Nehemiya 8:7 - IBAYIBOLO 2024

⁷ Po Aba Levi kokuti u Yeshuwa nu Bani nu Shelebiya nu Yamini nu Akubu nu Shabetayi nu Hodiya nu Maseya nu Kelita nu Azaliya nu Yozabadi nu Hanani sona nu Pelaya bakabavwa abantu bala pakubalingannya Indaghilo zila, bo abantu bimiliye.

Nehemiya 8:7 Iomraidhean Croise

1 Abamwene 8:14

Bo ichilundilo chosi icha ba Izilayeli chimiliye palapala, u Solomoni akaghalabukila ku bantu bala nukubasaya.

2 Imbili 30:22

U Hezekiya akabakazya aba Levi bosi, babo bakwivwisya pakubomba imbombo iya Mwene. Po abantu bakaba nu lusekelo amasiku seveni nukubika ivyakwiyipa ivyabupoka, po bakamupala u Mwene, u Chala uwa banyenya babo.

2 Imbili 35:3

Akabalamula aba Levi babo bakabamanyisyanga aba Izilayeli sona babo bakaba bapaghuliwa kwa Mwene akati, “Bika Ibokosi ilya Lufingo mu Nyumba iya Chala, yiyo u Solomoni umwana uwa Devedi u mwene uwa Izilayeli akazenga. Litakanyamuliwanje mwalwe pavipunko vyinyu. Polelo mumubombelaye u Mwene u Chala winyu, poka na bantu bache aba Izilayeli.

Ezila 8:18

Pachifukwa ichakuti u Chala akatupelela ichisa, bakatutumila u Shelebiya, umuntu uwamahala, uwaluko ulwa Mahili umwana uwa Levi, umwana uwa Izilayeli na bana abalumendo aba Shelebiya na bawamwabo poka na bantu 18

Nehemiya 10:18

nu Hodiya nu Hashumu nu Bezayi

Nehemiya 10:2

nu Selaya nu Azaliya nu Yelemiya

Nehemiya 11:16

umwana uwa Shabetayi, sona nu Yozabadi, abalongozi babili aba ba Levi, babo bakenelezyanga imbombo kuzi ukwa Nyumba iya Chala.

Nehemiya 11:19

Abalindilili aba pamulyango bakaba bo aba: U Akubi nu Talimoni poka na bamwabo, babo bakalindililagha pamulyango. Abantu bosi poka bakabapo 172.

Nehemiya 12:33

poka nu Azaliya nu Ezila nu Meshulamu

Nehemiya 3:17

Pakakonkapo aba Levi umwakulongoziwa nu Lehumu umwana uwa Bani, bope bakazenga sona ichigaba choka. Pakakonkapo u Hashabiya, umulaghili uwa chigaba chimo icha Keyila, wepe akazenga sona ichigaba choka.

Nehemiya 3:19

Pakakonkapo u Ezeli umwana uwa Yeshuwa, umulaghili uwamu Mizipa, wepe akazenga sona ichigaba ichakwenannya ni chikwezya ichakubukila kunyumba yakusungilako ivilwilo ivya bwite mupaka pankuto.

Nehemiya 3:23

Pakakonkapo u Benjamini nu Hashubi, bope bakazenga sona ichigaba ichakwenannya ni nyumba zyabo. Pakakonkapo u Azaliya umwana uwa Maseya, umwana uwa Ananiya, wepe akazenga sona ichigaba icha papipi ni nyumba yache.

Nehemiya 8:12

Po abantu bosi bakabwela pakulya nukung'wela, sona bakagabana na bantu abanji ivintu vivyo bakaba navyo, pachifukwa ichakuti bakivwisya vivyo vikabelengiwa.

Nehemiya 8:4

Umusimbi u Ezila akimilila pachighemo ichitali icha matabwa chicho abantu bakazenga ukuti chibombaye imbombo pakabalilo kalakala. Kunyobe yache indilo kukimilila u Matitiya nu Shema nu Anaya nu Uliya nu Hilikiya sona nu Maseya. Kunyobe yache iyamongo kukimilila u Pedaya nu Misheyeli nu Malikiya nu Hashumu nu Hashabadana nu Zekaliya sona nu Meshulamu.

Nehemiya 8:6

U Ezila akamupala u Mwene u Chala umukulu, po abantu bosi bakakwezya inyobe zyabo mumwanya nukwamula ukuti, “Ameni! Ameni!” Bakafughama nukumwiputa u Mwene bo ivyeni vyabo vikotamiye pasi.

Nehemiya 8:8

Bakabelenga Ibuku ilya Ndaghilo izya Chala nukubalingannya abantu iching'anamulo chache, umwakuti abantu bala bivwisye akiza vivyo vikabelengiwa.

Nehemiya 9:3

Abantu bakimilila papo bakaba, po ama awala matatu bakateghelezyanga bo Ibuku ilya Ndaghilo izya Mwene likubelengiwa. Ama awala aghanji matatu abantu bala bakilatagha imbimbi zyabo nukumwiputa u Mwene u Chala wabo.

Nehemiya 9:4

Aba Levi bakimilila pamakwelelo. Palapala pakabapo u Yeshuwa nu Bani nu Kadimiyeli nu Shebaniya nu Buni nu Shelebiya nu Bani sona nu Kenani. Bosi banaba bakamwiputagha u Mwene u Chala wabo umwakukolomoka nkani.

Aba Levi 10:11

Mubamanyisyanje aba Izilayeli amalamulo ghosi ghagho u Mwene akabapa ukwendela mwa Mozesi.”

Malaki 2:7

“Pakuti imbombo iya muputi yakusungilila ubumanyi ubwa Chala, sona abantu babaghiye bamanyilaye kukwache, pakuti yo ntumi iya Mwene Uwamaka Ghosi.

Ukukumbusya Amalamulo 33:10

U Levi weyuyo akwiza pakubamanyisya abana aba Yakobo, pakughakonka amalamulo ghako. Akwiza pakubika ivyakufukizya ivyakununkila pamaso papako, nukukocha ivyakwiyipa pachighemo chako.