Nehemiya 9:10 - IBAYIBOLO 2024

¹⁰ Ukabomba ivyika ni viswigho pamaso pa Falabo na makambala ghache ghosi sona na bantu bosi aba muchisu chila, pachifukwa ichakuti ukabennya namumo bakabayivizizyanga aba Ijiputi. Ichi cho chifukwa imbili yako yichili yilipo mupaka nilelo bulo.

Nehemiya 9:10 Iomraidhean Croise

Nehemiya 9:16

“Loli abanyenya bitu bakitutumula nukuba na moyo amakafu, po batakaghakonkagha amalamulo ghako.

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Masalimo 83:18

Bakumanye ukuti naloli awe itabwa lyako we Mwene, we Wakumwanya Nkani pachisu chosi ichapasi ichi.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Ukufuma 3:20

Po nkwiza pakubakoma na maka ghane, sona nkwiza pakubafunda aba Ijiputi ni viswigho vivyo nkwiza pakubabombela. Pisinda pache bakwiza pakubalekezya ukuti mubukaye.

Ukufuma 5:2

Po u Falabo akamula akati, “Nkimba u Mwene yunuyu wewenu? Nkimba choni chicho imwivwilaye pakubitikizya aba Izilayeli ukuti babukaye? Ntamumenye u Mwene yunuyu, po ntakwiza pakubitikizya aba Izilayeli ukuti babukaye.”

Ukufuma 7:1

Po u Mwene akamubuzya u Mozesi akati, “Ivwa kuno, nakupela pakuba ngati we Chala pamaso pa Falabo, sona uwamwinyu u Aloni akwiza pakuba mulaghuzi wako.

Ukufuma 9:16

Loli imbalekite bumi ukuti indanjizye amaka ghane amakulu, umwakuti itabwa lyane limanyikwe pachisu chosi ichapasi.

Yesaya 42:20

Wennya ivintu ivyinji nkani, loli utakuvibikilako umoyo, amakutu ghako ghighukite loli utakwivwa nachimochimo.”

Yesaya 63:12

yuyo na maka ghache agha buchindamu, ghakendagha nu Mozesi, yuyo akagaba amizi pamaso papabo, umwakuti amanyikwanje nitabwa ilya bwila na bwila,

Yesaya 63:14

Ngati ng'ombe zizyo zikubuka kwikombe, bakapeghiwa ubutuzyo nu Muzimu uwa Mwene. Umu momumo ukabalongozezya abantu bako, ukuti itabwa ilya buchindamu lichindikiwanje.

Yelemiya 32:20

Ukabomba ivyika ni viswigho mu Ijiputi sona uchili ukuvilanjizya nukuvibomba mupaka nilelo, kuba Izilayeli na pakasi pa inko izinji umwakuti ilelo bakumenye kosi na kosi.

Ezekiyeli 20:9

Nkabomba bunubu pachifukwa ichakulivighilila itabwa lyane ukuti litakanyaziwanje pamaso pa inko zizyo aba Izilayeli bakikalagha pakasi papabo, zizyo zikanyennya bo nkubefya aba Izilayeli muchisu icha Ijiputi.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Daniyeli 5:23

Loli ukamusambukila u Mwene uwakumwanya pakubalamula abantu ukuti bize ni mbako ni mbale pamaso papako zizyo zikaba mu Nyumba iya Chala. Po awe na makambala ghako, na bachi bako sona na bachi bako abazya mukang'welelaghamo uvinyo. Mukabapala abachala aba siliva naba golide naba mukuba na bachela naba makwi sona naba mabwe abachala babo batakwennya pamo ukwivwa pamo ukumanya ivintu. Loli utakamuchindika u Chala, yuyo akubusungilila ubumi bwako, sona yuyo ivintu vyosi vili munyobe zyache.

Daniyeli 9:15

“Wee Mwene u Chala witu ukabefyamo abantu bako mu Ijiputi na maka ghako amakulu nkani, sona itabwa lyako lyamanyikwa mupaka ilelo, loli aswe twananga sona twabomba ububibi.

Imbombo 7:36

U Mozesi akabalongolela abantu ukwepamo mu Ijiputi, akabombagha ivyika ni viswigho mu Ijiputi napa Nyanja Inchesamu, sona na munkolongo amaka 40.

Aba Loma 9:17

Pakuti Amasimbo ghakunena kwa Falabo ghakuti, “Nkakupakazya pakuba we mwene ukuti nkubombele ukuti indanjizye amaka ghane, sona ukuti ufumusye itabwa lyane pachisu chosi ichapasi.”

Ukukumbusya Amalamulo 4:34

Nkimba alipo u chala uyunji yuyo akayezyapo lumo pakubefya abantu bache muchisu icha bantu aba inko izinji ukuti babanje bantu abache na bache ukuyana namumo u Mwene u Chala winyu akabombela namwe mu Ijiputi? Akabomba zinizi na maka amakulu nkani, bo mukwennya na maso ghinyu. Akabawisizya iviwaya nubwite, akabomba ivyika ni viswigho, sona ni vintu ivyakoghofya.

Ukukumbusya Amalamulo 7:19

Na maso ghinyu mukennya ivyika ni viswigho, sona na maka amakulu ghagho u Mwene u Chala winyu akabombezya pakubefyamo mu Ijiputi. U Mwene u Chala winyu akwiza pakubabombela bunubu abantu babo mukubanyila.

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”