Nehemiya 9:1 - IBAYIBOLO 2024

¹ Pisiku ilya 24 ilya mwezi ghulaghula, aba Izilayeli bakabungana poka. Bakatuzya pakulya nukuvwala amasaka sona bakinyafila ulufumbi pamitu yabo pachifukwa icha chitima.

Nehemiya 9:1 Iomraidhean Croise

2 Samuweli 1:2

Pisiku ilyabutatu umulumendo yumo akafuma kuvisakasa ivya Sabuli, bo avwalite amenda amazepunkane, sona akikupulila ulufumbi pamutu pachifukwa icha chitima. Umulumendo yula akafika kwa Devedi, po akisumba pasi munyayo zyache nukumuchindika.

2 Imbili 20:3

Po u Yehoshafati akanyila nkani, umwakuti akadumula nizya kubuka pakubuzikizya kwa Mwene sona akabalamula abantu bosi aba mu Yuda ukuti batuzye pakulya.

2 Imbili 7:10

Pisiku ilya 23 ilya mwezi waseveni akababwezya abantu, bo bahoboka nukusekela ukukulu nkani pachifukwa icha vyiza vivyo u Mwene akamubombela u Devedi nu Solomoni sona na bantu bache aba Izilayeli.

Ezila 8:21

Palapala pampindulila iya Ahava nkafumusya ukuti abantu batuzye pakulya, umwakuti twiyisye pamaso pa Chala witu nukumulaba ukuti aswe na bana bitu poka nu katundu wesi ukuti tubanje nu bulendo ubwiza.

Ezila 8:23

Tukatuzya pakulya nukumulambilizya u Chala witu ukuti atuvighilile, po akivwa ulwiputo lwitu.

Nehemiya 8:2

Pisiku ilyakwanda ilya mwezi waseveni umuputi u Ezila akiza ni Buku ilya Ndaghilo pamaso pa chilundilo, papo pakaba abanavuli na bakolo sona na bantu bosi babo bangivwisya.

Esitele 4:16

“Buka ubabungannye poka aba Yuda bosi babo bali mukaya akakulu nkani aka Susa nukuntuzikizya pakulya. Mutakalyanje pamo ukung'wela pamusanya na pabusiku ukwa masiku matatu. Ane na bambombo bane abalindu tukwiza pakutuzya pakulya. Po nkwiza pakubuka pamaso pa mwene, napapo chitakwitikiziwa ni ndaghilo. Nanti nkufwa, infwanje bulo.”

Esitele 4:3

Muvigaba vyosi mumo mukafumuziwa ululaghilo ulwa mwene mukabamo ichililo ichikulu nkani pakasi paba Yuda. Bakatuzya pakulya, bakalila nukukolomoka sona abinji bakavwala amasaka nukwinyafila itoyi pachifukwa icha chitima.

Yobu 2:12

Bo bamwennya pabutalipo batakamumanyagha napo panandi. Po bakanda pakulila umwakukolomoka sona bakazepula inkazo zyabo nukwinyafila ulufumbi pamitu yabo pachifukwa icha chitima.

Yesaya 22:12

Pisiku lilalila u Mwene, u Mwene Uwamaka Ghosi akabitizya abantu ukuti balile nukufwifwitila, ukumeta isisi nukuvwala amasaka.

Yoweli 2:12

Nilelo bulo u Mwene akuti, “Nyokela kukwane na moyo ghinyu ghosi, mutuzyanje pakulya, mulilaye, sona mufwifwitilaye.”

Aba Levi 23:34

“Ubabuzye aba Izilayeli uti, ‘Pisiku ilya 15 ilya mwezi uwaseveni mubanje nu Lusekelo ulwa Mwene ulwa Visakasa amasiku seveni.

Aba Levi 23:39

“Pisiku ilya 15 ilya mwezi uwaseveni, bo mwinula ivyakulya mumaghunda ghinyu, mubanje nu lusekelo ulwa Mwene amasiku seveni. Isiku ilyakwanda libanje Lyakutuzya ilipaghuliwa, sona isiku ilya eyiti lyope libanje lyakutuzya ilipaghuliwa.

Yoshwa 7:6

Bo u Yoshwa ivwa zinizi, akazepulannya amenda ghache nukukupama pantazi pa Bokosi ilya Lufingo ilya Mwene mupaka pachamabwila. Bope na balongozi aba ba Izilayeli bakabomba bunubu, bo binyafiye ulufumbi pamitu pachifukwa icha chitima.

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Abalongi 20:26

Aba Izilayeli bosi bakabuka ku Beteli, sona bakikala pasi palapala pakumulilila u Mwene. Pisiku lilalila bakatuzya pakulya mupaka pachamabwila nukubika ivyakwiyipa ivyakocha ni vyakwiyipa ivyabupoka kwa Mwene.

1 Samuweli 4:12

Pisiku lilalila umu Benjamini yumo akachimbila kubwite nukufika ku Shilo, bo azepuye amenda ghache, sona akikupulila ulufumbi pamutu pachifukwa icha chitima.

1 Samuweli 7:6

Bo aba Izilayeli babungana mu Mizipa, bakasemba amizi ghamo nukughakupulila pamaso pa Mwene. Pisiku lilalila aba Izilayeli bakatuzya pakulya, nukwilata imbibi zyabo ukuti, “Twamunangila u Mwene.” U Samuweli akaba mulongi uwa ba Izilayeli mu Mizipa.