Nehemiya 8:2 - IBAYIBOLO 2024

² Pisiku ilyakwanda ilya mwezi waseveni umuputi u Ezila akiza ni Buku ilya Ndaghilo pamaso pa chilundilo, papo pakaba abanavuli na bakolo sona na bantu bosi babo bangivwisya.

Nehemiya 8:2 Iomraidhean Croise

Nehemiya 10:29

tukwitinkana na bakamu bitu abachindikiwa sona tukulapa ichilapo ukuti tukwiza pakuzikonka Indaghilo izya Chala, zizyo akatupa ukwendela mu mubombi wache u Mozesi sona nukuti tukwiza pakughakonka amalamulo ni ndaghilo sona ni vimanyisyo ivya Mwene u Chala witu.

Nehemiya 13:1

Pisiku lilalila Indaghilo izya Mozesi zikabelengiwa umwakwivwika nkani, bo abantu bakuteghelezya sona bakagha papo pakasimbiwa ukuti patakaghiwepo nayumoyumo umu Amoni pamo umu Mowabu pakasi pabantu aba Chala,

Nehemiya 8:18

Isiku ni siku, ukwanda pisiku ilyakwanda mupaka ilyabumalilo, u Ezila akabelengagha Ibuku ilya Ndaghilo izya Chala. Bakaba nu lusekelo amasiku seveni, po pisiku ilya eyiti bakaba nulukomano ukuyana nu lulaghilo lwache.

Nehemiya 8:9

Po umulaghili uwa chisu u Nehemiya nu muputi u Ezila, yuyo akaba sona umusimbi, naba Levi babo bakalingannyanga abantu bakati, “Isiku ili lipaghuliwa kwa Mwene u Chala winyu. Mutakalilaye.” Pakuti abantu bosi bakalilagha, bo bakuteghelezya ukubelengiwa ukwa Ndaghilo zila.

Nehemiya 9:1

Pisiku ilya 24 ilya mwezi ghulaghula, aba Izilayeli bakabungana poka. Bakatuzya pakulya nukuvwala amasaka sona bakinyafila ulufumbi pamitu yabo pachifukwa icha chitima.

Yesaya 28:9

Nkimba wewenu u Mwene akuyezya pakumumanyisya? Nkimba akumulingannya uwenu amazyu ghanagha? Fwandi bana babo balesiwa pakonka? Pamo bana babo befiwako bulo kumabele?

Aba Levi 23:24

“Ubabuzye aba Izilayeli uti, ‘Pisiku ilyakwanda ilya mwezi uwaseveni libanje lisiku ilyakutuzya, isiku ilipaghuliwa ilya chiputo, sona bo mukulizya amapati.

Malaki 2:7

“Pakuti imbombo iya muputi yakusungilila ubumanyi ubwa Chala, sona abantu babaghiye bamanyilaye kukwache, pakuti yo ntumi iya Mwene Uwamaka Ghosi.

Ukubelengiwa 29:1

Pisiku ilyakwanda ilya mwezi uwaseveni mubanje nulukomano uluzelu ulwa chiputo, sona mutakabombaye imbombo izya isiku ni siku. Pisiku lilalila mulizyanje amapati.

Imbombo 15:21

Pakuti Indaghilo izya Mozesi zyabelengiwa akabalilo akatali munyumba izyakwiputilamo Isiku ni siku Ilyakutuzya, sona amazyu ghache ghope ghalumbililiwe muvyisu vyosi.”

Ukukumbusya Amalamulo 17:18

Bo imikiwa pabumwene bwache, asimbe mwibuku ilyache ni lyache amalamulo ghanagha, ghagho ghali mwibuku ilya malamulo, lilyo lili munyobe izya baputi, babo bo ba Levi.

Yoshwa 8:35

U Yoshwa akabelenga amalamulo ghosi agha Mozesi pamaso pa chilundilo chosi icha ba Izilayeli. Palapala pakabapo abakolo na bana na bayeni babo bakikalagha pakasi papabo.