Nehemiya 8:6 - IBAYIBOLO 2024

⁶ U Ezila akamupala u Mwene u Chala umukulu, po abantu bosi bakakwezya inyobe zyabo mumwanya nukwamula ukuti, “Ameni! Ameni!” Bakafughama nukumwiputa u Mwene bo ivyeni vyabo vikotamiye pasi.

Nehemiya 8:6 Iomraidhean Croise

Ubwandilo 14:22

U Abulamu akamwamula akati, “Nkulapa pamaso pa Mwene u Chala Uwakumwanya Nkani, Umupeli uwakumwanya ni chisu ichapasi,

Ubwandilo 24:26

Umuntu yula akafughama nukumwiputa u Mwene.

1 Imbili 16:36

Mumupalaye u Mwene, u Chala uwa Izilayeli, ukwanda ilelo mupaka bwila na bwila! Po abantu bosi bakati, “Ameni! Apaliwanje u Mwene.”

1 Imbili 29:10

U Devedi akamupalizya u Mwene pantazi pa chilundilo chosi akati, “Wee Mwene u Chala witu uwa Izilayeli, upaliwanje bwila na bwila.

1 Imbili 29:20

Po u Devedi akachibuzya ichilundilo chosi chila akati, “Apaliwanje u Mwene u Chala winyu.” Po abantu bosi bakamupala u Mwene u Chala uwa banyenya babo. Bakamuchindika u Mwene pakumufughamilila.

2 Imbili 20:18

U Yehoshafati akafughama bo icheni chache chikotamiye pasi, bope abantu bosi aba mu Yuda, naba mu Yelusalemu bakawa pasi pamaso pa Mwene nukumwiputa.

2 Imbili 29:10

Losi ulu nkulonda pakufingana ulufingo nu Mwene, u Chala uwa Izilayeli, umwakuti ubukali bwache butozoke.

2 Imbili 29:30

U mwene u Hezekiya, na makambala ghache bakabalamula aba Levi ukuti bamupalaye u Mwene na mazyu agha Devedi sona nagha mwenelezyi u Asafu. Po bakimba inyimbo izya mapalo nu buhobosu, bo bakumwiputa pakufughama pasi.

2 Imbili 6:4

Po akati, “U Mwene, u Chala uwa Izilayeli apaliwanje, yuyo akwanilisya zizyo akamulayizya nu mulomo wache utata wane u Devedi. Pakuti akati,

Nehemiya 5:13

Nkakung'unta inkazo yane sona nkati, “Umwakuyana bulo u Chala amukung'untaye umuntu wesi yuyo atakusunga ilayizyo lyache. Amufyulaye inyumba yache, poka nu katundu wache wesi yuyo ali nawe nukumuleka nyobe zyene.” Ichilundilo chosi chila chikamula chikati, “Ameni!” Bakamupala u Mwene. Po abantu bala bakabomba zizyo bakalayizyanga.

Nehemiya 8:7

Po Aba Levi kokuti u Yeshuwa nu Bani nu Shelebiya nu Yamini nu Akubu nu Shabetayi nu Hodiya nu Maseya nu Kelita nu Azaliya nu Yozabadi nu Hanani sona nu Pelaya bakabavwa abantu bala pakubalingannya Indaghilo zila, bo abantu bimiliye.

Masalimo 134:2

Kwezya inyobe zyinyu mumwanya, pakumwiputa mubuzilo bwache ubuzelu, sona mumupalaye u Mwene.

Masalimo 141:2

Inyiputo zyane zibanje ngati twakufukizya utwakununkila pamaso papako. Ukukwezya inyobe zyane mumwanya, kubanje ngati cho chakwiyipa icha pachamabwila.

Masalimo 28:2

Unteghelezyanje bo nkulila ukuti umpelele ichisa sona bo nkulila, nkulaba ubwavwilizi. Unteghelezyanje bo nagholosezya inyobe zyane ku Buzilo bwako Ubuzelu Nkani.

Masalimo 41:13

U Mwene u Chala uwa ba Izilayeli, apaliwanje pakabalilo aka bwila na bwila. Ameni! Ameni!

Masalimo 63:4

Nkwiza pakukupala bo inchili indi nubumi, sona nkwiza pakukwezya inyobe zyane pakukuchindika.

Masalimo 95:3

Pakuti u Mwene we Chala umukulu, we Mwene umukulu nkani ukubachila abachala bosi.

Ukufuma 12:27

Mubamule ukuti, ‘Ichi cho chakwiyipa icha Pasa uwa Mwene, pachifukwa ichakuti akadumusannya inyumba izya ba Izilayeli muchisu icha Ijiputi. Akabaghogha aba Ijiputi, loli akatuleka aswe bumi.’ ” Aba Izilayeli bakafughama nukumwiputa.

Ukufuma 4:31

Aba Izilayeli bala bakasubila, sona bo bivwa ukuti u Mwene aghennya amayimba ghabo, sona nukuti akaba ni chitima nabo, bakafughama nukumwiputa.

Yelemiya 28:6

Akati, “Ameni! U Mwene azibombe ngati mumo zibeleye! U Mwene aghakwanilisye amazyu aghabulaghuzi bwako ukuti avinyosezye mumo ivibombelo ivya mu Nyumba iya Mwene sona na bazya bosi aba ku Babiloni.

Nkuto 3:41

Zagha twinusizye amoyo ghitu nukukwezya inyobe zyitu, kwa Chala kumwanya nukuti:

Aba Levi 9:24

Panapo na panapo u Mwene akatuma umoto nukocha ichakwiyipa ichakocha chila, ni vipuza ivya mafuta pachighemo pala. Bo abantu bosi bawennya umoto ghula, bakakolomoka nukufughama pakumwiputa u Mwene.

Matayi 26:39

Akatantama panandi nukwisumba pasi nukwiputa ukuti, “Tata wane, nanti zingabombiwa, efya ulubako ulwa ntamyo ulu kukwane. Chitakabe mumo nkulondela awe, loli mumo ukulondela.”

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

1 Aba Kolinti 14:16

Bo mukumupalizya u Chala nu muzimu winyu, nkimba umuntu yuyo ali poka namwe, anganena bulibuli ukuti, “Ameni,” pachifukwa icha nyiputo zyinyu zizyo mukumupalizya u Chala, bo atakumanya na chicho mukunena?

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.

1 Timoti 2:8

Nkulonda ukuti posi na posi abanavuli babo bapaghuliliwe kwa Chala, biputaye umwakukwezya inyobe zyabo izelu mumwanya umwakusita ukukalala, pamo ukususannya.

1 Pitala 1:3

Zagha tumupalizye u Chala yuyo we Wise uwa Mwene witu u Yesu Kilisitu! Pachifukwa icha chisa chache akatupa aswe ubumi ubupya pakumuzyusya u Yesu Kilisitu kubufwe. Ichi chikutupa ulusubilo ulwenecho,

Ubuvumbuli 7:11

Abantumi bosi bakimilila umwakuzyungulila ichitengo icha bumwene, na basongo, ni vipeliwa ivyabumi folo vila. Bakakupamila pasi pantazi pachitengo icha bumwene chila nukumwiputa u Chala.