Utakabikilayeko nu moyo kubukafu ubwa moyo agha bantu banaba nu bubibi, sona ni mbibi zyabo,

Ukukumbusya Amalamulo 9:6

Po muzimanye ukuti u Mwene u Chala winyu atakubapa ichisu icha mboto ichi, te pachifukwa ichakuti mwe bagholosu awe. Amwe mwe bantu aba moyo amakafu nkani.

Aba Hebeli 3:13

Loli mukazannyanje isiku ni siku, bo tuli na Masimbo aghakuti, “Ilelo.” Bomba bunubu umwakuti nayumo umuntu mumwinyu atakazimbuliwe ni mbibi nukuba mukafu mumoyo.

Aba Hebeli 3:15

Amasimbo ghakuti, “Ilelo nanti mukwivwa izyu, mutakabanje na moyo amakafu ukuyana namumo mukabombela pakumusambukila u Chala.”