Nehemiya 8:15 - IBAYIBOLO 2024

¹⁵ bafumusyanje amazyu ghanagha mutwaya twabo tosi na mu Yelusalemu ukuti, “Bukagha kuchisu icha maghamba pakudumula isamba izya misyunguti, nizya ntumbusya nizya mabale sona nizya makwi ghagho ghavwinkite ukuti muzenge ivisakasa ukuyana namumo zisimbiliwe mu Ndaghilo.”

Nehemiya 8:15 Iomraidhean Croise

Ubwandilo 8:11

Pachamabwila inkunda yila yikanyokela, po u Nowa akennya ilyani iteta ilya misyunguti kumulomo wache lilyo yikayaba! Panapa u Nowa akazimanya ukuti amizi ghanda pakupwa.

Aba Levi 23:4

“Agha gho masiku agha lusekelo amasaliwa nu Mwene, ghagho mubaghiye pakughafumusya pakabalilo kache akasaliwa:

Aba Levi 23:40

Pisiku ilyakwanda musende ivikomwa ivyiza nkani ni samba izya mabale sona na mafyomi nukusekela pamaso pa Mwene, u Chala winyu amasiku seveni.

Zekaliya 1:8

Pabusiku nkennya ichisetuka, pakaba uwakwendezya ifalasi inchesamu. Akimililagha pakasi pa makwi ghamo agha ntumbusya mwikombe. Po kwisinda kwache kukaba abakwendezya ifalasi inchesamu, ni yamabala sona ni swepu.

Matayi 21:1

Bo u Yesu na bamanyili bache bapalamila ku Yelusalemu, bakafika mukaya aka Betifage Pighamba ilya Misyunguti, kuko u Yesu akabatuma abamanyili bache babili.

Yohani 12:13

Po bakasenda isamba izya mabale nukubuka pakumupokela. Bakakolomoka bakati, “U Chala apaliwanje! Musayiwa yuyo akwizila mwitabwa ilya Mwene! U Chala amusaye u Mwene uwa ba Izilayeli!”

Ukukumbusya Amalamulo 16:16

Abanavuli bosi abaluko lwinyu bizaghe katatu pamwaka pamaso pa Mwene u Chala winyu pabuzilo bubo akwiza pakubusala, bo mukuba nu Lusekelo ulwa Chibama chicho chite ni chilungo nu Lusekelo ulwa Nyinulo, sona nu Lusekelo ulwa Visakasa. Patakabepo nayumoyumo umwanavuli uwakwiza nyobe zyene pamaso pa Mwene.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.